張利華見到記者,本來話冇乜嘢好講,轉頭又忍唔住要澄清自己冇唔理個女。

媽咪姐

魏駿傑重慶嫩妻寸爆:有邊個屋企唔嗌交

Ads by Google

魏駿傑嗰位細佢廿年嘅重慶嫩妻張利華,月初俾人影到 5日內兩度偷會前港隊單車手鄧宏業。《忽周》上期又發現佢兩公婆喺西貢街頭嗌交,釀婚變是常識啦。
嗱!媽咪姐係局外人,唔敢話邊個唔啱,不過上星期以來,真係得魏駿傑單拖湊女咋噃,囡囡病咗,魏太都冇影㗎!唔知係咪我哋好彩,呢個周日( 24日)魏駿傑返咗大陸做嘢,魏太終於現真身喇!

抄牌唔理

當日張利華俾「慈母」抄完違例泊車,罰款三百二嘅告票攝喺車頭,魏太由得佢淋雨爛晒,都冇攞走。

佢單拖揸咗老公架 80萬 Range Rover去西貢買蛋糕。不忿被記者捕獲,就發老脾同報警:「麻煩你哋唔好阻住我啦!事到如今仲有乜嘢好講啫!」
不過講到佢哋當街嗌交,佢又鬼拍後尾枕認噃:「咁嗌交實會有㗎啦!有邊個屋企唔嗌交啫!嗌完交,鳩(溝)通完,咪共同努力,共同維持囉!(咁囡囡個病好番未?)你哋唔好寫到我唔理個女啦!個女我生出嚟,我心痛過任何一個人啦!」都係嗰句啦,父母點嘈都好,小朋友係無辜嘅,希望你哋兩夫婦好好相處,一家和睦啦!




之前俾《忽周》直擊魏駿傑同張利華喺街頭嗌交,依家魏駿傑話嚟緊換 2千萬獨立屋,想修補關係,亦都俾個空間大家,有乜事可以分房瞓。


魏駿傑經常中港兩邊走,但佢一有時間就會陪個女。張利華都承認佢係好爸爸。


張利華唔提「緋聞情人」鄧宏業,只係話冇聯絡。


㩒完錢嘅張利華冇行斑馬線,而係亂過馬路,但行到一半又同司機猛咁傾,之但係企喺路中心,有啲危險噃。


最後張利華入咗間餅店買蛋糕,呢一刻終於似番個家庭煮婦。 

張利華話一個人嚟香港,人人對佢有偏見,所以要爭氣建立自己事業。嗯,媽咪姐知佢孭住個幾萬蚊嘅 Hermès,警覺性好高,成日向後望。

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()