fuck.jpg

fuck1.jpg


罕見的溫馨

娛樂喧

甩拖兩個月 欣宜搵秋官治情傷

Ads by Google

 

28歲的欣宜早年父母異離,一直與媽咪肥姐相依為命的她,與爹哋秋官關係疏離。 7年前肥姐病逝時,有傳父女關係一度惡化。不過兩父女邊有隔夜仇,與潮男 Silas Lee分手兩個月的她,近月與秋官重拾多年的父女情,日前二人更被本刊捕獲拖實去圓方睇戲,多年難得一見。
欣宜早前推出的新歌〈你瘦夠了嗎?〉引來熱話,事業得意,愛情卻失意,不過有老竇秋官錫番,又有兩個妹陪散心,欣宜不愁寂寞。


欣宜秋官激罕父女檔睇戲




7月 1日,欣宜與秋官在圓方現身,二人除繑住行街外(左圖),欣宜又不時攬實爹哋條腰,非常溫馨。上節目父女同場見得多,現實生活中拖實去街絕對係罕見。

近年有不少「星二代」在圈中發展,要數最成功的一個,非鄭欣宜莫屬,父親鄭少秋與母親沈殿霞,都是圈中舉足輕重的人物。雖然父母形象深入民心,不過近年欣宜成功搣甩父母的標籤,發展自己的歌唱事業。
欣宜去年中突然在 facebook宣布不會再盲目減肥,要做番自己,今年初又推出歌曲〈你瘦夠了嗎?〉,名正言順以她的身材做賣點,被視為由修身到翻肥的寫照,其形象正面,最近更接秋官棒,成為「位元堂」代言人。

反口唔認男友

不過事業愛情兩難全,事業正在搏殺期的欣宜,早前被踢爆與拍拖兩年的潮男男友 Silas Lee甩拖,心情難免有影響,她更反口指自己沒有承認過拍拖。據知情人士透露:「欣宜同男友散咗冇唔開心就假啦!佢經歷過咁多嘢, EQ好高,每次講呢個話題佢都唔介意同大家分享,佢曾經話當呢個男友係結婚對象㖭!不過欣宜都好自我,有啲嘢大家協調唔到,兩個月前和平分手。欣宜話依家要全力寄情工作喎!」
工作以外,空窗期的欣宜難免有寂寞時,失去愛情,還有親情。早前( 7月 1日)本刊獨家捕獲欣宜與秋官一齊到圓方行街兼睇戲。當晚 7時許,一身 casual打扮的欣宜與頭戴「賊仔帽」的秋官到圓方戲院入場睇《未來戰士》,散場後兩父女並肩而行,欣宜不時攬住秋官條腰,秋官又會拖住女兒,父女情不言而喻。




兩年情玩完欣宜與攝影師男友 Silas Lee拍拖兩年,不時被影到孖公仔去街,可惜兩個月前和平分手。據知欣宜非常失落,並向外否認曾與對方拍拖。


秋官被指多年來只照顧與官晶華所生的兩個女,忽略了欣宜的成長。近年他不時安排家庭活動,讓三個女互相了解,培養姊妹情。 修補父女關係

據知秋官早年因與肥姐離婚,與欣宜的關係並不親密。「欣宜細細個秋官同肥姐已經分開咗,而秋官好快就同官晶華再婚。由細到大都係跟住媽咪,所以欣宜同呢個爹哋不嬲都冇咩交流。前幾年肥姐過身,佢哋關係係最差,由肥姐入院到辦身後事,秋官都冇乜參與,欣宜覺得佢咁多年嚟都冇關心過佢兩母女,真係好失望。到肥姐過身後,欣宜唔夠錢使,戶口得番兩位數,佢都冇諗過搵秋官幫手。」知情人續指:「不過出嚟捱咗幾年世界,欣宜識諗咗,佢明白爹哋始終有自己嘅新生活,態度亦開始軟化。秋官近年都開始主動關心個女,今次欣宜失戀,佢仲話只要欣宜出聲,全家都唔會甩拖。其實欣宜唔止同秋官 friend番,佢同鄭詠恩(秋官與官晶華的大女)係好姊妹,依家成日一齊出街㖭!」
兩父女始終血脈相連,欣宜近年自力更生搵錢,心態亦有所轉變,二人關係轉好,早前欣宜到國內參加電視節目《我不是明星》,秋官撐到底,親身上節目與欣宜合唱。




手指指這日秋官與欣宜去睇《未來戰士:創世智能》,搵戲院都搵了十分鐘。但見二人一時手指指搵方向,一時又兩頭擰,果然是一對有默契的父女。


頭擰擰


欣宜:佢成日 send搞笑短訊

本周二,欣宜回應與秋官多年的關係,她說:「我同爹哋一向關係好好,雖然平日大家各有各忙,不過我哋都 keep住緊密聯絡,爹哋仲識 send短訊俾我,好搞笑。我每次表演完,爹哋都會 send短訊,俾好多鼓勵我,同埋我哋一有時間就會見面食飯。(同爹哋有冇啲難忘回憶?)爹哋好錫我,同佢相處好多時刻都好開心好難忘,講唔晒咁多喎。好似以前我喺加拿大讀書,大學畢業典禮時,佢突然出現,嗰次真係超 surprise!爹哋有時會俾呢啲驚喜我哋,佢咁忙仲咁關心我哋,其實係好難得。」欣宜隻字不提失戀一事,看來有父愛籠罩,可以令她忘掉分手之痛。




自信就是美


自從宣布不再減肥,欣宜的體形有增無減,不過自信卻返晒嚟。甩拖後她更不時四圍旅行散心,與阿妹鄭詠恩及閨密狂晒身材,一於開心「些牙」。


愈肥愈紅唔使再節食減肥的欣宜忠於自己,繼續唱歌跳舞,成績有目共睹。日前她更在微博公開感謝支持她的粉絲。


深受廣告商歡迎的欣宜,日前更首次成為瑞士護膚品牌的代言人,話俾全世界知肥一樣可以靚。 重投爹哋懷抱

鄭欣宜 87年出世, 1歲時父母已離婚。父親秋官旋即與官晶華再婚,欣宜則跟媽咪肥姐在加拿大生活,自小與父親感情淡薄。讀書時期欣宜長駐加拿大,雖然不時回港放假,但甚少與秋官聯絡。
08年肥姐沈殿霞病逝,父女關係曾一度惡化。在肥姐追思會上「契爺」鄧光榮更發難,公開斥責秋官未盡父親責任。至近年父女關係好轉,欣宜不時上載與秋官的合照。




出世


4歲


12歲


21歲 秋官大熱網民激讚

大台早前重播《大時代》,秋官飾演的丁蟹 hit爆全城。最近大台又重播秋官與金牌監製韋家輝首次合作的《誓不低頭》,劇中不乏血腥暴力場面,最為人所知的就是曾江揮刀斬死李香琴一家。
由於劇集牽涉警界黑暗面,有話題性之餘,更被網民視為神劇,在網上掀起熱話。不少網民大讚秋官好戲,又讚《誓不低頭》多賣點,不過都有網民埋怨大台重播秋官劇,會繼續引來丁蟹效應,令股市波動。







除了秋官飾演謝文武及曾江演的大奸角陸國榮外,劇中還有蔣麗萍及李麗蕊等演員,包有驚喜。




, ,
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()