網上圖片

西區

正式簽 model公司  Cindy Crawford 13歲餅印女入行做嫩模

Ads by Google

「星二代」呢三個字令人好多幻想,如果唔係點解王菲個女竇靖童及上山詩鈉囡囡 Hilary,未入行已經好似明星咁頻頻見報?
至荷里活,近期最受熱捧的「星二代」,除尊尼特普愛女 Lily-Rose Depp外,還有 90年代超模 Cindy Crawford的靚靚愛女 Kaia Gerber。現年 13歲的 Kaia遺傳靚標緻面孔及高䠷身型, 10歲已被名牌 Versace睇中做童模,最近更被國際著名模特兒公司 IMG邀請加盟做模特兒,正式步媽咪後塵加入模界。



今年 6月, Cindy Crawford帶同囡囡 Kaia同囝囝 Presley來港出席名表慈善活動,唔少香港傳媒都向 Cindy大讚 Kaia同 Presley靚仔靚女。

由細靚到大


Kaia童年時代已經眼大大好靚女,當年已引起唔少 model公司關注。

Kaia Gerber係超模 Cindy Crawford細女,佢跟靚媽 Cindy一樣,擁有一把長髮及精緻五官,加上遺傳媽媽手長腳長基因,所以細細個已被各大模特兒公司吼實,最近佢媽咪終於同意,讓著名模特兒公司 IMG成為愛女經理人公司。

腿長過媽咪


網上圖片

身為超模 Cindy寶貝女, Kaia去到邊都係狗仔隊偷影目標,單睇呢張偷影相,只得 5呎 3吋高的 Kaia對腳仲長過 5呎 9吋高的媽咪,就知佢係天生做 model材料。

Kaia Gerber點解做模?


早在 3年前,名牌 Versace已搵 Kaia影兒童時裝系列硬照。當時只得 10歲的 Kaia已識擺型女甫士。係咪媽咪教㗎?網上圖片

現年 13歲的 Kaia Gerber係超模 Cindy Crawford與曾任男模的老公 Rande Gerber所生,由於遺傳父母優良基因, Kaia自少已手長腳長, 3年前 Kaia已被 Cindy的愛牌 Versace睇中邀請拍下兒童時裝系列廣告。之後雖然引來時尚圈中一致垂青,但由於當時 Kaia只得 10歲,尚未適合以模特兒身份發展。 3年過後 Kaia終於走父母舊路,與國際模特兒公司 IMG簽約向模界及演藝界發展。

星媽 Cindy對 Kaia前途好緊張?

早前 Cindy帶埋一對仔女 Kaia同 Presley來港出席名表活動時,曾表示如果仔女想入娛樂圈,只要是他們的意願,她不會反對。最近 Kaia簽約大公司 IMG,據知亦是 Cindy鋪橋搭路;現時 Kaia所有工作都由 Cindy安排,有傳 Cindy要等到 Kaia 17歲先肯放手讓囡囡自己揀 job。最近 Cindy便安排 Kaia幫時尚雜誌《 VOGUE》意大利版拍時裝硬照。




網上圖片


最近一家三口訪港,留港期間, Cindy帶住大仔 Presley同 Kaia四圍遊玩。 現時 Kaia要接受什麼訓練?

現已加入大公司 IMG的 Kaia,每日當然要接受模特兒訓練,據知 Cindy已下令叫模特兒公司的導師對 Kaia嚴厲,以免她被寵壞。而 Kaia早前受訪時自爆有興趣唱歌及跳舞,所以現時除接受歌唱訓練外,每星期亦要上足 3堂 hip hop舞堂,為做名模明星打好基礎。




將成為眾人偶像的 Kaia,自己就鍾意 One Direction的 Harry Styles,二人仲好 friend。網上圖片


只得 13歲嘅 Kaia(上)非常好動,佢嘅 instagram就上載咗唔少做運動相。網上圖片 阿哥仲靚!


15歲的 Presley同 13歲的 Kaia年紀只相差兩年,所以感情特別好,留意 Presley嘴角有顆痣,同媽咪好似。網上圖片

Cindy Crawford為老公 Rande Gerber誕下一仔一女,細女 Kaia最近入行,其實 Cindy的大仔都好靚仔。現年 15歲的 Presley身高已經有 5呎 11吋,絕對有明星相,但早前 Presley表示現時仍未有興趣加入娛圈,不過對攝影極有興趣,所以經常幫細妹影靚相,然後放上 ig開心些牙。

撰文:何家文

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()