face.jpg


20/7 3:30pm李治廷同長髮索女行去攞車期間,索女全程用崇拜眼神望實李治廷,冧到呢!

封面

男女通殺 李治廷偷運索女入屋短聚

Ads by Google

播《武則天》話李治廷搭上范冰冰、播《花樣姐姐》又話李治廷搭上內地小鮮肉馬天宇,直可以變攣、攣又可以隨時拗番直,老老實實,強國電視為咗煲水宣傳可以去得幾盡?
喺強國時直時攣,識睇梗係睇李治廷返鄉下還原基本步!上週大忙人回港拍攝微電影,俾《 FACE》發現一唔使開工,李治廷嗱嗱聲出車陪貌似竹升妹的長髮索女密會,仲入埋屋短聚添!同冰冰、天宇煲冬瓜?梗係同聲同氣最有可信性!

扮完李治皇帝即傳湊掂范爺、拍完真人騷《花樣姐姐》又話變攣,雖則強國宣傳橋來來去去都係嗰三幅被,不過你又吹佢唔脹, 28歲李治廷又確係因此身價暴升,成為通殺全國男女嘅搶手小鮮肉,先被另一檔真人騷《報告教練》招攬、又被《小時代》系列作家兼導演郭敬明睇中演新作《爵迹》,微博粉絲亦由一百萬暴升至七百萬。




短短十幾步路,索女都未停過笑,嘴角含晒春!


當日落住毛毛雨,李治廷冇幫女伴開車門,又冇擔遮遮對方,似乎有欠風度喎!


上到車,兩個開始大聲講細聲笑,李治廷仲哄個頭埋索女度,好親密!


自由出入豪宅

強國工作一個接一個,上週難得返港為富豪集團拍微電影,孝順仔即刻放晒風話要趁機陪下屋企人。係就係返咗淺水灣大宅,連日以來 Aarif亦都真係好黐家,不過就同對外口供有出入,唔係陪媽咪哥哥家姐飲茶聚天倫咁簡單,反而金屋藏嬌,半路殺出長髮索女!
上週一( 20日)下午 3時,步出淺水灣大廈家中,李治廷身邊出現一位年齡相若, style亦似足 Aarif嘅年輕索女。雖然行走期間刻意保持距離,不過論樣貌索女一點不像李氏宗親;論表情更加可疑,索女不時輕撥長髮冧笑放電,而最可疑都係一早登堂入室,除了自由出入淺水灣豪宅,亦似足女主人坐上 Aarif兩座位保時捷跑車,當日落雨,長髮索女上車時, Aarif仲細心幫女伴繫安全帶,兩個頭黐到好埋㗎!




李治廷拎套衫去改,索女就企喺門口等,臨走仲同老闆娘打招呼,好有教養。


泊好車,兩人即急急腳上樓,好心急!


全靠范冰冰帶挈,李治廷先有機會拍《武媚娘》。


兩人戀情傳到似層層,但隨住李晨介入,李治廷即被范爺狠撇。 短聚 3粒鐘

小兩口一齊由李家出發,山長水遠經山路駛出九龍城,去到一間舊式商場裁縫鋪。原來索女刻意性感短裙打扮一番,就只係陪 Aarif改衫,短短逗留裁縫鋪 10分鐘,兩人再上車原路返閨。然後長髮索女再次露面已經係晚飯過後,喺大宅玩足 3粒鐘。
約晚上 7時,索女獨自乘的士過海回炮台山。第二日一早要登機飛往羅馬公幹,雖然不能親自送回家, Aarif還是親自叫車體貼送女伴落樓上車,做足全套男朋友指定動作,索女特殊身份呼之欲出!




20/7 7pm短聚 3小時後,索女自行搭的士離開男友寓所。


家住炮台山豪宅光超台的索女,同有錢仔李治廷都算門當戶對。





李治廷文武全才,拍真人騷《報告教練》時被隊友容祖兒盛讚。網上圖片 如果這是 hehe情

有樣有品有才華有學歷有人氣仲要有家底,係冇另一半?李治廷俾人當 hehe,其實又唔怪得班觀眾,要怪都係怪強國騷《花樣姐姐》,成班中女配兩個小鮮肉一齊去旅行,李治廷同馬天宇兩個小鮮肉群埋一齊本來都好正常。最慘係馬天宇外型似偽娘、又有網絡基情史、全程節目拍攝同李治廷一齊玩一齊瞓,感情好到 Aarif夠膽話馬天宇係自己背後男人:「他是我背後的男人,我已經成了他媳婦兒,我是媽媽,他是爸爸!」宣傳節目啫,唔使講到出櫃咁啩?




李治廷同馬天宇都青靚白淨,難怪被人當係 hehe。網上圖片


網上圖片 「有機會我會公開!」

16歲簽約黎明, 28歲終於捱出頭走紅強國,李治廷有家底、唱得演得、仲要係英國帝國學院物理系高材生,條件一流,偏偏入行 12年緋聞少得可憐,同劇范冰冰、同公司 Janice Man,都係似煲水多,難怪俾人當 hehe。好彩 Aarif唔介意俾人誤會:「我當係笑話咁睇,我哋做演員,好多私生活願意定唔願意都會被曝光,我希望感情可以自己去保護同低調啲。𠵱家會以事業為重,當然有適合緣分都唔排除,遇到啱嘅人唔容易,要努力去維持關係,去愛護你嘅女人,最終係點唔緊要,大家努力過就唔後悔。如果適合嘅時候或遇到適合嘅對象,有機會我都會公開。」本刊致電李治廷經理人王凱文,佢都唔太清楚 Aarif感情狀況,「佢呢排好忙,應該唔會有時間拍拖嘅!」估唔到李治廷收得咁密實,全世界都唔知佢拍拖喎!

小鮮肉進化論

初出道的李治廷走音樂人路線,外表斯文,但 10年拍電影《李小龍》後開始練大隻,之後 keep住操肌,現時已經變成大隻仔一名!




'10奀仔開拍《李小龍》前,未成型的李治廷仲係奀仔,線條毫不突出。《蘋果日報》圖片


'11結實操肌成功後,開始擁有結實肌肉,身形明顯有睇頭!


'15巨肌幾乎每日健身,下過苦功的李治廷擁有麒麟臂同 6嚿腹肌!網上圖片 港產小鮮肉對決 陳偉霆 VS李治廷

陳偉霆憑內地劇《古劍奇潭》在內地爆出,身價暴漲,除了粉絲人數暴升,工作亦接到手軟,單係今年已接了 5部內地劇!而李治廷今年走勢凌厲,連拍《花樣姐姐》及《報告教練》兩個真人騷,加上《武媚娘》效應,人氣直追陳偉霆!咁啱兩位港產小鮮肉都會喺郭敬明執導的新劇《爵迹》出現,睇吓到時邊個又會搶鏡啲?







採訪、撰文:娛樂組
攝影:娛樂突發組

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()