環境與其他分店沒太大分別,有沖繩居酒屋氣氛。

試食王

目利之銀次做鐵板燒 無得加分

Ads by Google

來自沖繩的目利之銀次最初開到香港進駐銅鑼灣世貿中心時,我的確常去幫襯。位置好,裝修靚,抵食,下層的西餐廳又有無敵維港景俾我同朋友 happy hour或者 after dinner繼續吹水。後來因為餐牌選擇不多,同款式的食物吃了又吃很多次,悶了,便沒有再去。

目利之銀次生意好好,上星期三 5月 20日在旺角新世紀廣場開第四間分店,今次仲加入埋鐵板燒。 Royal Grill其實係沖繩目利之銀次的支線,終於有新意,又吸引我去試。個名加入 Royal Grill,但裝修同其他店無太大分別。仲以為會有大量面對鐵板燒師傅,可以欣賞佢拋鑊鏟表演的吧枱位,想得太多!
員工整體形象呆呆滯滯,笑容欠奉,似做慣茶餐廳,不過落單上菜添茶的動作都算快。新分店獨有的鐵板燒在餐牌上有兩個大孖頁,海鮮肉類一共得十款左右,反而鐵板關西燒餅就有五款,炒飯也有四款。鐵板海鮮肉類不便宜,海蝦$98得一隻,牛油味搶晒蝦鮮。鐵板美國肉眼薄燒$220好軟腍,火候是好,但我只食到炸蒜味,零牛味。鐵板銀鱈魚$180好細塊,沒有銀鱈魚該有的油香,更有點腥,失望!鮮蝦關西燒餅$78和炒麵奄列$88價錢合理得多,分量也大,味道也不錯,起碼炒麵有豉油王炒麵的惹味。燒餅上的木魚絲和醬汁多些會更好,可以蓋一蓋鮮蝦的冰鮮味。看來還是吃平民款式的鐵板燒比較穩陣!
新分店獨家的還有蒸煮物,野菜蒸薄切黑豚肉$98得幾片,又是無味,野菜似中式鹹酸菜多些。特上海鮮蒸蛋$78兩啖食晒,蒸蛋香滑,但海鮮感覺不新鮮。點了目利之銀次最初已有提供的海膽汁燒蠔,好彩,質素 keep得住。
總而言之,新店是多了選擇多了新意,但無得加分。




炒麵奄列$88起碼分量不欺客,炒麵味道似少鹹的豉油皇炒麵。


特上海鮮蒸多$78又係兩啖食完,蒸蛋夠滑,但海鮮口感和味道都夠新鮮。


鐵板美國肉眼薄燒$220肉質非常腍,火侯是不錯,但牛肉無味,只食到炸蒜味,好鹹。


鮮蝦關西燒餅$78都係平民菜式大件夾抵食,燒餅多菜爽口唔乾身,但最好還是落多些汁。


鐵板海蝦$98得一隻,唔係特別大隻,都算爽口,但只食到牛油味。


野菜蒸薄切黑豚肉$98得幾片,豬不夠鮮,墊底的菜十足鹹酸菜。


鐵板銀鱈魚$180好細塊呀,兩個人兩啖食晒,又無銀鱈魚油香。 評分

食物:★★★
服務:★★ 1/2
環境:★★★ 1/2
抵食:★★★



目利之銀次 Royal Grill
地址:旺角新世紀廣場 3樓 367號鋪
電話: 2392 0028
營業時間:
星期一至五 12nn-3pm/6pm-10:30pm
星期六、日 12nn-4pm/6pm-10:30pm

試食王

喜歡外出用膳,也喜歡誠實,不相信飲食網站的所謂評分,也怕了所謂食家獲得優待後的意見,情願隱姓埋名,真金白銀,測試飲食雜誌飲食網頁捕捉不到的真實一面。

粉紅香檳配日本料理

日本料理不一定配清酒,法國名牌香檳 Veuve Clicquot由現時至 6月 30日,以其王牌香檳及王牌粉紅香檳,與多間高級日本餐廳如天空龍吟、權八和竹壽司等合作,推出優惠套餐。例如以$680享用竹壽司包括松葉蟹和中拖羅的七道菜晚餐,加$198起便可配上香檳。於 Sushi To by Harlan Goldstein享用$488四道菜晚餐,加$268便可有王牌粉紅香檳半瓶。於夏天,用香檳配日本料理,最清爽!
查詢: http://www.vcseason-asia.com 

逢週三$148本地啤加肉丸

中環的意式肉丸吧 NOM繼推出歡樂時光買飲品可免費食薄餅的 Aperitivo星期二後,再推出逢星期三 6pm至 9pm只需$148,便可享用由 HK Beer Co釀製的手工啤酒、 NOM炸肉丸和薯條一大桶。唔夠喉?行政總廚最近推出清新的夏日海鮮菜式,如西班牙八爪魚、北海道帶子和意大利青口等,在中環也可感受地中海氣息。

NOM
地址:中環蘇豪伊利近街 1-5號 1樓
電話: 2540 7988
網址: http://nom.com.hk 

撰文、攝影:試食王
mailto:hotpot@nextmedia.com

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()