me.jpg

 


Karena Lam綠及黑白色圖案針織上衣$10,000綠及黑白色間條半截長裙(未定價)both Fendi銀色立體蝴蝶結頸鏈$2,990Andres Gallardo from Liger藍及綠色綴水晶戒指$5,500 Dior

cover face

林嘉欣 學習放手

Ads by Google

 

戲如人生,人生如戲。
人生之所以精采,在於你不知道明天會有甚麼驚喜,對於林嘉欣( Karena)來說,幸福源自戲外戲內的美滿人生。
眼前的她潛藏深厚的演藝細胞,怎會甘心做個平凡湊仔婆,闊別銀幕五年,感激老公鼓勵及女兒啟發,終於技癢復出。
「依家要做好自己、媽媽、太太同演員呢四個角色唔容易。」要演好人生每個角色,多少要有些人格分裂吧!雖則她說是演技大考驗,但計我話,她過足戲癮就真。
有女萬事足,限定自己一年不會接多過兩齣電影,皆因在香港做家長唔容易,更要學習放手,仲講明不想女兒走上演藝之路,「唔想佢哋太大壓力!」
縱使人妻和母親兩個角色最難演,但相信也是她最愛演的角色。


林嘉欣唔鍾意催谷小朋友


林嘉欣永遠錫囡囡 拍戲為自己


Profile
 

Karena Lam
出生日期︰ 1978年 8月 17日(獅子座)
出生地︰加拿大溫哥華
語言︰廣東話、國語、英語、日語
簡歷︰出生後,移居香港,六歲時,隨父母返加。從加拿大回台探親時,參加歌唱比賽而入行。 18歲,推出唱片。 02年,憑《男人四十》於香港電影金像獎及台灣金馬獎同奪「最佳新演員」及「最佳女配角」。 10年,跟廣告導演袁劍偉於加拿大結婚,同年誕下大女 Kayla。 13年,誕下細女 Sofie。 14年擔任第 38屆香港國際電影節評委。
主要作品︰電影《男人四十》( 01),《異度空間》( 02),《戀之風景》( 03),《怪物》( 05),《綁架》( 07),《親密》( 08),《魔俠傳之唐吉可德》( 10)。舞台劇《牆前明月光》( 04),《月亮 7個半》( 06),《野豬》( 11)。
Instagram ID︰ karena_lam_official




10年熱愛演戲的林嘉欣,得到老公袁劍偉鼓勵復出拍戲,二人早有默契無意追仔,暫可專心拍戲。


14年林嘉欣拍新片重遇舊拍檔張學友,合作駕輕就熟,當然有默契。《蘋果日報》圖片


15年林嘉欣閒時愛與女兒欣賞藝術展,仲會一起做陶瓷、畫畫、種番茄等親子活動。
自由發展
 


Karena Lam黑色綴黃色毛毛 bug eyes上衣$10,000 Fendi深藍色綴彩色繡花珠片蝴蝶圖案紗裙$194,500深藍色綴彩色釘珠蝴蝶圖案高踭涼鞋$14,300both Valentino米白色珍珠手鏈(未定價) CHANEL金色綴立體閃石花手鈪$5,190Vickisarge from Harvey Nichols

香港父母為了要孩子贏在起跑線上,不僅催谷孩子上補習班,還要訓練出十八般武藝樣樣精通,林嘉欣的兩位小公主 Kayla及 Sofie,理應訓練有素吧。
「大女學戲劇同芭蕾舞,柔軟度高,我任由佢一日倒立十幾次,我唔會騷擾佢以倒立方式探索呢個世界。」對於那些終日催谷子女嘅「怪獸家長」,嘉欣也大呼摸不着頭腦。
「香港教育制度扼殺小朋友嘅好奇心,整個趨勢好唔健康,家長同小朋友都有壓力,家長谷得緊要,令小朋友冇咗童年,當佢哋有自主能力時就會反擊,事態變得更嚴重。」計佢話,家長又怎能「恰如其份」地演好自己的角色呢?
「父母應學習放手,讓子女自由發展,同時發掘小朋友興趣同長處。其實,我着重教養,希望女兒做人要有禮貌,懂得尊重別人同自己;身教亦好重要,父母的言行會潛移默化小朋友,佢哋會有樣學樣。」我也十分認同身教更要緊。


恨演《多啦 A夢》
 


Karena Lam灰藍及啡紅色綴羊皮邊連身裙$25,000 Gucci粉紅色金屬釦手鈪$7,800 Dior

嘉欣坦言女兒是她的探索頻道,讓她重新認識生活每一細節,學會享受過程,「我已忘記第一次見到彩虹嘅興奮、第一次趴地同螞蟻說話嘅情景,甚至第一次伸脷舔雪嘅感覺,女兒教曉我生命係咩一回事。人亦變得成熟,感覺好似重生。」熱愛生命,也熱愛演戲,人生比以前活得精采。
「我拍戲從來唔係為搵錢,只係為興趣,我想嘗試唔同造型同角色,去年同台灣搖滾組合《五月天》成員石頭,合拍電影《百日告別》,係我首部回歸作,佢好少拍戲,感覺好 fresh;而另一部電影《暗色天堂》,係十四年以來與學友再度合作,佢同以前一樣咁正咁好同咁真。」話時話,《暗色天堂》由丈夫執導,一起共事,嗌交少不免吧!
「冇喎……大家都唔係小朋友,清楚自己崗位,我作為演員要演繹導演作品,總之凡事有商有量。」由美少女變美麗人妻,如何突破事業的樽頸位?
「要視乎個人心態,女人不同年齡,也有不同角色可發揮,不一定演少女先係正!我最想演開心角色,目前我沒有一套戲啱阿女睇,希望有《多啦 A夢》的真人版,搵我演靜香角色,咁就一家大細都啱睇!」


體貼老公
 


Karena Lam綠及白色格仔絨褸$38,000啡色猄皮短靴$11,000啡及紅色水晶石戒指$8,600 all Dior

很多夫妻結婚生小孩後感情慢慢轉淡,不再像戀愛時情話綿綿,相處甜蜜。
「我成日鼓勵已婚夫婦,要抽時間拍拖,兩個單獨食飯睇戲都好,婚姻要用心維繫,不可以忽略另一半。」說到底,婚姻是一門學問,哪個女人不喜歡別人疼錫?
「每個人對浪漫定義都不同,我好簡單,佢知我平日好頻撲,每日一早起身湊女,送完佢哋返學先開工,所以如果大家不用開工,佢會帶兩個女出街玩,等我瞓晏啲,等我可以歎個寫意早餐。我覺得佢唔只浪漫,仲好體貼!」老夫老妻感覺未嘗不是好事,細水長流嘛!
講到女兒,畢竟出自演藝世家,表演慾強是理所當然。
「阿女想入行,但我會花好大努力將佢嘅視線轉移到建築、室內設計、畫畫同芭蕾舞方面,我唔係驚佢哋捱苦,自己做呢行,明白要成名好艱辛,條路唔易行。」


後記
 

經歷結婚、生女,要維持年輕貌美真的很難,眼前還有兩年多,便踏入四十歲的林嘉欣,究竟有甚麼逆轉肌齡的保養秘訣?
「保持心境開朗外,仲要做 treatment。 25歲前可以用 paper mask,好快修補皮膚問題,但之後就要用美容儀器導入骨膠原,促進皮膚自我修復,才能有效收緊皮膚。」
一副專業口啓,看來她對自己的肌膚保養有極高要求。
相信,演藝界很快便多個美魔女了。


Shop List
 

CHANEL中環置地太子 G18-20號鋪 2810 0978 
Dior尖沙咀北京道 1號 G1號鋪 2269 5000
Fendi中環置地廣場 G18號鋪 2524 1339 
Gucci中環置地廣場 G23-30號鋪 2524 4492
Harvey Nichols中環置地廣場 3695 3388
Lanvin中環雪廠街 10號新顯利大廈地下 3號鋪 2205 0013 
Liger銅鑼灣百德新街 55號地下 A及 C號鋪 2503 5308 
Valentino中環國際金融中心 2070號鋪 2234 7193

撰文:劉慰思
形象: Carmen Chan
攝影: Parry Fung
化妝: Will Wong
髮型: Hin Wan@IL COLPO

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()