插圖: Wendy

揞名爆

「臭寸」忘恩負義 激嬲女高層

Ads by Google

當一個人話你乞人憎,可能係偏見;兩個人話你乞人憎,亦可能係誤會;但當全行都上下一心指證你乞人憎,實在要返去自我檢討下啦!嗰個咪係得罪晒班記者嘅電視小生「臭寸」囉。

嗱,佢份人好「醒」㗎!平時對記者態度勁差,但對女高層就特別殷勤,成日放電。所以就算「臭寸」之前掛住返大陸拍劇唔幫公司手,女高層都一樣盡力保佢。跟住近年佢喺大陸撈唔掂(天真係有眼㗎!),死𦧲想返香港拍劇,女高層亦即刻俾套劇佢拍,真心錫㗎!
點知俾個良心你……阿「臭寸」哥就一手揸爆佢。佢拍劇擺款係預咗,冇預到嘅係,「臭寸」一返嚟就擸走咗公司力捧嘅、極力保護嘅小花,搞喎晒成個捧人計劃!嘩,在公在私,以前一向冧「臭寸」嘅女高層梗係嬲到震啦!仲打過電話去質問。
不過無啦,拖都拍咗,隻老鼠已經入咗米缸,女高層咪惟有自己揼心囉。

邊個係「臭寸」?
(1)煙剷一名。
(2)經常使出自以為好冧嘅情深眼。

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()