艾美琦間髮型屋都有贊助其他𡃁模。訪問當日,「𡃁模始祖」黃榕(圖右)都在場,黃榕同 Amy一樣着到鬼咁 sexy,為店舖增加唔少賣點。

娛樂喧

𡃁模轉戰商界 艾美琦掟 30萬搞髮型屋

Ads by Google

女人胸原來唔止可以打人,仲可以打入商界。一班𡃁模胸「襲」宅男,突圍後仲識得轉型搵大錢。好似艾美琦( Amy)、 LuLu(王璐瑤)、 Cammi(謝芷蕙)都是靠緋聞起朵。而一班波大有腦的𡃁模,近日更靠知名度搞生意轉型,其中艾美琦最近投資 30萬入股髮型屋,仲識得搵埋姊妹黃榕力撐,呢次仲唔係𡃁模玩番轉商界?




VG Salon位於太子通菜街的樓上舖,交通非常方便。

自從周秀娜之後,艾美琦( Amy)都算是近年最出位的𡃁模,因為淫片流出而聲名大噪,愈撈愈掂。艾美琦今年書展首次單飛出寫真兼轉型做歌手,半年前更同好姐妹 Pui Pui在太子開髮型屋。

生意額逾 30萬

艾美琦話:「自己出道幾年,又有返內地登台,儲到第一桶金,心思思咪想搞生意囉。睇見好姐妹 Pui Pui同紫傑間髮型屋搞得好好,搵到一班有經驗又有心機嘅師傅合作,於是我咪入股一齊搞囉!我都睇中呢個市場,因為好多女仔都好貪靚,肯花錢去染髮同焗油扮靚。而我一直都好想學下做生意,注資唔算好多,大約 30萬啦。現時每月生意額有成 30至 50萬,我嘅目標係喺其他地區開分店,依家已經搵緊舖!」
除了自己做生招牌,艾美琦一心靠𡃁模口碑做宣傳,近日開始贊助不少𡃁模髮型。訪問當日,黃榕及龍心都在場 set頭及剪頭髮。一身低胸裝的艾美琦更幫龍心洗頭,有板有眼。 Amy話:「自己梗係要幫吓手,洗頭都唔易學㗎。」啱嘅,力不到不為財。




基哥都 like艾美琦做得李龍基演唱會嘉賓,同李龍基自然老友鬼鬼,李龍基仲讚艾美琦拍檔紫傑(圖)好服侍㖭。


今年艾美琦做歌星出唱片,在新歌〈坦蕩蕩〉 MV,她繼續「賣大包」益 fans。


低胸洗頭一身低胸裝的艾美琦幫龍心洗頭,艾美琦不時要俯身向前,難怪龍心咁開心。


黃榕搶鏡


最初,黃榕乖乖坐低任髮型師打理頭髮。不過見記者在場,黃榕自動波走去服侍龍心,實行拋胸為舖頭宣傳。


艾美琦的髮型屋「 VG」位於太子,這間樓上舖佔地約 500呎。接待處旁邊是洗頭位置,同一時間最多可接待 12名客人。 LuLu搞美容移民搵銀

曾經同余文樂交換浴照的王璐瑤( LuLu),最近改名為王沛加。她最近從商在香港開店賣美容用品,又修讀金融、工商管理等課程自我增值,集中火力轉型。
她自言美容店已上軌道,月賺六萬的她,更晒命話:「人要進步㗎!我係由小生意做起,依家同三個朋友合資搞美容店,我仲做埋其中一個牌子嘅代理,合共投資咗六位數字。公司主要賣美容產品同健康食品,仲有美容服務,生意都唔錯㗎。」
除了賺女人錢, LuLu在廣州更開店教人投資移民。「依家好多內地人想移民,不過手續上都幾複雜,所以呢門生意有得做!我嘅優勢係收費合理,同埋一條龍服務。好似你想移民去葡萄牙,雖然要俾 50萬歐羅買樓,但我有唔少樓盤俾你揀,又有齊嗰邊嘅配套,客人信心自然都好啲啦。」




LuLu經常到美容用品店睇舖,店舖又不時搞開倉活動, LuLu為谷生意出盡法寶。


自從搭上賭場猛人,生意上咗軌道, LuLu變得惜肉如金,出寫真已成為歷史。


LuLu的美容店更設漂眉、漂眼線等服務,網民反應都唔錯。


LuLu的美容用品店名為 Wasabeauty,店舖位於尖沙嘴,佔地約一千呎。店舖設有網站,方便客人入貨。 Cammi廣州開時裝店

Cammi(謝芷蕙)出道將近五年,為人熟悉是與陳冠希一段情,故 Cammi滿約後決定告別𡃁模生涯。現時 Cammi的男友在內地從事時裝生意, Cammi亦由過往住公屋的𡃁模,搖身一變成為闊太,現於廣州更擁有一間時裝店。
Cammi話:「之前網店做咗三年,實體店最近四個月至開張,投資接近一百萬,依家已經差唔多賺番本。雖然每個月都有賺錢,但燈油火蠟都唔少錢。不過依家暑假嘅生意,感覺上冇六月份咁好,可能因為放暑假好多人都會去旅行,所以開頭個營業額比較好啲,依家守下先。自己每星期起碼有三日喺舖頭,入貨一定係自己,力不到不為財吖嘛。」




Cammi不時做埋生招牌,示範旗下服裝,然後放上網宣傳。


除了搞網店, Cammi近日在廣州正式開舖, Cammi更長駐新店執靚 display。


Cammi因為同陳冠希的慾照,以及變臉神功,成功 keep住曝光率。 肌男撈過界

𡃁模賣胸,唔少肌男一樣賣胸。同𡃁模一樣,唔少肌男都自己搞生意,進軍商界。



黃宗澤 開蠔吧
為淨腸廣告頻頻騷肌的黃宗澤,近年除忙於中港兩地拍劇吸金,更於馬來西亞開食肆,又於九龍城開蠔吧,身家十級跳。



趙勁皓 搞酒吧
盧頌之( DaDa)男友趙勁皓( King)曾經做過香港 A& F開幕模特兒而為人認識。 27歲的他已經是多間餐廳、酒吧及健身中心 King's Fitness的老闆。



陳偉成 開健身店
現年 33歲的周秀娜舊愛陳偉成(Avis),今年除了推出寫真,早前更與友人合資過百萬,開設健身中心 Wow Fitness。

撰文:娛樂組
攝影:攝影組

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()