上週六郭孔丞現身靈堂,惹來無限揣測。(關永浩攝)

編輯室手記

烏龍記

Ads by Google

做記者,當然想追全城最大最爆嘅新聞,不過有時,都不免會收錯風。

上週六早上,同事 Irving老友報料,話「糖王」郭鶴年嘅老婆不幸於兩日前逝世,週六即運去香港「大酒店」做法事兼出殯。堂堂大人物,卻反常低調,必有內情,追到仲唔係六版封面故事?記者連同兩位攝影師,即刻飛車到殯儀館了解。等了不久,果然見郭鶴年長子郭孔丞到場。不過靈堂內,沒有相片沒有花牌,只寫有「洪府出殯」,咁究竟過身的是誰?開始疑惑。
記者最想找郭氏直接回應,當郭孔丞步出殯儀館,即趨前訪問。當日傾盆大雨,為行得更近,傘都費時開了,結果郭孔丞劈頭一句:「 Leave us alone!」再補上:「 You have no decency. Absolutely no decency.」便一個箭步走入嘉里中心。這個古仔,最後亦泡湯,因事後「索料」,原來過身的是郭鶴年的堂姪女,關係疏到唔恨,細到連「中環人語」一格位都無。
Irving說,最唔願遇到靈堂採訪,因當事人心情欠佳,但記者因職責又一定要問。打擾了郭家要說聲:「不好意思。」不過本着《壹》仔精神,日後讀者有報料,我哋都定當追查到底!(區嘉儀)

補白


(徐柏然攝)

本刊早兩期寫將軍澳的環保大道不環保,沙塵鋪天蓋地,樹木奄奄一息。本週攝影師再去拍照,發現終於有工人執拾大道兩旁的垃圾,並且放滿一籮籮新草準備種植。
如果政府唔使吓吓俾人鬧先做嘢,你話香港幾咁好?

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()