媽咪姐

Mandy Lieu女入英籍 騎住正印仔

Ads by Google

 

女人嘅戰爭,唔使刀光劍影,只要以柔制剛,得閒先揼個炸彈,問你怕未!嗱嗱嗱,全港「至揚小三」 Mandy Lieu啱啱就喺英國生咗個女嘞,俾雜誌全程直擊佢由人夫洗米華(周焯華)陪同出院,跟住城中花生價格梗係狂升啦!個個都出嚟講幾句,「至大聲阿嫂」向太話 Mandy心腸歹毒,刺激正室;杜汶澤都忍唔住暗寸 Mandy放料,仲有無數嘅網民發表「產後感言」㖭。


丟低 Mandy 洗米華趕陪正印生仔

不過點都好, Mandy Lieu卒之打破假大肚傳聞,又喺 5.20(我愛你)呢個特別日子做媽媽, B女比嚟緊星期六( 30日)出世嘅洗米嫂 B仔大十日咁多!咦,第日兩姊弟咁唔好彩見到,正印個仔都要叫 Mandy個女一聲「家姐」喎。仲有最重要嘅一點係,鬼妹 Mandy晨早鋪晒路,喺英國生 B,未來可以喺嗰邊讀書攞英籍,一條龍服務!嘩,英籍喎!幾多我哋呢啲香港人恨都恨唔到。有時有錢都未必買到㗎!呢一次,佢真係先贏一仗。
咁呢,正所謂「好醜命生成」,八卦嘅媽咪姐梗要搵麥玲玲師傅講吓 Mandy女啦!麥師傅話 B女火旺,同媽媽感情 ok,但就旺爸爸多啲,「呢個女,人緣好好,好得人鍾意。不過我自己覺得 Mandy同洗米華個緣份係未定,而以命格計, B女父母嘅感情未來仲有波折。」
咁又係呀,事關洗米嫂其實都好努力為頭家四圍騰,又有大把人撐。呢場仗仲有排打!







周三( 27日),洗米華陪 Mandy去倫敦產女嘅報道一出,同日下晝洗米嫂已經 post出金句反擊。當然,識睇梗係睇佢啲 friend嘅留言啦!


麥師傅話 Mandy嘅命,身邊嘅男人會係有錢人,只係感情多波折,而生咗細路哥會令佢嘅運程好咗。


30歲嘅 Mandy Lieu對於發放消息,真係有一手!之前 post啲泳衣相,擺定本最新月刊喺側邊,驚死你唔知係新相。然後,再失驚無神 post張倫敦風景相,透露吓行蹤,又順利見報激正印!





巨肚兩邊撲34歲嘅洗米嫂,佗住籮咁大個肚,早前照喺澳門做慈善活動,同小肥合照,仲好鬼 cute。


然後,周一( 25日)佛誕,佢又走嚟香港拜神,為老公祈福。阿嫂真係好忙。


周六( 30日)洗米嫂就會喺養和開刀生 B仔,夾啱同阿爸洗米華同一日生日。

 




Blue Blood醫院


唔講你唔知, Mandy今次生女嗰間 The Portland Hospital係倫敦貴族醫院,連安德魯王子、莎拉王妃兩個公主都喺呢度出世。


Mandy今次喺水中產女,個生產池好似按摩池咁。保守估計, Mandy入院兩日埋單要 15萬多。


網民勁插Mandy生得豪,但網民就插得狠。網上留言,一面倒都係鬧 Mandy嘅,好齊心!

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()