face.jpg


對於曾在夜場做陪唱的傳聞,吳若希大方話呢單嘢講咗好耐,但之後就以公司唔畀答為由拒答!

封面

Club女:呢度啲媽咪講過 傳吳若希夜場陪唱出身

Ads by Google

〈越難越愛〉令吳若希正式上位,人紅代價就係多是非啦,有唔少網友都經常惡意攻擊吳若希 BB,當中有網友竟然大膽話吳若希成名前,曾經喺尖沙咀聲雅廊做過夜場,唔少花生友係咁問:「典解?」、「真係㗎?」,以為網友亂噏廿四。
不過上週本刊到聲雅廊採訪,期間有在職女公關雖然話唔認識吳若希本人,但就話:「佢做嗰陣,我都未喺度……呢度啲媽咪講過囉。」面對呢啲傳聞,吳若希尷尬回應:「講咗好耐啦!」




'10出道出道時吳若希外表清純,點睇都唔似在夜場做過。《蘋果日報》圖片

23歲吳若希出道 5年,上年憑一首〈越難越愛〉爆紅,加上後台夠硬,輕易成為大台新阿姐之一,除咗拍劇,亦包辦重頭劇集主題曲,越嚟越上位,亦開始引嚟唔少網友惡意攻擊。早前有位巴打竟然喺 facebook同高登開 post,話吳若希入行前喺尖沙咀聲雅廊做夜場,仲話佢當年聲雅廊以花名咖喱返工,同原名叫吳嘉妮的吳若希,未入行前的洋名 Curry啓合。

成龍志偉熟客


網上圖片

聲雅廊在 90年代已開業,出名消費高兼多高質少女駐場,其中成龍、曾志偉及林國斌(左)等都係座上客。

「佢唔係同我一個時代!」


吳若希有份在《金雞 SSS》中扮演小雞之一。《蘋果日報》圖片

此 post一出,雖然講到似層層,引來唔少網友留言鬥剝花生,當然相信嘅人少之又少;而聲雅廊其實係唔少明星聚腳地,更係吳若希口中的「契爺」成龍和曾志偉等人嘅夜蒲鐵竇,甚至連聲雅廊 facebook亦貼上成龍等人合照。最近夜場仲大搞「比堅尼之夜」,聲稱有𡃁模同美少女陪玩。

Club女親述


相片經過處理

佢 3年前應該喺度做過囉!佢唔係同我一個時代㗎!
呢度啲媽咪講過!
佢做嗰陣,我都未喺度,我知佢之前真係返過啫。
唱片公司嗰啲,係呀,之後叫咩呀?捧佢囉!

𡃁模陪玩

 




聲雅廊最近推出夏日嘉年華,話有𡃁模陪玩。網上圖片


有網友在網上開名爆料,個個即刻食花生。網上圖片

上週本刊到聲雅廊夜總會視察,期間有兩位年輕女公關陪坐陪唱歌,其中一位少女(化名 B小姐)竟然話聽過吳若希在此任職過。
B小姐對於傳聞更一啲都唔驚訝,她說:「佢唔係同我一個時代㗎,(佢喺呢度返咗幾耐呀?)我點知呀?我同佢唔係好熟嗰喎!(又話唔識佢?)呢度啲媽咪講過囉。佢做嗰陣,我都未喺度,我知佢之前真係返過啫。」她更說吳若希是在聲雅廊被發掘從而入娛樂圈。「其實做得呢行(夜場)啲女仔,都唔會被人捧,因為會被人查到,你以前喺度做過。」
週一( 13日)吳若希為新劇《實習天使》開工,被問到傳聞,吳若希先是愕然之後才識笑住講:「講咗好耐啦!」講得耐怕啲人當真啫!




扮護士捱插現時拍大台《實習天使》的吳若希,早前將一張着短裙扮護士的坐床相放上網,結果又引來大班友圍鬧。網上圖片


13/7週一( 13日)吳若希拍外景肯幫工作人員攞埋飯盒,又冇乜架子喎!


之後自己攞住盒飯坐埋一邊食,唔會嫌棄大圍飯盒。


早前又孖住許廷鏗過泰國登台搵錢,機會真多。網上圖片 狂唱劇集主題曲

〈越難越愛〉令吳若希彈起,加上老闆「爸 B」何哲圖寵愛有加,喺大台仕途有如白金升降機,最近更開始拍劇,新劇《實習天使》劇中做女二,上位指日可待!加上多套劇集主題曲都係由吳若希主唱,淨係晚晚洗腦都勁過汪阿姐啦!




《武則天》插曲〈眼淚的秘密〉


《使徒行者》主題曲〈越難越愛〉


《衝線》主題曲〈美好的時光〉 叔叔睇實


網上圖片

吳若希麻甩佬緣暢旺,老闆何哲圖錫到燶,恩師戴榮添又當佢女咁錫,加上有地產猛人十哥撐腰,更有傳成龍幫佢拉線入行,又同「股壇神童」王弼燮傳緋聞,雖然件件都中坑,不過幫到手咪得囉,係咪先?

股壇神童教路


王弼燮  53歲

年初有雜誌爆吳若希同「股壇神童」兼已婚嘅王弼燮傳緋聞,仲話教吳若希投資,但吳若希即否認,只表示見過兩三次面,有交換電話,只係金融界朋友。

成龍照顧

有指經伯樂戴榮添介紹,成為成龍契女,更在成龍 60大壽上,成為座上客,因此有傳成龍對吳若希特別照顧。




成龍  61歲網上圖片


網上圖片 「 Daddy」伯樂介紹


戴榮添  50歲

曾經係許志安、張衞健等經理人,為吳若希伯樂,一手帶吳若希入行,即使吳若希已簽無綫為經理人,吳若希亦經常同 Simon食飯,二人關係密切過父女。

地產猛人睇實


林棣權  50歲《蘋果日報》圖片

林棣權人稱十哥,人脈超廣,經常同郭富城、張智霖等食飯,亦係殼王陳國強老死,亦同樂易玲諗熟,身家億億聲兼係馬主,早前吳若希曾在 ig公開同十哥 WhatsApp內容,就知二人幾 friend!

唱片「爸 B」力捧


何哲圖  52歲

「爸 B」何哲圖原本對鍾嘉欣一片痴心,但自從簽咗吳若希,即將嘉欣 BB降呢,除將佢介紹俾珍姐,等愛將有劇拍,亦安排佢唱勻劇集主題曲及片尾曲。

採訪、撰文:娛樂組
攝影:娛樂突發組

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()