日本, Ichiban!

Nextbook

月入萬五,去日本定儲首期?

Ads by Google

NEXT:新任青年事務委員會主席劉鳴煒話,後生仔想買樓就要犧牲,睇少啲戲、去少啲日本。小編月入萬幾蚊,月儲多過劉公子講嘅三千蚊,但每次經過地產鋪,只能望門興嘆。唉……如果係你,儲錢定去日本玩住先?




去少啲日本!(真實對白)

 

區諾軒(民主黨中常委)
超感動啊……食好嘢,一定嚟人形町。
食好嘢,就是喜歡去小店。
因為《孤獨的美食家》,所以嚟到人形町食黑色天婦羅。佢哋只賣幾種餐,但我呢啲貪心人,叫咗海老天丼,睇到可以散叫,就叫埋穴子、魷魚同埋茄子。
叫得黑色天婦羅,就係喺上面加甜豉油,完全係完美嘅配搭啊!我最怕食太乾或太熟嘅魷魚,成嚿擦膠咁,但呢度嘅魷魚,仲有穴子,軟且多汁!
同場有一對香港人,因為幫佢哋傳譯幾句,結果老細醒多份炸蘿蔔俾我。這就是小店的人情味啊!!!
對唔住,離晒題。喺買樓同去日本之間,我選擇……去日本。









NEXT:你唔只離題,係離譜!我連日本都未儲夠錢去呀!
李梓敬(自由黨青年團主席)
香港有兩條「十惡不赦」嘅原罪,一條叫「葉璐珊」背景,另一條叫「成功需父幹」。大劉公子劉鳴煒係後者,所以當佢教人儲錢嘅時候,惹嚟口誅筆伐是常識吧!
其實,佢所講嘅,只不過係阿媽係女人。一個月儲三千,即係十年三十六萬,如果儲嘅錢有投資回報,可能唔只呢個數。唔係話揸住呢嚿錢,一定夠你買樓,但係連呢嚿錢都無嘅話,再嚟多次金融風暴你都係買唔起。
錯嘅,就錯在出自一位「成功需父幹」把口。
喺一個用 iPhone上 facebook批判資本主義嘅時代,睇嚟未來幾年,劉主席嘅工作,一定唔易做。



NEXT:咁你究竟去唔去日本啫?啲円低到咁!喺日本掃平貨,分分鐘慳到錢!
楊岳橋(公民黨執委)
劉鳴煒「月儲三千買樓論」激起千重浪,絕對合理。活在今日香港,除非天降橫財祖上積德,否則憑那點積蓄,恐怕連個廁所也買不起。但公道點說,養成儲錢習慣倒是放諸四海皆準大道理,但三千好五千罷,你戶口的零永遠只能以龜速增長,追不上樓市翻幾番的速度。
幸好,天無絕人之路,你對大和民族的熱愛終於換來收穫的時候!日本既然也是要去的,適逢日圓低水,你大可將積蓄轉戰東京大阪與強國大媽爭購廁所板與衞生巾,回港後再在淘寶炒一轉!到時廁板換首期、衞生巾變一桶金!要進駐豪宅,就由去日本開始!當然,同樣手執鑊鏟,不去日本也可進軍股市。話時話,既然劉生如此關心年輕人,不如俾番個冧巴大家?

Friends

社交網絡殺入《壹週刊》,每期由壹仔出 post,政黨、社運團體男神、女神、 BB輪流 comment,探討社會至 hit話題。




黃浩銘


區諾軒


李梓敬


蘇浩


陸頌雄


羅冠聰


楊岳橋


周浩鼎 統籌:林璐菁
mailto:news@nextmedia.com

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()