face.jpg


林師傑雖然已經公開同歐陽巧瑩拍拖,但兩人見到記者都好尷尬,歐陽巧瑩更全程冇出過聲!

封面

做完愛.回家冇嘢撈 林師傑水中磨爆新波霸 歐陽巧瑩

Ads by Google

新一季《愛•回家》雖然加入翠如 BB同張繼聰,但依然被觀眾插爆唔好睇,要求第一季原班人馬回歸。
27歲「木偶哥」林師傑雖然負面新聞多,勝在角色夠入屋,入行 5年都叫有人識,可惜自從冇得拍《愛•回家》,林師傑的工作量同人氣直插谷底,近乎打回原形。
唔使開工,林師傑上週同港姐女友歐陽巧瑩到淺水灣嬉水,兩人又攬又啜搞足 3粒鐘,木偶哥對住 34C女友情不自禁,落水磨爆,嘩!公眾地方又係公眾人物檢點啲好喎!




13年選港姐時是非多多,至今都未撈得起,早前更被森美叫錯做「司徒巧瑩」,勁𤓓!

食女無數的林師傑,入行 5年戰績彪炳,何雁詩、鄧穎芝及湯洛雯等都曾經成為他的集郵對象。早前因懷疑同𡃁模 Gwen車震,而被前度鄧穎芝數臭的木偶哥,話咁快就溝到新女、 13年港姐歐陽巧瑩,兩人早前公開認拍拖,女方更已火速搬到男友的西貢村屋同居。

淺水灣真人騷

有傳歐陽巧瑩的港女性格辣㷫林師傑父親,令林父被迫獨自搬開住。阿爸唔高興,但瘟女大過天的木偶哥一於少理。上週一(3日),林師傑同女友歐陽巧瑩現身淺水灣海灘,二人戴住同款太陽眼鏡嬉水, 34C歐陽巧瑩身穿三點式,盡顯黑色乳牛威力!
有水玩有女攬的林師傑非常享受鴛鴦戲水,一時拎出電話自拍、一時抱起女友纏綿,情到濃時更埋牙激咀半分鐘!期間林師傑將女友攬到實,又一度玩女上男下,將頭埋喺歐陽巧瑩心口,真係睇見都覺得窒息。由一點幾玩到四點幾,搞足 3個鐘的木偶哥要上水回氣,決定執嘢返西貢同居村屋再續下半場。




激咀拍拖未夠半年,仲係熱戀期的木偶哥同女友激咀半分鐘!


喪影女友身材咁正,梗係要狂影私照留念啦!


浮波又咀又抱好嘥力,兩個都要攤吓屍回氣。


合體近期狂做 gym的木偶哥,突然一嘢抱起女友,而歐陽巧瑩都好受落,冧住攬實男友。


磨爆兩人愈黐愈埋,林師傑伏喺女友身上纏綿,身貼身磨足幾分鐘都唔願分開! 父母周星馳同學

拍《愛•回家》時收入同曝光率相當穩定,可惜新一季冇預林師傑,木偶哥現時得番《勁歌》主持一個 job,大把時間同女友周圍 hea。
參加 10年《超級巨聲》入行的林師傑,雖然外型歌藝演技都相當一般,不過因為後台強勁,先有機會拍《愛•回家》入到屋。林師傑的父母林道權及韓珍均是第 11期訓練班,同學是周星馳、梁朝偉,林父雖然後來轉行做地產及汽車零件生意,林母則轉做投資銀行高層,但二人仍與不少圈中人相熟,大台珍姐曾勵珍便是林母的好姊妹,拍心口照顧世姪,最弊余詠珊現時揸晒旗,珍派的林師傑要再發圍唔係咁易。




今年 5月,林師傑載住歐陽巧瑩炒車,戀情因此被踢爆。《蘋果日報》圖片


做完《愛.回家》,木偶哥隨即打回原形,現時要做《勁歌》主持吊命。網上圖片 唔認結婚對象

冇工開,最好就梗係瘟女啦!林師傑回應時都承認放緊假,又話同女友連體嬉水好開心,不過就唔肯認定對方係結婚對象。

F:《 FACE》 林:林師傑
F:好 sweet喎!
林:係咩?應該嘅!
F:兩個好似接吻魚!
林:放假吖嘛!你哋咁啱撞到定有人報料?
F:係咪當大家係結婚對象?
林:咁又太早!穩定囉!開心呀!
水中攬錫確係幾 sweet,不過木偶哥個底有幾花係人都知,歐陽巧瑩都咪咁早開心呀!




林師傑同女友喺淺水灣玩足 3個鐘都未被泳客認出,真係唔知好事定壞事!


兩人被踢爆於村屋同居,估唔到歐陽巧瑩咁有計,短短幾個月已綁住花心林師傑。《忽然 1周》圖片


林父林道權同林母韓珍均做過娛樂圈,有傳林父唔滿意歐陽巧瑩港女格現形,嬲到自己搬走冇眼睇!


歐陽巧瑩參選時已經是非纏身,被指虛報學歷家景複雜,又指佢專溝有錢仔, 13歲已失身等。網上圖片 木偶哥 seem like fun

入行 5年,林師傑負面新聞一單接一單,緋聞更加厚過電話簿,做新一代食女王當之無愧!




何雁詩同是 10年巨聲幫,當時剛與女友分手的林師傑,迅即撻着何雁詩,兩人被影到於圓方拍拖,但例牌否認。


鄧穎芝12年開始暗交,至 14年發現男友與人車震,上網數爆「商場攬啜好少嘢啫,相比起嗰個人偷食半夜揸架車去荒山野嶺同個女仔喺後座唔知做咩差幾皮!」網上圖片


𡃁模 Gwen被指同林師傑車震,事後在社交網以勝利者姿態反擊鄧穎芝,「愛你的男人不用管,不愛你的不輪到你管。」《忽然 1周》圖片 新一代咪神胸降大台

大台花旦走得快好世界,今時今日要搵個擔到大旗都好難!唔想收視好似楊紫瓊啲鈣質咁流失,梗係要想辦法捧新女上位!呢 8個被封「新一代咪神」嘅新人,你又識幾多個?



歐陽巧瑩 34C
黑色乳牛,是非厚過電話簿,被指專溝有錢仔,港女代表!



陳婉衡 36E
主持過《山系女行 Yama Girl》,着 bikini仲多過着 tee!

張秀文 34D
一樣叫 Sammi,不過身材就立體過鄭秀文好多囉!







電視畫面 

劉溫馨 33C
中央戲劇學院畢業,又好戲又好波,你叫我對眼望邊好?



范文雅 33C
10年中華小姐 10強,唔係冠亞季但勝在有巨胸!



林泳淘 32D
做過《東張西望》主持但知名度近乎零,好在有 D級搭救!



陳偉琪 34E
又似鍾楚紅又似陳妍希,但 cup數就高過兩大女神好多!



陳庭欣 33C
個樣似若希 bb,學歷高又精通兩文三語,做主持一流!

採訪、撰文:娛樂組
攝影:娛樂突發組

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()