不介意全裸上鏡,但成塊面得個嘴有色,陳瀅就好唔慣。

探熱針

先睹為快 陳瀅解放潛性感

Ads by Google

唔係無綫親生女!陳瀅( Jeannie)照劇接劇被重用,拍新劇《潮流教主》期間,更獲批假四日,去曼谷為下週五(二十一日)推出的圖像文學《半透明的舞孃》進行拍攝。其中一輯相,陳瀅全裸上陣,對於會否擔心惹來廣告商詐型,有唔少廣告約的她非常淡定:我唔係淨靠個樣!

優質股有潛力

由《女人俱樂部》做少女版陳慧珊開始,再接《四個女仔三個 Bar》,陳瀅已成為高登巴打新一代女神。
要將有潛力的「優質股」再上推,公司決定開水喉,為陳瀅推出寫真。團隊在香港開會時,有人提議陳瀅影一輯全裸但三點不露的照片,她未即時抗拒,但亦未有一口應承,雙方於是將建議記錄在案,「大家諗住去到 Bangkok,睇吓佢狀態係點,再作決定。」一名有份開會的工作人員說。
寫真在曼谷進行拍攝,其中一個景是到河邊拍落水,但因為河水十分混濁,根本不宜落水,最後改地點,轉到當地一個導演大宅內的仙人掌溫室取景。但攝影師發現原先預備落水的服裝,同仙人掌溫室好唔夾,於是膽粗粗重提全裸素顏上陣要求。
「當日已經第三日開工,同攝影師仲有成個團隊已經好有默契,自己都覺得愈影愈好狀態,我諗咗一分鐘,就決定試一下(全裸)。」陳瀅說。




為了這個甫士,陳瀅特別上課兩個月學習基本芭蕾舞姿。


另一款全裸照是在一個六呎玻璃箱同幾隻貓合影,試位陳瀅已經熱到似做高溫瑜伽,非常辛苦。


同陳瀅一齊影寫真的小妹妹,個樣似混血兒,實質是泰國土生土長,半句英文都唔識講。 唔怕廣告商嘈

廿個工作人員經清場後,連埋女主角最後留低六個人。為了讓陳瀅較易適應,開始時只脫去上身。
「唔尷尬就假,但我愈表現得唔自在,大家亦愈緊張,反而阻慢進度。我同自己講,要 relax,影咗唔夠半個鐘,我連 underwear都除埋,成個過程感覺良好,只係唔太慣無化妝。」陳瀅說。
一劇接一劇,廣告合約亦排住隊,失驚無神大解放,隨時被廣告商詐型,得不償失。
「今次本書係講自己成長經歷,仲有我鏡頭外 dark side嘅一面,啲相美感為主,亦可以俾大家睇到,我唔係淨係靠個樣!相信唔會被定型,公司同我都有信心,今次係開拓更廣闊事業嘅新里程。」陳瀅信心十足。




溫室滿布仙人掌,即使鏡頭外用大毛巾包到冚,陳瀅仍難逃玉背被刮花見紅(紅圈)。


溫室內無冷氣,手提風扇成為陳瀅開工的良伴。


為了以最佳狀態影相,陳瀅以小睡代替午餐,一舉兩得。 家人唔知情

新書推出在即,陳瀅至今仍未通知家人有如此突破舉動,但她相信父母思想較開明,亦會尊重她的決定,問題不大。
「爹哋媽咪我唔太擔心,反而係住响加拿大、由細湊大我嘅外婆,我驚佢未必接受到,可能到時抽起最激嗰幾張相先俾本書佢,希望過到骨啦!」陳瀅笑說。




刻意減掉七磅多餘肉的陳瀅,睇落有肉地,唔會皮包骨。


用新鮮康乃馨加半日時間堆成花海,不惜工本。


工作人員放濃煙戴上口罩,陳瀅擺晒甫士,強忍眼水。 新一代女神

現年 25歲的陳瀅,出生於加拿大,工商管理系畢業, 10年入行拍過 KFC、 Pizza Hut及屈臣氏等品牌,又與李治廷合作過隱形眼鏡廣告;其後,陳瀅殺入影壇接拍《迷離夜》、《盜馬記》等電影。 14年,接拍無綫劇《女人俱樂部》,飾演少女版陳慧珊而為人所認識,在劇集《四個女仔三個 Bar》中飾演 Brittany一角,活潑可愛的表現大獲好評,被網民力捧為新一代女神。







陳瀅在《四個女仔三個 Bar》的演出,被網友高度讚賞。




撰文、攝影、攝錄:娛樂組
mailto:nextplus.nextmedia.com

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()