玩 POOLSOCCER記得要著襪,乾淨啲嘛!

太爛玩

桌球+足球= POOLSOCCER

Ads by Google

身邊唔少女性朋友都埋怨男友,淨住掛住踢波篤波唔理自己,何不同佢一齊踢波篤波兼拍拖?
喺美式桌球枱上踢足球,唔用 cue轉用腳,係咪幾盞鬼呢?觀塘新開的 BALL ROOM,就有呢個 POOLSOCCER桌上足球玩!只要唔用手,用身體任何部分都得,負責人話唔少情侶、父子都嚟個同場較量,感情突飛猛進。
唔知幾時會有埋枱上曲棍球、網球碌 lane呢?

玩法分兩種

識踢足球玩 POOLSOCCER有着數? Kase話女仔玩得仲叻。「女仔踢得細力啲,反而唔易出界。玩時最好用腳底踢波,容易控制力度同方向。」攝影師試過用腳趾踢波,差啲篤魚蛋,大家要記住桌上足球比一般足球重呀!
玩法同美式桌球一樣,分「 number8」和「 nineball」兩種。前者即是兩個參賽者分別打實心球和間條球,鬥快將自己嘅波入晒洞就贏。而 nineball玩法就係將 1至 9號波,順序入洞又或者以其他波撞入 9號波,就會即贏。比賽規則唔嚴格,只要唔用手就可以,你亦可以自創玩法,例如用頭頂或向後踢,夠晒 free style。




規則可以自己同隊友一齊定。你可以只用頭頂,又或者難度再高啲,背住嚟射都得。


「 Number 8」玩法係鬥快入晒屬於自己嘅 7個實心波或間條波,最後入埋黑柴 8號波就算贏。





特製波枱避震

「呢項運動喺外國有好多唔同嘅名,如 snookball、 poolball、 footpool等,我哋就覺得個場地係美式桌球嘅球枱( pool),但玩時係用踢足球技巧,所以決定改名叫 POOLSOCCER,中文叫桌上足球。」由法國傳到嚟香港,啱外國人未必啱香港人,無論係 pool定係個波, Kase同兩位拍檔都花心機改良過,例如波枱在香港找師傅訂造, 6x3米大的波枱,全實心木,特製地氈可以吸震,就算客人在枱上又跑又跳,旁邊的波都不動如山,而波的尺寸就似三號足球,但較為重身,彈力較小,避免玩時經常彈出界。




BALL ROOM裝潢設計走美國 country style,皮革椅子、木枱、油桶圓枱甚至沙壺枱,全部有得賣給客人。


好靜的你可以玩吓 board game、桌球都得。 手指運動推壺

POOLSOCCER屬全身運動,想玩得斯文啲,可以只做手部運動, BALL ROOM仲設有沙壺、美式桌球同大量 board game。其中沙壺最吸引,窄長枱上灑上膠粒細沙,對賽時,大家向相同方向,將沙壺由一端推到另一端得分區,責界計少分的一格,仲可以撞走對方的沙壺,比賽完結先計總得分。但記得唔好太大力,落坑就無分㗎喇!




雖然街機機鋪都有沙壺遊戲玩,但始終隔住個 mon好唔真實。而家可以親身 feel吓沙壺喺枱上滑行嘅真實速度。


唔好以為入咗得分區就一定有分會贏,因為你個沙壺最後有可能被撞走。


玩之前要在枱上灑上沙,不然沙壺會與枱面產生阻力,推唔郁。

BALL ROOM
地址:觀塘興業街 14號永興工業大廈 12/F C1室
營業時間: 12nn-12mn
收費:每人$35/鐘( Poolsoccer須額外收費及預約,每小時$100,不限人數);包場價:$3,500/4小時(最多 25人)

撰文:吳韻菁
攝影:陳偉傑
攝錄:胡春輝
模特兒: Kayi、 Yorki

文章標籤
創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()