fuck.jpg


安排家庭樂上周六( 18日),魏駿傑專登與妻女在寓所村屋所屬的祠堂 BBQ,以行動維繫夫妻關係。

打頭陣

贈千七萬獨立屋 魏駿傑𠱁掂嫩妻生仔

Ads by Google

 

 

夫妻相處之道除了相敬如賓、互相體諒之外,最緊要就係牀頭打交牀尾和。
今年 5月,魏駿傑的 27歲重慶嫩妻張利華被拍下夜會前港隊單車名將鄧宏業,事後本刊直擊魏駿傑夫婦在西貢市當街吵大鑊,更有傳兩人面臨離婚。
事隔兩個月,原來他們夫婦已經火速重修舊好,魏駿傑更剛剛送了一幢一千七百萬的獨立屋俾老婆揸手,仲打算跟老婆實行追仔大計,以雙辣招箍實嫩妻。難怪被問到夫妻關係,魏笑笑口說:「之前小風波啫, ok嘅!」


魏駿傑買屋𠱁老婆

潮流興「少女愛大叔」,圈中亦有唔少老夫少妻。現年 47歲的魏駿傑, 08年與比自己年輕 20年,當時還是重慶女大學生的張利華註冊結婚。兩年後還火速生埋囡囡 Jessica,一家三口看來相當幸福。




5月關係惡劣本刊直擊魏駿傑兩公婆在西貢市街頭手指指開火,互罵一輪後各有各走,看來當時兩人關係的確惡劣。


接受老夫少妻

不過隨住張利華來港定居,問題亦隨之出現。魏駿傑與現年 27歲的張利華敵不過七年之癢,今年 5月初,女方被踢爆五日內兩度夜會前港隊單車名將鄧宏業,不單止撐枱腳,男方更為女方拎手袋兼攬腰摸黑散步。當時身在內地拍劇的魏駿傑更打長途電話與張利華對質,甚至提出過離婚。不過,魏駿傑最後為年僅 5歲的囡囡 Jessica着想,而打消這個念頭。當時魏對本刊坦言:「佢咁後生,又識打扮,冇計㗎啦,都要接受老夫少妻,(佢)自己識分寸咪得囉!」




大汗疊細汗着住背心搭住毛巾的魏駿傑,一早就到祠堂準備食物,搞到成身汗,果然廿四孝老公。


索老婆照顧囡囡待老公打點好後,熱褲示人的張利華便拖住 5歲囡囡入祠堂。


上月中,富婆 Laura(中)與魏駿傑夫婦飯敍,據知當時夫婦二人還在冷戰階段。 Laura飯後還留言祝福:「你們!要穩穩的幸福!」 新居 9月前入伙

正所謂一夜夫妻百夜恩,事隔兩個多月,魏駿傑已經原諒嫩妻,為修補夫妻關係,他不惜豪擲千七萬購入西貢北港村 5,000呎獨立屋送俾老婆,成功破冰箍番掂呢段婚姻。知情人士指:「傑仔人到中年,好多嘢都諗得好開。不過男人始終要面嘛,之前佢老婆同鄧宏業嗰單嘢,佢真係好嬲,發晒脾氣嗌離婚。不過佢想俾個好嘅環境阿女成長,加上佢都知自己成日要返內地做嘢陪唔到老婆,先至會發生呢啲事。依家佢下咗啖氣,只希望個家齊齊整整,佢買呢間獨立屋,落埋老婆名㗎!」
近來魏駿傑刻意減少在內地接 job,抽空打點新居裝修事宜,打算趕及在囡囡 9月開學前入伙。本月初,更有人目擊魏駿傑與老婆一同到鴨脷洲海怡工貿中心選購傢俬,兩公婆似乎為新居盡心盡力。




聯名購入


5千呎新屋魏駿傑講過:「住間屋大啲,就算再嗌交,都可以到另一間房避避。」事實上,他的西貢北港新居,樓高三層,連花園面積達 5千呎,相當闊落。


私隱度高新居環境相當清靜,私隱度極高。據知初步裝修已完成,屋內還放了不少未拆箱的電器家具。


單拖打點日前記者亦發現魏駿傑獨自到新居打點,逗留個多小時後,才駕着白色 Range Rover座駕返回現時租住的村屋。


「冇嘢好耐啦」

上周六( 18日),本刊亦發現魏駿傑帶同老婆張利華及囡囡到現時所住的西貢早禾坑村附近的祠堂燒烤。當日魏駿傑對妻女服侍周到,不時住所、祠堂兩邊走,為妻女拿取食物及衣物,其間更主動走過來接受記者採訪。
記:同老婆關係點呀?
魏:冇嘢好耐啦!之前嗰啲小風波啫,對對夫妻都有可能有㗎啦,依家 ok嘅!
記:聽講你買咗間獨立屋俾老婆喎?
魏:係呀!
記:最近忙緊咩?
魏:搬屋仲唔夠忙呀?日日都要睇住裝修啲嘢!




分開湊女上月初,本刊連日發現,魏駿傑和老婆分開湊女返學放學,而每次張均打扮超索,送完女兒返學,便獨自行街 shopping,但魏事後聲稱「老婆日日喺屋企讀書!」至最近兩人關係才破冰。


鐵人賽後造人

老公買大屋,落力打點裝修事宜,而張利華亦修心養性,近日專心進行訓練,為稍後的三項鐵人賽作準備。知情人士指:「自從佢(張利華)同鄧宏業嗰單嘢曝光,男方受咗好大壓力,差啲連份工都冇埋,仲即刻消失埋!之後佢就冇再同以前踩車嗰班人一齊玩,就算返工,都係有客點名搵佢教車嗰陣先現身,驚有人訪問佢影響到公司。張利華見到佢玩失蹤,都知道咩事,加上傑仔(魏駿傑)又做咗好多嘢,令老婆回心轉意。近排張利華好專心訓練,話要參加三項鐵人,佢知老公以前係游泳代表隊,就叫老公教佢游好啲自由式,藉此修補關係。唔知呢啲算唔算患難見真情,佢見老公原諒咗佢,仲咁錫自己,層樓寫埋自己名㖭,佢知傑仔不嬲想生多個仔湊夠個『好』字,就應承話今次比賽完,養好個身子就會追個仔。傑仔不知幾開心!」




見面皺晒眉上月,即使是夫婦聚首,講不夠兩句,彼此依然忟忟憎憎不咬弦。


早年星運平平魏駿傑在無綫工作十六年,以《陀槍師姐》最為人熟悉,亦是拍該劇而邂逅滕麗名。可惜魏在無綫星運平平,收入亦不多,學佢話齋:「喺無綫咁多年,一層樓都冇!」就知啦。 無綫拍劇收入少

有咁大間獨立屋,要住多個人仔當然冇問題,不過年屆 47歲的魏駿傑要養妻女、養車供樓,都頗大負擔。他接受本刊訪問時風騷暗示自己賺到不少人仔:「我喺 TVB做咗咁多年, 08年離開嗰陣一層樓都冇,返咗內地冇幾年,就買咗兩層樓!」
據知他在內地發展相當順利,單單一個普通商演,至少收十萬人仔酬勞。「傑仔喺 TVB做咗十幾年都只係配角,撈極都撈唔到做男一,真係搵唔到幾多!不過喺 TVB咁多年賺到嘅係人氣,佢呢幾年返內地做嘢,除咗拍劇,就係登台,走一轉隨時仲多過喺 TVB做半年!唔好話生一個,生多對孖胎都仲得呀!」
夫妻重修舊好後一齊練水,買樓後又打算添丁,無論對於囡囡定係他們兩公婆絕對係雙贏。希望他們經一事、長一智,可以白頭到老。




為搬屋短暫停工上周六( 18日),魏駿傑大方接受本刊訪問,問到夫妻關係,他說:「之前小風波啫, ok嘅,對對夫妻都有可能有㗎啦!」此外他亦承認近日忙於新居事宜,根本無暇接 job。


中港有樓揸手魏駿傑除了西貢北港的獨立屋新居外,早年已北上搵人仔的他,中港兩地均擁有物業,現時身家保守估計數千萬。九龍城匯賢閣單位13年購 878萬現值 1,200萬港幣


重慶陽光 100國際新城08年購 100萬現值 250萬人民幣 魏駿傑甩大台搵到食

當大家都有疑問,點解 47歲魏駿傑有本事擁有幾個物業,老婆張利華又可以日日孭名牌手袋時,原來近兩年魏駿傑密密中港兩邊走,除拍內地劇外,還有做代言及大量商演和登台,𢱑人仔𢱑到手軟呀!

和好夫妻

娛圈有不少夫婦,婚姻都曾經亮起紅燈,但最後箍煲成功,保住婚姻。



洪天明
洪天明跟周家蔚結婚兩年多,男方一直有女埋身。早年男方跟內地索模及性感女約會先後斷正,有指令當時已再度懷孕的周家蔚,十分不滿。近半年,洪天明全天候陪老婆,戒夜蒲甚至唔玩微信,夫妻關係和好如初。




《蘋果日報》圖片

陳浩民
陳浩民 11年在橫店借醉狼吻狼攬陳嘉桓,舉止失禮。事後開記招痛哭道歉,對身懷六甲的老婆蔣麗莎認錯,承諾日後戒酒唔再出事,終獲老婆原諒,之後老婆更為陳誕下一仔一女。



馬德鐘
入行多年緋聞纏身的人夫馬德鐘, 06年明目張膽追郭羨妮,令老婆張筱蘭帶埋兒子移居法國。之後馬跟小三 Katherine秘遊泰國又再斷正,偷食形象導致工作量大減。之後馬德鐘才鳥倦知還,親往法國箍煲,自此不時帶住老婆晒恩愛,轉型做好男人。

撰文:娛樂組
攝影:攝影組

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()