fuck1.jpg


唔係 friend底上周六(上月 27日),是富貴龐卓欣在潮服店 Hollister的 last day。着上露肩露臍熱褲制服的她,坦言與同學麥明詩並不熟絡,但就會互相支持大家。

滾熱辣

惡鬥十優同窗 大熱龐卓欣有特首撐

Ads by Google

 

過往幾屆港姐,由於質素參差冇睇頭,令觀眾收睇意欲大減,就連最終三甲花落誰家你都未必想知。可是今屆港姐與以往不同,原因是 16強中竟有一位是十優狀元兼劍橋大學法律系畢業高材生麥明詩( Louisa),未選已成為焦點,大大增加今屆港姐的可觀性。
以為麥明詩「冇得輸」,但強中遇着強中手,與麥同讀女拔中、小學的龐卓欣( Ada),近日人氣反超前。本刊得悉龐卓欣親姑姐是沙田區議員龐愛蘭,而特首梁振英更與其父親龐寶林是世交,論後台,龐卓欣絕對有蓋過十優港姐之勢。
既是同窗亦是宿敵,龐卓欣和麥明詩參選期間被指零交流,雙方更直認彼此冇聯絡,戰意味超濃。


富貴 Ada後台仲猛過「十優」麥明詩

為準備參選港姐,龐卓欣索性豁出去,早前向任職店舖助理經理的潮服店 Hollister遞辭職信。上周六(上月 27日),正正是龐卓欣上班的最後一日,她在店舖內逐一向同事道別,又與眾人在店舖門前拍照留念。龐卓欣事後接受本刊訪問,坦言不捨得一班同事,「其實之前我喺呢度做 model,之後先轉做 shop assisant manager。我有同公司講可唔可以 no pay leave(停薪留職)。不過佢哋話唔可以兩個月冇咗個人做嘢,我亦都覺得咁樣對佢哋唔 fair,所以最後決定 resign(辭職)。」




攬同事 say bye鬼妹仔性格的龐卓欣,當日逐一與同事道別,更不介意與男同事攬攬。





在 Hollister任職店舖助理經理的龐卓欣,在 last day當日依然落力招呼客人。 同班唔同堆

今年港姐未選先精采,十優狀元麥明詩撼富貴龐卓欣,她們由小學鬥到上中學,由女拔鬥到選港姐,令其他佳麗成為配角,更出現一輪退選潮。雖然兩人是由細識到大的同窗,但據知她們讀書時絕不相熟。「 Louisa由細到大家教好嚴,放咗學即刻要返屋企,好少參加課外活動,熟嘅同學都係啲書生型;相反 Ada喺學校係活躍分子,參加合唱團同舞蹈學會,唱歌仲年年攞獎,同 Louisa完全唔同類型。」知情者說。




晒火辣身材龐卓欣在 Instagram放有不少三點式火辣照,令其人氣超越死敵麥明詩。


同特首係世交據知,龐卓欣父親龐寶林與特首 CY相識多年,而她的親姑姐更是沙田區議員龐愛蘭。單睇牌面,龐卓欣陣營比麥明詩更加人強馬壯。


人緣唔差雖然被外界封為「寸嘴 Ada」,但觀乎當日她與同事 farewell時,同事送她零食及在 Instagram中的留言,龐卓欣人緣絕對唔差。 猛人後台勁

十優狀元麥明詩有個做 Band 1聖公會林護紀念中學副校長的父親麥卓生,但富貴龐卓欣仲勁,老竇龐寶林貴為東驥資產基金管理有限公司老闆,生意每秒幾千萬上落,又經常接受傳媒訪問。至於龐卓欣母親同樣猛料,現為香港中文大學教育學院兼任導師。同時,本刊亦得悉龐卓欣的親姑姐是活躍政界的沙田區議員龐愛蘭,就連特首梁振英,亦是她父親相識多年的好友。有咁多政界猛人做後盾,富貴龐卓欣的風頭,絕對不在死敵麥明詩之下。本周三( 1日)本刊致電龐父,對於女兒參選港姐,他坦言有勝算:「梗係覺得佢有機會贏。」被問到與特首稔熟,對女兒勝出是否有幫助?他說:「我諗唔需要啦,呢個係一個公平嘅競賽。」




龐父開通龐卓欣與「富三代」 Solomon的咀嘴相及多張三點式合照流出,龐卓欣父親為此說:「冇問題喎,拍拖好正常啫!唔會影響選情嘅!」似乎他十分開通。


爭狗上新聞

鬼妹仔性格的龐卓欣,即使參選港姐,亦並沒有封鎖個人 Instagram,還經常上載她與被指是「富三代」男友 Solomon的甜蜜煙韌相,難怪瞬間成為傳媒焦點。而她在美國就讀曼哈頓音樂學院期間,更因未能跟與前男友共同飼養的貴婦狗見面,而向前男友提出訴訟,成為美國新聞人物。對此龐卓欣直認不諱說:「之前試過好多方法,實在唔想動用到律師,但佢(前男友)一直唔同我溝通,所以惟有放棄。不過依家我返咗香港,算吧, Let it go!我仲好掛住隻狗。」
有話直說的龐卓欣,向本刊坦言冇同麥明詩聯絡:「我哋係小學、中學同學,不過只係認識大家,唔會話特別 friend,私底下亦冇聯絡,但都會關心大家入唔入到圍!」天生宿敵,未選已經鬥到出面,其他對手可以擔定凳仔坐埋一邊睇兩個大熱表演!




去年仍在美國就讀曼哈頓音樂學院的龐卓欣,為見愛狗 Scotch而向前男友 Frank提出訴訟,最後更上埋美國報紙。


鬥到底

今屆港姐未選,被起底情況已進入白熱化階段。其中兩大焦點,非「 10優狀元」麥明詩及家境豐厚的龐卓欣莫屬。兩人無論背景,外形,後台都不相伯仲,有排鬥!

高學歷黑馬人選

以往參選的佳麗們較多公屋出身,如楊思琦、徐子珊、徐淑敏等是著名的屋邨港姐。但今年港姐一反常態,吸引大批高學歷一族去博一鋪。



羅丹虹 新聞系碩士
樣貌不俗但帶娘味的羅丹虹( Ann),是英國某學府的新聞系碩士生,難怪面試當日談吐大方,有機成為「親善大使」。



劉聖雪 研究腦神經
笑容可掬的劉聖雪( Dana),畢業於美國加州大學聖地牙哥分校生理及神經科,主力做幹細胞研究。她大方端莊,但略嫌包包面。



朱嘉莉 眼科醫生
任職眼科醫生的朱嘉莉( Sunshine),表現驚青,影相時硬晒軚,若要競爭,恐怕要多加練習。

撰文:娛樂組 
攝影:攝影組

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()