探熱針

花旦逃亡 執蔡少芬二攤 田蕊妮攝上做一姐

Ads by Google

無綫又爆發逃亡潮,多位一線花旦決定走佬,先頭部隊包括七月約滿的胡杏兒,還有徐子珊停工等約滿和不滿無端端被加監,明年初完成合約期即撇的佘詩曼。以前鬥到你死我活的當家花旦位,竟然無人吼!
演技派走清,變相益了已由亞視過檔無綫九年的田蕊妮,天時地利,執了蔡少芬二攤做《鬼同你 OT》女主角,令田蕊妮成為今年「視后」頂頭大熱,等明年阿佘閃埋,上位做一姐,唔係講笑!

女二變女一

《鬼同你 OT》收視唔過三十點,只在廿七、廿八點間徘徊,但平均收視已是今年最高,高過《武則天》;田蕊妮同胡定欣在戲中一幕「神同步」更被大讚演技一流,絕對有資格於年尾再問鼎「視后」寶座。
不過,田蕊妮接到《鬼》劇都係撞彩!孫淑梅一角,監製徐正康早在未正式落筆寫劇本前,已屬意用蔡少芬擔正,兩人十二年前曾合作《棟篤神探》,彼此相當有默契,故蔡少芬就算未知古仔係乜,已一口應承演出,甚至不惜推掉內地爆紅《甄嬛傳》班底的新劇《[!8BDE]月傳》,白白錯過有機會在大陸再爆紅機會,兼且將過千萬人仔酬勞拒諸門外,至於田蕊妮,徐正康打算讓她做女二姜蓉一角。




大台花旦佘詩曼、胡杏兒及徐子珊將會相繼離開,一線花旦買少見少。





兩頭唔到岸

「 Ada(蔡少芬)聽到係同徐正康、陳豪呢兩個舊拍檔合作,諗都唔諗就應承返嚟開工,點知呢頭應承,轉頭《甄嬛傳》嗰邊班底就搵佢,話新劇《[!8BDE]月傳》想用番原班人馬,預咗一個重戲嘅角色俾 Ada,但個期撞到應一應, Ada好講信用,話自己應承咗無綫先,唯有忍痛推咗呢個機會。
「點知返去聽古仔,先知個劇係講鬼, Ada係基督徒,佢堅持唔接啲講鬼講怪嘅題材,就算劇本有幾好佢都唔會拍,呢個係佢信仰方面嘅底線。最後拍唔成《鬼》劇,大陸嗰邊又埋晒班, hold咗個期,當放假用嚟湊女。」蔡少芬身邊人說。
執到好籌,田蕊妮頂替蔡少芬,由女二升做女一,加上演技有番咁上下,輕易撼低公司力捧的一班零演技姐仔包括陳凱琳、蔡思貝等,在冇對手情況下,坐正做一姐。




田蕊妮、胡定欣同陳豪擔正的《鬼同你 OT》口碑同收視都唔錯,田蕊妮更因此劇人氣急升,出席活動時大受歡迎。





蔡少芬當年拍《棟篤神探》時與監製徐正康(右一)合作愉快,所以當監製一開聲,蔡少芬乜都唔知就應承人。


《金枝慾孽》最先是搵蔡少芬做其中一個主角,她更拍埋節目巡禮,但因為原先構思劇中有神鬼做主線,所以她拒演,最後劇本改晒變成宮鬥,黎姿接手演出,套劇超爆成為經典。


二攤唔怕執

好多演員自尊心面子大於一切,唔係首選唔做,好介意俾人話執二攤,結果失咗個機會,隨時益埋人。



張曼玉
關錦鵬執導的《阮玲玉》,角色原本為梅艷芳度身定造,但阿梅擔心抽離唔到,唔想演悲情角色,之後由張曼玉頂上,更憑此片奪得多個世界級影后獎座。



鄭嘉穎
劇集《怒火街頭》 Law霸一角原是林保怡及黃日華,兩人先後推辭,才落在鄭嘉穎手中,執三攤,卻令鄭嘉穎鹹魚翻生,兼再次奪視帝。



楊千嬅
《五個小孩的校長》中呂校長一角最初是搵鄭秀文, Sammi在兩套戲中二選一,放棄《五》片,監製陳木勝,男主角古天樂急搵楊千嬅幫拖,結果票房大收近五千萬,千嬅更有機會憑此片再提名影后。

撰文、攝影、攝錄:娛樂組
mailto:nextb@nextmedia.com

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()