袁苡晴(Katvia) 27歲 中文大學中文系碩士畢業及法律系博士 Yr.2雖然 Katvia話自己唔鍾意笑,又自信到冇朋友,講嘢鬼死咁直率,但一到上堂,佢就會變成另一個人,同學生有講有笑:「有咩問題?咁上堂有我一套教學模式,同我份人點係冇衝突㗎!」

Main Camp

唔發明星夢 𡃁模變補習天后:好介意俾人當死蠢

Ads by Google

逢書展大批𡃁模走出嚟谷胸賣寫真,撞樣撞到分唔清係邊個,最慘係𡃁模生涯唔持久,玩一兩年就人間蒸發。
現為中大法律系博士嘅袁苡晴( Katvia), 05年都做過𡃁模入行,但喺 09年最後一年中大生涯, Katvia決心止蝕,唔發明星夢,完成學士後繼續攻讀碩士、𠵱家仲修讀中大法律系博士學位兼成功轉型,做遵理中文科補習天后。




Katvia入行不足 1年,學生不算多,不過睇佢啲宣傳海報化行妝,應該吸引到不少男學生報名。

仲以為袁苡晴會學其他轉行𡃁模改名換姓,不過 Katvia絕對唔介意學生知道佢啲陳年往事:「有乜好驚?我導師廣告都有寫名自己參加過《 YES!》校花選舉同大台 09年嘅《 Cover Girl》啦,我好憎人哋覺得𡃁模就代表『大波冇腦』囉!我只係細細個想入娛樂圈,但唔代表我唔讀得書,反而我好介意俾人當死蠢!」

唔介意性感


網上圖片

Katvia對其 32C、 23、 33的美好身材好自豪,亦透露以前也不介意性感,不過就大嘆 7、 8年前自己嘅靚模時期,最多都只會拍攝較健康性感嘅雜誌平面硬照,𠵱家𡃁模就一味靠露肉寫真。

選過大台《 Cover Girl》

大台嘅《 Cover Girl》係 Katvia嘅𡃁模「止蝕」位,當時如果拎冠軍就入行,輸咗就認命轉型。結果只入到 5強,惟有認命!

流住 M血考試


即使決定咗從大學講師跳出嚟做補習導師, Katvia坦言做大律師才是她人生終極目標:「我俾自己 10-15年時間,無論如何我都一定會做大律師,因為成功嘅事業先能夠俾到我安全感,永遠都拎唔走。」

會考 26分,高考唔係 A就 B,入讀中大中文系,理應被標籤「人生贏家」,點知 Katvia仲話考呢個分數喺佢心目中係失手成績:「我本身會考目標係 29或 30分,我 A-level亦都諗住科科 A,其實對我嚟講,唔係 A嘅話就代表唔合格。好記得考地理嘅時候我月經嚟到血崩咁,啲血沿住櫈腳滴落地,我仲堅持考完卷一嘅時候返屋企換條褲再考卷二,結果當晚送咗去急症輸血。嗰陣個個都認為我入到中大中文已經好叻,但我想講,如果唔係因為身體失調,肯定一切都會唔同晒!」

遭狂徒摸胸

Katvia咁硬淨全因 9歲起已經要獨居,一腳踢照顧自己:「因為我 9歲喺大陸落嚟,但媽媽要到我 16歲時先申請到嚟香港,爸爸又拋棄咗我哋,所以嗰段時間起居飲食靠自己搞掂,試過有變態佬跟蹤同非禮摸胸,都係自己用「暴力」解決,大聲呼喝完打佢幾巴就算,我一定要撐住,因為我仲有媽媽要照顧!」
Katvia以 GPA 3.6畢業中大中文系,仲搵到薪高糧準嘅中大中文系做講師,可以令媽媽有好日子過,不過 Katvia寧願選擇跳出嚟做一個冇底薪全靠學生人頭收佣嘅補習導師:「因為大學講師除咗上堂,仲要做超多行政工作,好浪費時間,二嚟為錢,雖然𠵱家收入得以前一半都冇,但我深信自己能力,好快收入會翻十倍,係值得投資嘅!」

出 11本精讀


網上圖片

今年 Katvia喺書展都有「擺檔」,不過就唔係推出三點式寫真,佢仲 1年內推出咗 11本 DSE精讀,而當日 Katvia同場見到《明報》總編輯劉進圖新書簽名會,即上前變小 fans合照。

玩埋《 YES!》校花


網上圖片

Katvia透露由細到大都唔抗拒做女神,所以當年嘅《 Yes!》校花選舉佢都有參加,不過佢自稱得罪咗《 Yes!》話事人,最後被冷落兼 10強不入。

《求愛》哈佛阿佳都撈補習

Katvia有中大講師唔做,寧願搏一鋪加入補習天后大軍,而曾經參加過大台真人騷《求愛大作戰》的梁俊佳(Guy),都喺屋邨(華富邨)長大,同樣讀書叻,考入哈佛大學兼在該校成為講師,不過今個暑假佢都變身成為通識科補習導師,齊齊教 DSE學生。




網上圖片


Guy Leung雖然入咗遵理 2個禮拜教通識,但因為同學都知佢喺哈佛畢業兼上過《求愛》,都慕名報名上堂,開班 2星期已收過千學生。 撰文:彭家駿
攝影:范仲良

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()