姊妹們,後會有期呀!(設計對白)

媽咪姐

笑鬧寸爆二十年,曬住太陽說再見!

Ads by Google

 




歡樂嘅時光,原來真係過得特別快!媽咪姐終於同大家講 bye bye喇。呢幾個禮拜特登喺櫃桶底摷番啲舊《忽周》揭吓懷緬吓,愈睇愈發覺,我哋香港人嘅日子真係唔易過!


最後一期 黃日華:粉筆字全部抹哂


最後一期 吳綺莉卓林兩母女:唔捨得


最後一期 王賢誌︰曾經想《忽周》快啲執


最後一期 邵仲衡:我期期買都執笠?


忽然 1周–摺書倒數 許志安:唔會再着白色泳褲


袁嘉敏希望呢個 Byebye係短暫

呢頭有九七問題,嗱嗱聲搵路走坐移民監(唔知大家記唔記得,媽咪姐我都去加拿大坐過㗎!),坐完返嚟又話股樓齊冧,個個負資產!然後就八萬五啦沙士啦自由行啦 689啦,我哋班 C9仔要迫住同大陸人搶奶粉搶學位,依家仲要驗埋水㖭!氣都冇得唞。
好彩每星期仲有《忽周》同我哋爆戀情、搵真相、捉小三!有啲人話我哋 C9膚淺,查實睇住個 day day都變嘅娛樂圈,不知學到幾多人生智慧呀。媽咪姐同靚太 friend去 cafe、去街市左八右八嗰時,查實咪做緊「港人生活指數調查」囉!一句到尾,都係希望人人食好住好着好,日日都又 free又 happy啫。
老土啲講句,天下無不散之 afternoon tea,人最緊要活在當下!媽咪姐放暑假喇。陽光正好,得閒飲茶!

媽咪姐青春的私密

一直以嚟,唔少識貨讀者好鬼支持我媽咪姐,令到我有幾次明明諗住休息吓,最後都係唔捨得大家,又返嚟繼續八!班靚太 friend仲不斷問我個樣點解愈嚟愈後生?搞乜身材仲索過以前?嗱,心善就人美,時刻保持正能量!呵呵,笑多啲,好過打 botox啦。




95年95年,第 14期《忽周》,媽咪姐我第一次出嚟爆料,當時《忽周》賣 3蚊咋。


97年97年,喺加拿大坐完移民監,又返嚟見大家。嘩!當年阿姐好瘦呀!


01年01年,唞咗一排嘅媽咪姐又回歸《忽周》。當年標題係「經濟唔好,世界難撈!」今日都啱用囉。

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()