探熱針

泳衣晒肚 黃伊汶生𤠣B

Ads by Google

去年十月與陳國坤拉埋天窗的黃伊汶,上週五(八月七日)與老公十指緊扣, sweet爆行又一城,身形向來纖瘦的她,著平底鞋鬆身裙,一身初有孕造型,事後 Emme否認有喜:「唔係有咗!有會同大家講。」
有相為證! Emme更公開今個月初,與一班朋友到泰國蘇梅島為老公慶祝生日時影的泳裝照,力證冇講大話。

泰國慶祝滿四張

婚後半年,被追問幾時生 B的黃伊汶和陳國坤,多次表示會努力,更希望生夠三個。
上週五(七日)下午五時多,黃伊汶同老公現身又一城,行完 Page One再去 Log-on睇家品,又仔細研究邊款空氣清新機好,但無論老婆講乜,陳國坤都係同一反應,冧!
不過,當日著住鬆身裙的黃伊汶乍現小肚,還要腳踩平底鞋,造型似足初有孕。
對於外傳造人成功,黃伊汶否認說:「梗唔係有咗,有會同大家講。」
為慶祝陳國坤四十歲生日(八月一日),黃伊汶專登約同幾個好朋友,飛去泰國蘇梅島度假。
「我哋去咗六日,游水曬太陽同玩水上活動,如果 Emme有咗 BB,都唔會咁玩啦!不過結婚之後佢的確係肥咗,其實佢哋都 ready晒, Emme都有食中藥調理,身體好咗所以吸收咗。」黃伊汶身邊人說。




手腳纖瘦的黃伊汶失驚無神著鬆身裙,難免令人懷疑有咗!


行行吓,黃伊汶忽然攬實老公詐嬌。


安排蘇梅島生日 trip賀老公 40歲生日,壽星親自揸機,幫老婆拍泳衣照。


先後求婚四次,去年十月,二人終於在峇里舉行婚禮。


起程去泰國前一晚,黃伊汶在港為老公開生日 P,送上立體金龍生日蛋糕又送吻。


Party以懷舊做主題,有份出席的 Yumiko(左)和應采兒交足貨。 密謀生馬騮 B

眼見好友 Yumiko的囡囡已經四個月大,黃伊汶同陳國坤亦流晒口水,但二人婚後各有各忙,就連去歐洲度蜜月,都要小龍拍完內地劇,等到六月才有時間飛。
「佢兩個好鍾意小朋友,而且 Emme想生猴 B,因為佢自己屬猴,出年就係猴年,所以佢哋一定會好努力,否則趕唔切,唔通再等十二年咩!」黃伊汶身邊人說。




好姊妹應采兒和 Yumiko都先後生 B,黃伊汶都不甘後人,計劃生馬騮 B。

撰文、攝影、攝錄:娛樂組
mailto:nextplus.nextmedia.com

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()