me.jpg


Aarif Rahman黑色孖襟絨褸(未定價)灰藍色針織衞衣$14,900both Dolce& Gabbana幻彩圖案通花外套(未定價) Kenzo

cover face

李治廷  7分人生

Ads by Google

 

早前因一部《武媚娘》,日日準時在公仔箱跟這位混血皇帝見面,今勻由內地紅返香港,人仔與人氣都賺盡,口氣也不同了。
「我覺得自己好幸福,其實最初接《武》時,身邊人都話我呢個死鬼仔邊識拍古裝,我偏唔服輸,想試一次!」
挑戰擂台成功,收視報捷,成績亦算滿意吧?
「我俾自己唔會多過 7分,永遠都有 3分進步空間。」
用上恩師黎明邏輯式回答,仲話成功都係靠「玩」!
「一定要玩!玩唔等於 hea,叻人成功都係用一顆好奇心玩出嚟,玩都可以好認真,用一個受苦嘅心態,根本唔會做到好嘢!」
生得靚仔,又有家底,放洋留學回來,星途順利,人生勝利組當然有自家心得。
「我不嬲都覺得自己好順利!」
28歲仔早已贏在起跑線,點會冇自信!


李治廷唔介意姊弟戀!


李治廷跟黎明同 Channel?!


Profile
 

李治廷 Aarif Rahman
出生日期: 1987年 2月 26日
出生地:香港
身高: 5呎 10吋
體重: 139磅
語言:粵語、英語、普通話、德語。
學歷:英國倫敦帝國學院物理系畢業
簡歷: 2008年英國畢業回港後,機緣巧合加入 A Music。入行短短一年,除了得到新城勁爆新人王外,主演電影《歲月神偷》,亦獲得金像獎「最佳新演員獎」。近年進攻內地市場。
主要作品:唱片《今天開始》(09)、《 Everything》(11)、《治愛》(14)。電影《歲月神偷》(10)、《李小龍》(10)、《寒戰》(12)、《一夜驚喜》(13),電視劇《武媚娘》(14)。
Instagram: Aarif_964




88年仲係 baby時期,已經生得勁精靈可愛。微博圖片


13年二人緋聞傳足年多,最後女方情定李晨,未有着落的 Aarif話依家事業行先。《蘋果日報》圖片


11年從讀書時開始已有鋪健身癮,狀態甚 fit的他,直言已 ready好向武打星路進發。《蘋果日報》圖片


15年現正忙於拍內地真人騷《報告!教練》,大呼好玩過癮,跟同節目的陳妍希、容祖兒等,更老友鬼鬼。微博圖片
機會喺邊我去邊
 


Aarif Rahman藍、紅色格仔恤衫$4,500黑色領呔$1,800深藍色字母冷衫$7,100深藍色窄腳褲$8,200all Dior Homme

後生仔,愛玩是應該的,見李治廷影相全程動作多到十足耍緊工夫,就知佢天性活躍。
「我覺得自己幾有喜劇細胞,好鍾意搞笑同搞氣氛,幽默感能將負能量變做正能量。」
外國讀書冇王管,會玩得更放肆嗎?
「反而冇!英國讀物理,壓力好大,嗰時讀書、作曲同健身,已經用晒我所有時間,玩得唔夠多,係遺憾!」最近跟師傅學工夫之餘,當日訪問後還找詹 Sir教演戲,又想挑戰更多範疇嗎?
「咩類型都有學,冇話特別專攻一種,我覺得表演係一種治療心靈的方法,不過最近拍內地真人騷《報告!教練》,操到好 fit,想試吓打戲!」眼見 Aarif經常中港兩邊走,仲要搞到自己忙過喺香港返學嘅學童,何苦呢?
「演員其實好被動,機會喺邊我就去邊,剛好近排內地機會比較多,兩邊走係有啲攰,但慣了!」
700萬對 13億市場喎,現在有後者撐腰,再辛苦都要捱下去吧!


同黎明啱 channel
 


Aarif Rahman白色恤衫$3,800深藍色繡花蝴蝶併皮棒球褸$34,500深藍色西褲$8,000all Valentino

之不過內地新人多如繁星,《武媚娘》之後,怕人氣快來快去?
「所以我唔會將成功同人氣放在同一個等號上面,咁樣會好辛苦,演員要成功,努力是必然的,但人氣就要睇命水,講天時地利人和,如果要將快樂建築喺不能掌握嘅事上面,實在可怕!」但計我話,甫出道即簽 A Music,仲拎埋樂壇新人王獎,首次拍電影就憑《歲月神偷》奪得香港金像獎「最佳新演員」,幸運一直與你常在喎,李治廷聽後開心得手舞足蹈。
「我一直都覺得自己好幸運,依家咁講好似好扮嘢,其實當時我真係冇諗過。
「我好多謝黎生,佢對我嘅肯定,令我有信心做到一啲我以為自己做唔到嘅事。好似第一隻碟咁,我最初連監製係乜都唔識,係佢鼓勵我去做。」我好奇黎天王講嘢出名玄, ABC出身的他,溝通上會有問題嗎?
「好多人都話聽唔明佢講咩,其實我明晒,可能我哋係同一個 channel。(有冇贈你一兩句金句?)哈哈,有!我非常鍾意!佢同我講:『呢個世界冇人可以玩死你,只有你自己玩死自己』,我覺得真係好正。」


愛情不是睇 menu
 


Aarif Rahman灰、綠及黃色針織橫間上衣(未定價)黑白色 logo印花褲$2,990both Kenzo

早陣子,有個美籍華人出書教食港女,更說港女特別迷戀 ABC,外國留學回來的李治廷,飛來蜢也特別多吧!
「我又唔覺喎,可能我接觸港女比較少,不過我覺得港女有好多包袱。」更說自己羨慕劇中李治有一段專一感情,唔,那你對另一半有要求嗎?「真係冇,啱 key就得。依家唔係睇 menu揀嘢食,愛情靠感覺,係一種 personal connection,我唔信單靠外表可以 keep住感情一世。」跟范爺的姊弟戀緋聞傳足年多,雖則最後食詐糊,但似乎相當有姊姊緣喎!
「咁我仲細吖嘛!由細到大我同咩年紀的人都傾得埋!(接受姊弟戀嗎?)年齡對我嚟講唔係一個感情框架。」查實年屆 28歲血氣方剛之年,理應想拍拖吧,父母沒有給壓力嗎?
「咁又冇喎,老豆係半個鬼佬,媽媽亦好西方思想。以前細個啲人叫我 man啲,我唔明點解,我心諗我咪一個『 man』囉,依家先明白其實當中包括了承擔、責任、無私同能力,先係男人魅力,依家我會以事業為重。」各位女士,這位新進男神還要顧及事業,大家還是等吓。


後記
 

初出道時,李治廷一心想成為唱作人,但音樂不景氣下走上演員路,可惜嗎?「依家一首一首歌做住先,不過我決定下次 fans喺街叫我影相,我會直接唱歌俾佢聽,佢要聽晒成首歌先同佢影相,話返俾人知我都係一個歌手,哈哈。」做音樂果然很窮,但今時今日的人氣,應該不需唱這支歌吧!


Shop List
 

Burberry金鐘太古廣場 101及 201號鋪 2918 4022
Dior Homme尖沙咀海港城海洋中心 105& 211號鋪 2736 3020
Dolce& Gabbana金鐘太古廣場 228號鋪 2525 5815
Kenzo尖沙咀海港城港威商場 2227號鋪 2175 4118
Valentino金鐘太古廣場 224號鋪 2918 0538

撰文: Bel Chow
形象: Carmen Chan
攝影: Ray Siu
化妝: Bill Chan@A&V Makeup-School
髮型: Sunny Yu@Hair Culture

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()