旺角先達 G-WORLD手機店職員聲稱, Sony今年改變保養規定,致令事主無法自攜手機保養,強調會幫事主將壞機帶到原廠維修。

投訴

小店買手機易中招  Sony行貨有單都唔保

Ads by Google

行貨手機比水貨昂貴是常識,消費者願意付較高價錢,只因行貨可獲官方維修保養。不過,本刊收到讀者投訴,即使攜同購買單據, Sony都拒絕替其行貨手機維修,原因是發出單據的手機店並非特約經銷商。有行內人士透露,由於部分小店扣起或更換原廠配件,手機商近年收緊保養要求。惟記者在旺角先達廣場放蛇買機,發現多間小店仍然吹噓有保養,讀者買機前要小心選擇。




顏小姐提供的單據上雖寫明「 Sony保養一年」,但投訴人帶機到 Sony維修,職員卻指該店並非特約經銷商,不會提供保養。(曾春南攝)

顏小姐去年於旺角先達廣場的「 G-WORLD MOBILE」,以六千一百多元購買當時剛推出的 Sony「 Xperia Z2」行貨手機,包首年原廠免費保養,「佢話一定係行貨機, Sony保養一年,(如有損壞)直接拎去 Sony廠就可以。」店員更於單據上寫明「 Sony保養一年」。
豈料保養期內,該手機的拍攝功能失靈,顏小姐便拿手機到 Sony維修中心,惟職員核對單據後表示,該手機雖為行貨,但單據上的店鋪並非特約經銷商,因此拒絕收機。顏小姐遂找店方對質,店員這時才表示,可將手機轉交給店方再拿到原廠維修,顏小姐因此極度不滿:「我一定唔會再幫襯佢買嘢,買咗個服務,又無咗
……我買行貨就係因為有得自己拎去保,經佢保我又無咁放心。」

跟進 指定店鋪發單才保養


Sony雖於 Facebook專頁列出其特約經銷商名單,但原來部分商店未有收錄,消費者須自行致電客戶服務熱線進一步查詢。

記者陪事主到 Sony維修中心直擊驗機過程,職員除查核手機 IMEI識別碼,又要求事主提供單據,在電腦輸入資料後即表示無法提供保養,「呢部機派機時唔係派俾呢間鋪頭,可能你要問番呢間鋪頭喺邊度入貨。」職員又補充若能提供該經銷商單據便會提供服務。
記者遂與事主再到 G-WORLD了解,店員承認當初有承諾客戶可自攜手機到原廠保養,但辯稱 Sony突然「轉咗個做法」,記者建議該店給顏小姐經銷商單據,但店員拒絕並反要求客戶放低手機,讓店方拿到 Sony維修,「我哋而家都係俾番 Sony㗎……咁佢轉咗唔俾你哋上,我可以做啲咩!」顏小姐坦言對店方無信心,亦不接受店方的解釋。「如果我接受到留機俾佢(店方),我一早買咗水貨機啦!」

小店吹噓有保養


Sony維修中心職員指,事主的手機屬行貨,但電腦資料顯示「出貨」的商店並非 G-WORLD,着事主帶同特約經銷商單據便可獲免費保養。

記者以顧客身份到旺角先達廣場的四間小店查詢,以 Sony今年推出的「 XPERIA Z3」為例,水貨和行貨手機的價錢平均相差約三百元,其中三家非特約經銷商的小店均聲稱,買家如購買行貨便獲原廠保養,記者追問是否顧客自攜單據便可直接拿到 Sony維修中心,所有店員均表示無問題。另外一家屬特約經銷商的小店則較「君真」,指明行貨 Sony手機都分兩種,兩者售價相差近四百元,「如果平啲就跟我張單上去保養,你俾我就 send番上廠……正行貨貴啲呢,就你自己攞上去。」

專家話 應講清楚保養細節


記者放蛇詢問多間先達手機店,只有屬特約經銷商的零售店表明,即使行貨手機亦分兩個價格,可自攜單據到原廠維修的行貨貴數百元。

香港資訊科技商會榮譽會長方保僑解釋,各大手機廠商一般都列明,只會向特約經銷商售賣的手機提供保養,加上消費者均認為自攜保養與經小店到原廠維修有分別,會擔心「唔知佢攞去邊度整」,故零售店有責任講清楚保養細節。
有業內人士則拆解,過往手機商通常不會「揸正做」,只要是行貨手機便提供保養,但近年市面上出現不少俗稱「鬼機」,即行貨手機卻被換上非原廠零件或配件,生產商避免影響形象,便嚴格要求客戶提供指定經銷商單據,「特約經銷商係 trace得到個買賣時間賣,曾經有部分小店會換火牛換電,又會拎咗啲嘢走,變咗好難控制,好多生產商都唔會保。」

回應  G-WORLD呻無辜

G-WORLD回覆本刊,堅稱 Sony今年突然改變保養制度,致令事主無法自攜保養,「我都無辦法……嗰時個做法可以,佢哋轉咗我都無辦法。」店方只能承諾替事主帶機到原廠維修,又強調現時售賣行貨手機時,會講清楚保養細節。
Sony則回覆,客戶服務中心職員除了根據手機 IMEI號查核貨源,消費者亦要攜同特約經銷商發出的單據才可獲保養維修,有關經銷商名單可在 Sony的 Facebook專頁或網頁搜尋,惟記者發現該專頁未有列舉所有特約經銷商名單,記者須自行致電客戶服務熱線查詢。至於是否突然收緊保養要求, Sony未有回應。

壹判官

Sony肯收機就係人情,唔收就係道理,反而手機店做生意應該君真啲,講清楚就無事。
劣劣劣劣劣
(五個劣為最嚴重)

手機保養比併

 

爆料︰ 2990 8999
傳真︰ 2623 9547
電郵︰ mailto:social@nextmedia.com
magsocial@gmail.com
WhatApp︰ 6829 6543
絕對保密

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()