靚抽王

今期句子:成功需父幹

Ads by Google

關鍵字
為大家解構熱門網民用語

通常有咩行為先會俾人以此用語嘲笑惡搞?

近日劉鑾雄兒子劉鳴煒發表一系列偉論,令人覺得佢好天真好 pure之餘,亦成為「成功需父幹」的用家,佢中咗乜嘢 point?睇過:

句子出處:

改自〈成功需苦幹〉——〈成功需苦幹〉本來係譚校長歌曲嘅名稱,但係某周刊喺訪問玩具大王之子蔡加讚時,竟以「成功需苦幹」為標題,觸動網民嘅創作衝動,繼而改圖為「成功需父幹」。意思係:只要你爸努力,你就一定掂。

1.家住堅尼地城

劉鳴煒叫大家少啲去日本同少啲睇戲,認為咁樣就可以俾到首期買得起樓。網民們計過條數,對於佢所講嘅深表贊同!即使月入萬五,唔去日本唔睇戲,每月儲三千蚊,一百年後就可以買得起二人小單位,成件事勵志非常。

2.無視自己爸爸的優勢

同蔡加讚事件一樣,劉鳴煒唔明白,有啲人嘅身份唔適合做某啲事情。例如如果你係天生嘅盲人,就唔適合周圍同人講你睇過啲乜;如果你係傷殘人士,就唔應該四處教人點跑步。正如你身為富二代,就最好唔好勸啲窮人慳啲。大佬,我哋呢啲窮 L,已經好慘,經唔起你嘅二次傷害㗎!

3.太有自信

劉生經常接受訪問,大談自己對社會嘅睇法。係,我知你係好有自信,但係你嘅問題就係你太有自信呀!乜鬼嘢住劏房係為咗就返工呀?香港有幾大呀?你知唔知劏房有幾大呀?話唔定仲細過你屋企個廁所入面個浴缸呀!咩話?我唔係話你屋企個私人泳池呀,係浴缸呀……

撰文:娛文樂

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()