fuck.jpg


上周六( 4日),譚小環與蔡強榮到鯉景灣食飯,飯後兩人手拖手海濱漫步,譚小環更頻頻露出笑容,應該雨過天青。

打頭陣

斬老公爛桃花 譚小環講掂數開新舖

Ads by Google

 

女人有本事,點會驚男人起飛腳!
42歲的港姐冠軍譚小環,其 50歲有米老公蔡強榮( Eric),於上月中被周刊影到疑似背妻偷食,但小環卻臨危不亂,力撐老公,更謂︰「小菜一碟啫。」
小環咁淡定,皆因她獨攬家中財政大權。原來,兩人現居市值三千萬的半山壹號單位,乃小環家人持有。上周六( 4日),本刊拍得小環與老公坐住 470萬的法拉利,從寓所到鯉景灣餐廳撐枱腳。其間小環攞出一大疊租盤文件與老公商量,原來兩人打算再於尖沙嘴開魚蛋檔分店。小環知慳識儉又識搵錢,老公想作反?幾難嘞!


老公買車要小環批淮


譚小環捉老公講數

譚小環同蔡強榮( Eric)結婚快八年,兩人一直恩愛,不過上月卻爆出他背妻拖女偷食。報道出街後, Eric得小環信任兼力撐。對於老公偷食,小環當時說:「我百分百信我老公,呢件事冇影響我哋感情!反而仲更加鞏固。」

買車要老婆批准

小環唔驚老公作反,皆因她掌握財政大權,現居市值三千萬的半山壹號高層單位由譚家持有外, Eric所買的 470萬法拉利亦要經小環點頭才可買。小環話:「佢知我鍾意呢啲跑車,所以先去買,要我贊成佢先敢買囉!哈哈……如果唔係我咿咿哦哦佢㗎!」
上周六( 4日)黃昏 5點, Eric揸住「二奶」法拉利,載住大婆小環由寓所出發到鯉景灣的 wildfire撐枱腳。其間小環忽然取出一大疊租盤資料,與老公密斟半小時。
食飽飽後,兩人在附近的海旁長廊拍拖漫步,又頭貼頭玩自拍,儼如小情侶。沿途不少人認得小環,跟她打招呼。半小時後,他們取回法拉利,返回自己銅鑼灣的魚蛋檔「渣哥」。小環落舖後變回魚蛋妹, Eric則在舖外陪老婆開工。大熱天時,怕熱的 Eric只好站在舖外幫手。







豪宅譚家擁有譚小環居住的何文田半山壹號,是蔡強榮 09年以二千六百萬買入,卻由譚小環家人名下的公司持有。該單位最近更升值至 3千萬。

 




密謀開分店用膳期間,譚小環攞出一疊文件。原來兩人打算在尖沙嘴為魚蛋檔開分店,詢問老公意見。


食食吓飯,小環幫老公撥頭髮。蔡強榮偷食單嘢,明顯已獲老婆原諒。


情侶自拍兩人飯後一面行海旁,一面玩自拍, Eric真係幾識冧老婆!


陪老婆睇舖晚上小環返回銅鑼灣魚蛋檔幫手。蔡強榮入咗舖頭一陣,熱得滯頂唔順,於是在舖外等候老婆,冇客至埋去同老婆吹水。 尖沙嘴開分店

據知譚小環的魚蛋檔愈做愈旺,有傳去年盈利達數百萬,令小環雄心壯志,兩個月前銳意在尖沙嘴再覓舖開分店。而小環睇的租盤由 300呎至 500呎左右,租金由 13萬至 20萬不等。
小環密友透露︰「唔好睇小環成日掛住做嘢,其實佢好醒㗎!佢知男人有錢會身痕,加上佢老公做保險搵到,大把女人黐埋去。佢對老公只會用軟功,唔會煩佢。所以 Eric成日讚小環慳家識揸數,好放心將啲錢俾佢打骰。佢哋依家住緊層樓係 Eric送俾老婆嘅結婚禮物,自己都冇名,目的係向老婆派定心丸啫。依家小環嘅生意賺到錢,更加話到事啦。」




小環周二( 7日)被問到老公偷食拖女一事時,笑笑口話:「其實好多時保險生意係要出嚟傾嘢嘅!」她亦透露老公買的 470萬法拉利事先要得佢同意至可以買。


得外母信任小環媽周二亦有落舖頭幫手,被問到信唔信女婿,小環媽力撐:「呢個女婿對我哋好有心,算係咁啦!」


從 Eric的 fb,可以見到不少他與小環父母去旅行的照片,咁有孝心,難怪他深得兩老信任。


座駕車牌是「 6」,皆因 9月 6日是小環的生日, Eric與老婆的幸運數字都係「 6」,所以車牌,甚至魚蛋檔「渣哥一九九六」也以「 6」為主。


每月皮費 30萬

本周一下午,小環與媽咪齊齊落舖打點,只有百多呎的「渣哥」,租金 11萬,連四、五名員工及燈油火蠟,保守估計每月開支最少三十萬。小環直認:「至少都要呀!托賴開張到依家,生意應付到開支囉!(去年盈利達數百萬?)係有盈利,幾多唔講啦,順順利利囉!」
再問是否尖沙嘴開分店?她說︰「近呢半年我哋不停去睇舖,但係有啲舖頭性質唔啱做飲食,有啲租金太貴!所以依家未扑槌,係想開尖沙嘴分店。(老公打本?)我呢啲女人仔冇本錢,當然係佢出錢啦!」
最後,問到是否手揸財政大權?她甚為避忌︰「部分啦!老公俾家用,我咪儲起佢。(依家住緊層樓係咪你㗎?)咁私人嘅嘢唔方便答你,總之住嗰度係同老公一齊揀嘅。」
對於老公之前的溝女新聞,小環一笑置之:「呢啲小菜一碟啫!唔會影響我哋,但都有提醒佢以後避忌啲!」
而同場的譚媽媽,亦開腔力撐 Eric:「呢個女婿對我哋好有心,成日同我哋去旅行。個女搵到個咁嘅老公,都算係咁啦!」
一段婚姻怎會沒暗湧,聰明的女人最懂得大事化小,小事化無。譚小環深明此理,加上手握財政大權,當然冇有怕了!




小環仲開了一間手工藝舖頭,店舖更曾在書展擺檔。


蔡強榮( Eric Tsoi)同周汶錡等圈中人相熟。客源廣闊,難怪他在 2013年奪得保險經紀大獎「 MAA-GAMA Awards」,該獎表揚 Eric及其組員,保險佣金超過 780萬美元(約港幣 6千萬)。




 




小環 06年拍過瘦身廣告,無論樣貌及身材,這 8年來似乎分別不大,駐顏有術。


在大台捱足 18年都係得萬八蚊月薪,小環卒之喺 2011年離開無綫,專心自己搞生意。 老婆揸數

為了令老婆安心,唔少明星老公都會將財政大權交俾老婆負責。老婆有得揸數,自然唔擔心老公唔識返屋企啦。




郭藹明郭藹明是劉青雲的炒樓軍師,為劉青雲買賣物業,勁賺超過 1,800萬!


朱麗倩朱麗倩一直是劉德華背後女人,視妻女如珠如寶的劉德華,更買下加多利山獨立屋送予朱麗倩,好讓她安心湊女。


羅美薇張學友婚後一直將財政大權交予羅美薇。數年前張學友因買雷曼勁蝕,有指亦是羅美薇的主意。


陳薈蓮周潤發雖然擁有十億身家,卻將資產全歸老婆陳薈蓮所有,發哥名下並冇物業。 愛的車牌

男女之間的感情,除了用口講,用車牌亦都可以表達「我愛你」呢個意思,唔少名人車牌的數字及英文字均是他們的愛的告白。

李嘉欣夫婦合體
許晉亨( Julian)及李嘉欣( Michele)的車牌是「 JM」,取自兩人英文名的字頭,簡單地表現愛意。






大劉掛住甘比
大劉俾甘比用的座駕車牌是「 I MISS U」,佢講到明掛住甘比,甘比仲唔冧咩。






Eason濠縈最「 7」
陳奕迅生日在 7月 27日,徐濠縈則在 3月 7日,故他們多輛座駕的車牌都有「 7」字。至於車輛的英文字頭則偏愛「 HY」,因為是徐濠縈英文名( Hilary)的簡寫。







明星專撈食肆

飲食業生意難做,不過好多明星仍然甘願投資,茶仔、火鍋店、甜品舖都是眾星之選。



李思欣跨越國界
兩年前李思欣同老公范振鋒開了一間日本餐廳,隨即又再開火鍋店,到去年年尾再入股 50萬搞茶餐廳。



谷祖琳兩間甜品舖
08年谷祖琳在大坑開了首間甜品店「小甜谷」,生意愈做愈好,現時已有兩間店。



群星集資華星冰室
2010年由 EO2隊員 Eddie及著名經理人文滌等明星合資的「華星冰室」,因為是明星聚腳地,引來不少 fans捧場,現有四間分店。



林子善擁四間舖
2012年林子善與友人一起開了「龍鳳冰室」,短短 3年間已經有 4間分店。林子善不時會落舖幫手,成為冰室賣點之一。

採訪、撰文、攝影:娛樂組

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()