《 Orange Marmalade》女主角 AOA雪炫,憑住清純外表最近人氣急升,被稱為「秀智第二」,仲唔趁秀智忙住拍拖上位等幾時?

電視精

韓版《吸血新世紀》飛起阿叔

Ads by Google

吸血鬼作品長拍長有,最殺食都係講吸血鬼同人類嘅愛情故事,夠淒美夠浪漫夠唔真實!
最近,又有一套以吸血鬼做題材嘅韓劇《 Orange Marmalade》,以年輕演員做骨幹,呂珍九、 AOA金雪炫、 CNBLUE李宗泫發展一段吸血鬼三角戀,擺明吸學生觀眾,明抄《吸血新世紀》。而香港的吸血鬼電視劇,廿歲女會愛上四十歲的阿叔。

少年金秀賢擔正

吸血鬼題材喺韓國經常出現,好似上季有安宰賢同具惠善嘅《 Blood》,講吸血鬼做醫生,可惜成績不濟,平均收視唔過 5%。今次《 Orange Marmalade》一樣以吸血鬼做題材,不過完全唔講其他嘢,淨係談情。故事改編網上人氣漫畫,講述女主角係吸血鬼,轉校去到一間中學,同風頭躉男主角漸生情愫,不過原來男主角個阿媽改嫁咗俾吸血鬼,搞到男主角好憎佢哋,偏偏喺不知情之下愛上咗吸血鬼女主角,一對小情侶最後點收科?聽完個故事大綱,通常有兩個反應,一係「嘩,好浪漫呀!」,一係「嘩,好老土呀!」,就係呢啲咁老土嘅浪漫,先至歷久常新。漫畫由 2011年起喺網上連載咗三年,深受年輕人歡迎,終於喺今年改編成電視劇,風頭躉男主角由 17歲嘅呂珍九飾演。劇迷對於呂珍九都唔會陌生,童星出身嘅佢 8歲就開始拍劇,通常係做男主角嘅童年版,喺《擁抱太陽的月亮》入面做少年版金秀賢,演技大獲好評。今次係佢第一次擔正做男主角,唔使再做小朋友,仲同女主角有親熱鏡頭,有睇開韓劇嘅好似睇住佢大,更加有親切感!




第一集就講雪炫忍唔住想吸人血,結果被噴到成臉血,真係做戲都嫌誇張。


呂珍九對雪炫一見鍾情,係因為雪炫想咬佢條頸吸血,場面好挑逗呀。


《 Orange Marmalade》漫畫入面嘅一對小情侶,之前被網民投票成為最討好情侶,拍成電視劇好彩無被劣化,原著 fans無投訴。 加入夾 Band元素

《 Orange Marmalade》受歡迎嘅其中一個原因,就係加入音樂元素。一班高中生談情,點都要搵啲嘢做吓,最好梗係課外活動,一班主角加入學校樂隊,一齊玩音樂。呢一點可以話係正中年輕人口味,型男索女有才華,以音樂作為溝通工具,組成樂隊,團結得來又各有所愛,簡直就係女孩子最愛嘅情節!由於要夾 band,幾個主角都要熟悉樂器,女主角係女團 AOA成員雪炫,出道前已經受過樂器訓練,彈結他彈琴都有板有眼。男二仲厲害,搵嚟 CNBLUE結他手李宗泫,即令可信度大增,至於男主角呂珍九都識彈結他,所以唔使用替身,未埋位之前幾個後生最鍾意圍埋一齊 jam歌,更有 fans話希望佢哋可以用劇中嘅樂隊嘅名義出碟,唔知電視台有無興趣賺多一筆呢?




劇中一個好重要嘅部分係夾 band,呂珍九就用咗好多時間練習,絕對唔比兩位歌手遜色。


李宗泫皮膚白皙,扮吸血鬼入型入格,笑起來有點邪氣,做男二都搶晒鏡。


無論任何時代、任何國家,吸血鬼唔想飲血,都係飲番茄汁,下次可唔可以有啲新意? 撰文:關錦雯
mailto:hotpot@nextmedia.com

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()