文章分類☆熱門標籤:
  •  飲食   風水  寵物  潮流打扮 旅行 科技 健康 財經&創業★ 
  •  娛樂八掛週刊雜誌  
  • 太爛玩

    童年回憶 可樂廠再啟動

    Ads by Google

    記得小學時候(定係中學?),有一年暑假去參觀可樂廠,對最鍾意飲汽水嘅我嚟講簡直係天堂,除咗可以參觀廠房了解製造過程,仲有一個珍藏咗好多可樂紀念品嘅博物館,大開眼界,睇完真係想飲多幾罐汽水!
    適逢今年係太古集團取得可口可樂裝瓶權 50周年,位於沙田小瀝源廠房內嘅可口可樂博物館翻新重開,展出更多珍貴收藏,即刻勾起童年回憶!

    巨型樽噴可樂


    下年就係可樂誕生 130周年,展板上展出多項同品牌有關的重要歷史,地板也用可樂罐砌。

    可口可樂博物館位於沙田小瀝源廠房,翻新後以可樂嘅經典顏色——紅色及白色作為主調,門口就用幾個大大小小樽蓋裝飾,未入到去已經感受到可樂嘅世界。喺館中間迎接大家嘅,係一個巨型可樂樽藝術品,用鐵架砌成,配合天花板的紅線,就好似樽內的可樂噴出來,甚有動感。博物館內大約分成三個部分,一部分展出第一代可樂樽以及之後的演變歷史,原來第一個可樂樽係直身設計,直至 1915年先有弧形樽出現,今年剛好係 100周年!另外仲有展板介紹歷年廣告及代言人,勾起童年回憶之餘仲會暴露年齡秘密!另一部分就展示世界各地特注紀念可樂樽及可樂罐,好似每一屆世界盃同奧運,可樂都會推出紀念版,相信好多人都儲過,而家可以一次過睇到,發現屋企都有收藏紀念品,諗番起自己經歷過幾多屆奧運,歲月不饒人!

    網羅民間收藏

    講到可樂收藏品,最吸引大家嘅都係印有可樂 Logo嘅精品,博物館內有多個格仔櫃,展示多年推出過嘅精品,由最普通嘅文具、搖搖、玻璃杯,到玩具車、超合金模型、家電等等,種類多不勝數,當中有超過一半展品係首次公開展出。除咗香港嘅可樂精品,博物館還向多位本地可樂收藏家借來購自世界各地嘅珍藏品,好似印有不同語言嘅可樂樽,七彩顏色可樂樽,甚至充滿懷舊色彩嘅收藏品,當中充滿歷史故事。參觀團仲可以去到廠房嘅觀景廊,隔着玻璃睇吓可樂廠生產線,知道平時飲開嘅汽水係點樣製造。不過博物館暫時未對外開放參觀,只係接受團體預約咋。




    可樂玩具車,相信好多男仔細個都有儲,每一個年代嘅送汽水貨車都有其特色,而家全部都係珍藏品。


    可樂樽嘅形狀係註冊商標,世界各地都統一,不過印喺樽上嘅文字就因應唔同國家而有改變,你識讀幾多個?


    整個博物館充滿可樂色彩,就連陳列櫃都用上不同年代嘅可樂樽形狀,影相靚。


    記得以前要儲蓋掩先換到贈品,一到暑假就日日飲可樂,呢幾個大獎有無人換到?


    講可樂精品點可以無搖搖?當年個個小朋友都有一個喺手,最難儲梗係金色同銀色!


    呢部係早期可樂嘅自動販賣機,第一部係 1934年在芝加哥出現,入錢,拉下手掣,就可以買到一支可樂喇! 

    太古可口可樂工廠參觀詳情
    地址:沙田小瀝源源順圍 17-19號
    參觀時間: 9am-4pm(必須預約)
    電話: 2636 7913
    電郵: mailto:inquiry@swirebev.com

    撰文:關錦雯
    攝影:胡春輝
    mailto:hotpot@nextmedia.com

    創作者介紹
    創作者 tvb4life 的頭像
    tvb4life

    明星八掛大分享★☆

    tvb4life 發表在 痞客邦 留言(1) 人氣()


    留言列表 (1)

    發表留言
    • 訪客
    • 各位老友 你们好 ! 你们仍还記得, 在七十年代中期嗎!可口可樂汽水公司 还举辦全港的幸运之家奖卷大抽獎. 頭等奬是洋楼一層 值港幣四萬蚊 二奖 汽車一部 三奖是來回机票二張 及 四奘是七彩电视一部等 . 當時可口可樂公司的口号是常飲: 可口可樂 令你 心曠 神怡 萬事 勝意 储齐六个蓋掩 可换取一張幸运之家奖卷.,當時本小人仍讀初中: 九龙三育中学 (1973), 可是 至現在 我仍现居海外 canada的安省 职业是半退休 ., Fr: John kft .

    您尚未登入,將以訪客身份留言。亦可以上方服務帳號登入留言

    請輸入暱稱 ( 最多顯示 6 個中文字元 )

    請輸入標題 ( 最多顯示 9 個中文字元 )

    請輸入內容 ( 最多 140 個中文字元 )

    請輸入左方認證碼:

    看不懂,換張圖

    請輸入驗證碼