今次寫真集以性感為主,陳瀅睇落有少少肉地,但佢堅持唔會執相:「我想話畀人知,唔一定瘦至係靚,任何身材都可以係靚!」

真面目

處女寫真 鹽扮雪醃胸 陳瀅:好痕呀!

Ads by Google

陳瀅即將推出圖像文學書《半透明的舞孃》,講到明有全裸當然成為焦點;本刊再獨家得到陳瀅新書靚相,當中陳瀅喺雪中穿着白色薄紗長裙,睡姿性感撩人。
但原來雪地實則係粗鹽,陳瀅好似醃鹹魚一樣瞓喺鹽堆 2小時,穿低胸更要喺心口灑鹽,拍完之後都忍唔住大叫:「好痕呀!」會唔會醃到皺皮㗎?




陳瀅自稱肥妹仔,但睇番佢 facebook啲三點式相又唔覺喎。網上圖片

女神陳瀅首次影寫真集,《半透明的舞孃》喺泰國拍攝,本來預算花成本 40至 50萬,但攝影師同製作團隊要求盡善盡美,結果埋單要近 100萬,遠超出預算,陳瀅接受訪問時依然樂觀:「冇預賺錢㗎!老闆好 support,覺得冇所謂。」

瞓鹽似鹹魚

女神寫真以五行做主題,當中以雪景代表其中一種元素,但喺泰國何來有雪?陳瀅笑住話:「團隊用咗 40個大麻包袋嘅粗鹽去製造場景,啲鹽鋪滿成間房,我瞓喺鹽堆好似醃鹹魚咁。」攝影師更將鹽灑喺陳瀅心口,營造落雪效果,呢個鏡頭拍咗 2粒鐘至完成,陳瀅覺得胸部同背脊又痕又紅,終於大叫:「好痕呀!」即撥走粗鹽搲痕。佢卻搞笑咁話:「唯一好處係啲鹽幫我對腳去晒啲死皮,哈哈!」
除咗「醃鹹魚」,陳瀅喺書中會大膽全裸,佢透露原來原意只係小性感,但去到湖景拍攝時,發現湖水太污糟落唔到水,轉到種滿仙人掌嘅場地後,女攝影師認為全裸至襯個景,陳瀅亦同意於是臨時決定全裸上陣;另一輯就係陳瀅要同貓貓共處喺玻璃箱入面,攝影師又覺得全裸至有美感!陳瀅全裸,好等睇呀!




鹽地扮雪地,陳瀅連心口都要被鹽醃足兩個鐘,你話啲鹽似雪多啲,定陳瀅似鹹魚多啲?


影完「鹹魚相」,陳瀅稱雙腳死皮都磨走晒。


喺拍攝呢輯彩煙照片時,工作人員要點起多種顏色的煙,期間不慎燒着陳瀅條長裙,好彩及時救熄咋。


陳瀅喺拍攝前苦練兩個月芭蕾舞,現場亦有老師教導如何騷出正確舞姿。


陳瀅喺書中真空甚至全裸上陣,非常大膽。


《半透明的舞孃》封面格調灰暗,陳瀅話想觀眾認識自己另一面喎。


寫真集喺泰國取景,製作費近百萬,換咗幾十套衫,的確幾認真! 陳瀅有個富貴後父

陳瀅今次寫真搏到盡,唔好以為佢好似其他𡃁模咁賣肉賺錢。其實陳瀅原名鄭鈺瀅,後因母親改嫁先轉姓兼改名,最緊要係後父超富貴,在廣州擁有一座比朗豪坊還大的六層商場。咁富貴都肯搏,睇嚟女神影寫真,係真心為興趣益街坊囉!




陳瀅出入揸 40萬 Audi跑車,襯晒女神身份。


陳瀅同後父感情好好,不過陳瀅話唔想講太多後父事情,避免影響佢喎!網上圖片


《 4個女仔 3個 BAR》出街後, 22歲陳瀅做咗宅男女神! 

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()