靚抽王

妙問妙答

Ads by Google

娛樂圈專出產妙問妙答,本欄旨在喺當中尋找笑話。

今個星期先有陳小春講早晨後被人問候,係,山雞佢今次乜都冇做只係講早晨,然後就有人問候佢的母親,此事同老夫子一樣咁耐人尋味。
而之後嘅罵戰,花生指數同無聊程度一同提升,值得本欄研究;另一邊廂,台灣人舒淇喺康城影展疑似自稱為台灣人(後有否認),
然後俾大陸網民辱罵。我同大家一樣,唔明個問題喺邊……

事件一:陳小春講早晨被問候

陳小春:「早晨。」
自稱「肥貓」網民:「 x你老_咩爆春」

陳小春真實回應:「首先我唔知你係『人』定鬼,我(老母)死咗十幾年,而都要『 X』嘅話,大概知一二你係某種人。親人我就唔多嘅,如你真係想『?你老__』而唔係『 X你老母』嘅話,你約個時間,我陳小春親自帶你去『?』你條 X頭你話。」

建議:本欄認為,山雞貴為惠州政協,應有適當的政治智慧,當對方九唔搭八嘅時候,應以同樣九唔搭八嘅方式回應,令對方唔知點答。例如:




顧左右而言他:「我唔係陳奕迅,都冇爆春。」


仿林敏驄無厘頭答法:「搵酒杯敲你阿爸,你阿媽話痛,唔通佢係你老竇!」 事件二:
舒淇自稱台灣人被大陸網民進擊

舒淇:「我是台灣人。」
大陸網民:「三級艷星文化低。」

建議:雖然唔明一個台灣人自稱台灣人會有乜嘢問題,但係要解決呢種程度嘅攻擊好簡單,只需回答:「低你又睇?」相信好多男性網民撫心自問後會知難而退。

萬物都有進化軌跡,藝人如是,惡搞如是!

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()