最新圖片一身高貴行政 look的陳文媛,比以前略為發福,腳亦粗咗少少,不過 35歲依然又白又滑,算唔錯啦!

真面目

新碼頭 陳文媛甩 9年舊愛 陳文媛黐前度老細買杏花邨

Ads by Google

 

08年淫照事件眨眼過了 7年,陳冠希繼續 like fun周圍撩女,一班「希女郎」則回歸平靜生活。
當年陳文媛( BoBo)有金融才俊男友金紫耀照顧,獲打本 100萬開美甲店做老闆娘,可惜生意唔掂,蝕足 4年終於捱唔住, 13年執笠收場。最慘係有傳金紫耀早前狠撇 BoBo,被影到同新女撐枱腳,又搬離嘉亨灣同居愛巢,擺明唔再留戀。
唔係第一次被仔飛, 35歲 BoBo今次有晒準備,一早碼實前男友個富豪老闆莊友堅,現時在對方旗下公司做投資,上年更有能力買 5百幾萬杏花邨單位。識黐,一定係黐個最大嘅!


甩 9年舊愛 陳文媛黐前度老細買杏花邨


栢芝阿嬌繼續高調 陳文媛轉商界避 Edison




BoBo同金紫耀拍拖 9年最終分手,好彩話咁快碼到另一個靠山,唔使驚冇嘢撈!《蘋果日報》圖片

有消息指陳文媛同拍拖 10年的有米男友金紫耀分手,男方迅即搬離同居竇,更換新車溝新女;而 BoBo都唔弱,被飛後隨即黐實金紫耀前老闆、股壇猛人莊友堅。

同于文鳳 friend咗

有傳金紫耀早前仍效力莊友堅時,有交易蝕大錢,與公司炒大鑊後劈炮唔撈,不歡而散。但 BoBo冇理咁多,照樣黐住莊友堅,現時獲對方安排於旗下投資公司做高層,乜都唔識都可以高薪厚職,前排仲換埋全新開蓬 Benz,相當富貴。
週一( 3日),本刊發現 BoBo現身北角,一身行政 look與大老闆莊友堅食 lunch,同行更有周星馳前女友于文鳳。一行多人分兩架七人車前往銅鑼灣富豪酒店開餐,食了近一個鐘才全體離開。




莊友堅(左)態度友善有問必答,仲笑 BoBo「今次走唔到㗎喇你!」相反陳文媛愈叫愈走,好閃縮喎!


被指空降莊友堅投資公司的 BoBo,與同行的 OL有講有笑,似乎已經融入圈子。





除咗有愛將 BoBo陪食飯,莊友堅身邊仲有星爺前度于文鳳(紅圈)。 530萬買細單位

雖然冇做幕前多年, BoBo依然眼利,落樓時立即發現記者,多次嘗試搵同事做掩護避開鏡頭,任何問題都唔答,上到車仲拉低窗簾,表現閃縮;反而見慣大場面的莊友堅則從容面對記者,「我退咗休好多年喇,(公司)交畀我細佬!」
泊到大碼頭的 BoBo,上年 7月以 530萬買入杏花邨一個 556呎細單位,雖然唔係豪宅,但近年冇收入、美甲店又蝕錢收場都有能力自置物業,足見 BoBo衣食住行都唔成問題啦!




夠膽喺樓市高峰期入市,證明 BoBo有番咁上下實力!


陳文媛母親住喺杏花邨,佢選擇喺嗰度買樓,應該都係想同屋企人有個照應。


金紫耀早前被影到同新女去中環撐枱腳。《蘋果日報》圖片 齊齊有新聞

7年前一批淫照轟動香港,男主角陳冠希宣布退出娛樂圈,一班女主角則龜縮潛水,不過事隔 7年,除了 Rachel顏穎思上年已同男友結婚,其餘主角現時仍然單身未有着落!咁啱得咁蹺, Edison、阿嬌同栢芝上週突然同時有新聞出街,估唔到咁多年後仲咁有默契喎!




網上圖片

陳冠希 兇記者
希哥近年靠登台搵食都賺唔少,同台灣妹 Ann甩拖後,大把精力周圍溝女,前排被人爆佢網撩索女,仲留言「 U seem like fun」, cheap爆開場白被網民強力恥笑!最近又同內地狗仔隊發生衝突,兇記者片段被放上網,真係本性難移!




網上圖片

阿嬌 抽 Juno水
Juno同謝安琪首〈羅生門〉 hit爆,有傳 Juno係放唔低阿嬌所以有感而發,當然阿嬌例牌唔認係女主角,不過上週突然 po〈念念不忘〉歌詞上微博!唔想有緋聞又要抽水,想點先?




網上圖片

栢芝 幫仔慶生
已移居新加坡的栢芝,上週同大仔 Lucas搞 8歲生日 party,仲廣邀圈中人參加。其實栢芝同謝霆鋒離婚後,一手湊住兩個仔,期間一度傳出佢同內地富豪孫東海拍拖,但最近又冇晒聲氣,唔通又係冇米粥?

採訪、撰文:娛樂組
攝影:娛樂突發組

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()