發哥去開嘅九龍城街市,方中信原來都有去幫襯。但係冇乜街坊認到佢。

媽咪姐

方中信肥咗認唔到

Ads by Google

佢係林文龍?定係方中信?媽咪姐視力唔多好,遠睇唔係太認得。行埋啲先睇清楚,原來係型佬方中信,之但係發咗福嘅佢,側面睇真係好似林生呀!

查實呢日媽咪姐去九龍城街市,諗住買料打邊爐。咁啱見到戴住帽嘅方中信睇緊海鮮。咪以為佢係星,啲街坊會好似捕獲野生發哥咁,熱情同佢交流煮餸心得,實情係連望都冇望過佢一眼。估唔到香港李察基爾,年過 52歲發咗福,連師奶都對佢冇興趣,要 keep喇喂!




方中信戴住帽,買咗大袋海鮮返屋企煮飯俾囡囡食。咦,側面又幾似林文龍喎!


自從囡囡出世後,方中信變得更幸福,睇佢身形脹晒就知啦!前排佢哋一家仲去歐遊㖭!


睇落又幾似我喎!(設計對白) 

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()