next1.jpg


今年九月夠秤讀 K1的劉華女,即將入讀德望、創價兩間幼稚園,獨攬兩個學位。

娛頭

報 5中 3 棄國際學校 劉華愛女 創價德望兩間都讀

Ads by Google

劉德華和朱麗倩的寶貝女劉向蕙( Hanna)剛剛足三歲,今年九月夠秤讀 K1。為了讓女兒入到適合的好學校,兩公婆實行大包圍,由上年開始,便積極作出行動,並先後到過五間學校進行面試,最終獲其中三間取錄。經過考慮,劉華夫婦鎖定德望和創價兩間老牌名校,決定放棄國際學校。
仲有唔夠兩個月就開學,兩公婆仍然未有定案,最後決定兩邊都做校服,又交埋學費,兩間分上下晝一齊讀。

怕醜面試

為保護女兒不被外界騷擾,劉華一直嚴守安全防線,但他講過,希望女兒同其他小朋友一樣,讀普通學校,不被標籤化。
向蕙滿三歲,適齡入學,作風平民化的朱麗倩,主張女兒讀傳統老牌幼稚園,唔揀要買債券的貴價國際學校。去年中,兩公婆開始行動,帶囡囡到五間幼稚園面試,劉華每次都親自現身。
「 Hanna因為比較少同陌生人接觸,所以面試嗰陣表現會比較怕醜,五間之中有三間學校收,其中一間係國際學校;不過劉華兩公婆一直 prefer俾個女讀傳統學校,所以嗰間一早 out咗,剩番創價同德望仲未揀定。德望勝在一條龍又名氣大,英文仲出晒名好,德望係天主教學校,佢兩公婆都信佛,所以朱麗倩比較傾向更平民嘅創價,佢哋而家仲係心大心細,所以兩間都交晒學費留位,又做埋校服,使咗差唔多七萬蚊,亦有身邊人提議佢哋到時上晝返一間下晝返一間,睇吓個女適應讀邊間先再決定,其實而家好多家長都係咁做。」知情者說。




近半年,劉華長駐北京拍戲,早前朱麗倩又抱埋囡囡飛到當地探班。


到達北京機場, Hanna見到正在守候的保鏢,即興奮打招呼。


當日一共有四保鑣、兩工人加助手護送朱麗倩母女入閘。


在北京逗留十二日,兩母女的行李放滿三架行李車,相當大陣仗。


沿途見到有人手持氣球, Hanna眼定定望實。


Hanna不停撩工人傾偈,冇停過口。 德望幼稚園

創校六十年的德望幼稚園,位於牛池灣扎山道,校風淳樸,為現時少數設有中學、小學及幼稚園的女校;該校歷年來培育不少名人校友及狀元。
小學暨幼稚園屬私立學校,全年學費$34,000,八成小學部畢業學生可順利直升上中學部。 12年,德望幼稚園和小學部重組為「德望小學暨幼稚園」,校內課程有緊密的銜接,令小朋友升上小學時更易適應。
幼稚園主要以廣東話教學,英文課程則由外籍老師設計,學生每日都要上英語班,增強英語能力。學校分上下午共 18班,每班為 30人,每年約有 2,000人報名,競逐 180個 K1位。

創價幼稚園

92年創校的創價幼稚園,是九龍城區內名校,並為一所非牟利男女幼稚園,與傳統的名牌幼稚園不同之處,是學生可以使用學券,全年學券資助額為$20,010,而全年學費則要$30,019。全校收生 652人,分幼兒、幼低及幼高班三種,各級分上午班和下午班,學校以「人本教育」為辦學宗旨,注重學術外,亦給予學生很多自學機會,培養獨立能力,創新的語文及數學教學方法贏盡家長支持,是很多名人明星的心頭好,藝人蘇志威幼女亦曾入讀該校。

最黐老豆

「 Hanna好黐爸爸,每朝起身,第一時間搵老豆,仲會扭計要跟爸爸返工,所以華仔成日都會帶佢返公司,喺屋企華仔係做好人角色,就晒個女,媽咪就負責做『奸角』,所以只要華仔喺度, Hanna就全部人都唔跟,樹熊咁黐實爸爸。之前華仔留咗喺北京好耐,只要有一、兩日空檔,佢都即刻飛返嚟香港睇個女。」知情者透露。
早前劉華在香港舉行廿八周年歌迷聚會,劉華的父母、妻女全家總動員晒冷,當晚 Hanna首次同




出席完電影《長城》的煞科記者會,劉華當晚搭夜機返港,雖然航班延誤了四小時,但依然心情靚,沿路同粉絲有講有笑。





經常在九龍城出沒的朱麗倩,早前帶埋囡囡到超市 shopping。


兩母女見到記者即刻搵路走,其中一名保鏢更開遮擋鏡頭。


天王女熱

上週,朱麗倩被拍得抱住囡囡到德望影證件相,著住校服的 Hanna坐在媽咪大髀食手指。報導一出,有機會同「天王女」同校的家長們即在「媽媽網」熱烈討論,有媽媽興奮表示:「期待家長日!」但亦有媽媽不滿說:「引好多狗仔去學校!」

自設 playgroup

香港怪獸家長多的是,但劉華曾經笑言:「吓?我劉德華個女喎,仲有咩路要鋪呀?」話雖如此,但據知劉華夫婦為培養資優女,早已投放不少資源, Hanna人仔細細,已識齊廣東話、英語、普通話三種語言。
「 Hanna已經認得好多英文字,普通話仲講得好流利,華仔兩公婆仲請埋專業外籍老師,上門自組 playgroup,又叫埋朋友啲仔女一齊去玩,全英文上堂。」
有兩個學位揸手,劉華放心長駐北京為荷李活電影《長城》開工,要同妻女分隔兩地, Hanna又黐老豆,朱麗倩唯有中港兩邊撲,時不時帶埋囡囡飛到當地探班。
上月中父親節,兩母女亦人肉速遞到北京,一家三口慶祝,當晚劉華更在其網站上載父親節蛋糕,並留言:「願家崿的老爸和天下的老爸一同享受當老爸的喜悅「家人」見面。唔想大細超,趁住在北京拍戲,劉華順應內地粉絲要求,唧出檔期,在當地舉行歌迷聚會;同香港一樣,劉華安排老婆及寶貝女現身,但因為上次 Hanna在台上嗌「驚驚」,所以今次兩母女只在活動尾聲才現身,坐在台下唔上台

歸心似箭

在北京逗留接近兩星期後,朱麗倩便帶 Hanna返港。去到北京首都機場, Hanna一見到接駕的保鑣,即興奮笑晒打招呼。當日兩母女有四保鑣、兩外傭加埋助手護航,身穿白衫的朱麗倩戴住口罩,著住白衫灰色 legging襯涼鞋的 Hanna,全程由外傭抱住。
剛剛足三歲的 Hanna看來又長高了,全程眼仔碌碌,不停說話,非常得意。一行人浩浩蕩蕩行去閘口,保鑣全程高度警覺,不時四周望,其中一個身形肥壯的保鑣,更刻意行在 Hanna前面,用身軀擋住視線。
沿途 Hanna不時指手畫腳,撩身邊人傾偈,其間見到途人拎住吹氣波波,她更眼定定望到眼都唔眨。
兩母女返港三日後,電影終於煞科,歸心似箭的劉華一出席完煞科宴,便趕到機場搭夜機返港,當晚有超過四十名粉絲送機,便服口罩的劉華跟粉絲逐一道別後才入閘,可以返屋企攬住愛女,心情零舍唔同。




今年四月,朱麗倩四十九歲生日,抱埋囡囡到北京慶生,二人更到當地的朝陽公園遊玩。





上月在香港舉行的歌迷聚會中,劉華的父母、妻女總動員晒冷。





父親節當日,劉華在網站上載父親節蛋糕,並以「華仔老大」署名留言。 催谷資優兒

好學校學位供不應求,要成功跨越名校門檻,不少藝人家長出盡法寶,催谷子女上山下海,百般武藝。

郭可盈

為培育愛女成資優生,郭可盈淡出幕前全職湊女,未夠六歲的林天若,要學唱歌、跳舞、游水、彈琴、畫畫、溜冰等多項興趣班外,郭可盈更安排她讀齊上下晝班,分別是 St. Catherine's和基督堂兩間名牌幼稚園,真係少啲時間都搞唔掂。

關詠荷

讓九歲女兒 Brittany入讀一年學費 14萬的德瑞國際學校,並安排無數課餘班,為 keep住成績,更年花幾十萬,請了七名於海外名牌大學畢業的碩士團替女兒補習,地獄式訓練。

蔡少芬

去年,蔡少芬已為三歲的楚兒入學鋪路,為求入到心水的 31校網,特意斥資 1,200萬,購入西九豪宅凱旋門 500呎單位,方便用作入學報名地址。

撰文、攝影、攝錄:娛樂組

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()