me.jpg


Jennifer Tse藍白條子絲質 trench coat$8,400Lucky Chouette from Harvey Nichols藍白色橫間帆布 Slip On$299 Arnold Palmer金色幼頸鏈、金色耳環 both Jennifer's own白色吊帶背心、洗水牛仔褲 both stylist's own

cover face

謝婷婷 情願單身

Ads by Google

 

有人話婚姻是一場賭博,但亦是幸福的開始,姑勿論係點,婷婷好肯定話你知,不會將自己婚姻大事作注碼博一鋪。
「搵唔啱,唔會嫁,唔介意一個人,唔會委屈同辛苦自己!」
婚姻只能隨緣,緣份未到,情願單身,一副好女唔憂嫁嘅態度。
「都係!我係一個心地善良嘅女仔,仲好識愛錫自己。」
既然冇「情」講,她便回到影圈重新出發,恨做打女,更希望飾演妓女等挑戰性角色。
獨立自主的婷婷,事業愛情話晒事,計我話,一個人有一個人的快樂,有時單身更瀟灑!


謝婷婷大談理想對象


謝婷婷要經理人陪過夜?!

性感底線


Jennifer Tse米白併黑色條子 bra top塔夫綢上衣$3,350同款半截長裙$7,150both tibi from EDIT車厘子圖案色丁 Slip On$329 Arnold Palmer金色幼頸鏈、金色耳環 both Jennifer's own

婷婷入行七年,曾簽約王晶拍電影,講到自由度同自主權,點及得依家冇合約在身,再戰影壇,可以自己話晒事!
「我啱啱拍完鬼片《有客到》,喺《屍香》單元裡面,我飾演死人化妝師,同嘉麗姐做對手戲。我自小就好怕睇鬼片,冇諗過自己會夠膽拍,我買咗好多香港經典鬼片睇偷師。」婷婷坦言最恨做打女,話自己有運動底,身手夠靈活,但說到底,鬼片是她的新嘗試新挑戰。
「拍戲最難係睇劇本,我唔識中文,每次要靠人將成個劇本讀一次,我再每個字寫低英文拼音,我要比別人付出多兩、三倍時間。」婷婷仲放聲氣,最想接拍血腥或妓女的角色,咁湯唯在《色.戒》演出又點睇?
「大膽!但我覺得好多鏡頭可以就到,著比堅尼同露背係我性感極限。」

不甘受委屈

謝婷婷與安志杰拍拖五年,原以為二人好事近,誰知分手收場;戀上名人之後的戴尚安,半同居兼見埋家長,愛得纏綿又以為會閃婚,但最終再見還是朋友。
「唔係因了解分開,只係大家步伐唔再一致,對將來睇法唔同,夾唔到。」人長大總會變得聰明,學懂合則來不合則去嘅道理,勉強一齊比分手更痛苦,倒不如好來好去留下浪漫甜蜜回憶。
「我嘅浪漫唔係包起間餐廳同我二人世界,亦唔係送我一千支玫瑰花;曾經有男友送咗本書俾我,一打開全部係雲,我好開心,覺得佢愛我,才留意到我愛睇雲,呢種能看穿和聆聽到我心裡說話嘅細心,先至最浪漫。」
婷婷對每段感情未能收成正果,並不傷心,認為過程總會有所領悟與得着。至今,她仍相信愛,等着愛,不心急嫁人。
「搵唔啱,我唔嫁,我唔介意一個人,好過迫自己嫁一個同自己唔夾,又唔識珍惜自己嘅男人。」結婚只不過是另一種相處方式,一齊仲辛苦過未結婚,不結也罷,撐你!




85年紮住辮仔的婷婷萌爆,細細個擺起甫士有板有眼。


12年婷婷愛錫姪仔 Lucas同 Quintus,每次去新加坡工作定必探望;仲會將二人留言儲喺手機,得閒聽番感到好心甜咁話!


15年婷婷話自小同霆鋒唔算一齊長大,見面冇計傾,一齊食飯自己似搭枱,入行後與家人關係反而變得親密。 遺傳貪靚


Jennifer Tse電藍色絲質 baseball jacket$5,150 FAP from EDIT黑色塔夫綢高腰短褲$5,799 Acne Studios蘋果綠色幾何圖案刺繡 Slip On$329 Arnold Palmer金色耳環 Jennifer's own

拉姑出名投資有道,霆鋒有生意頭腦兼吸金力強,仲喺今年《福布斯》中國名人榜排行第三位,相信婷婷必定有番咁上下斤兩。
「我數口唔精,唔識理財,亦冇俾媽咪幫我管數,但自己會睇樓投資,依家有層樓供緊。」搵落唔少錢,有冇諗過學霆鋒咁瓣數多多?
「我想開餐廳,因為讀書時做過餐廳侍應,我對客人好細心又照顧周到,個個食得好開心,我真係好鍾意做 customer service,可以帶快樂俾人,我都開心。」估佢唔到!
識婷婷咁耐,從冇肥過,羡慕她遺傳了拉姑一副好 body,「我係遺傳佢嘅貪靚基因!」有冇妙法變靚變 fit,不妨同姊妹們分享吓?
「呢幾年自己榨果汁飲,少油少肥膩,仲要揀啱適合自己嘅運動。我少做瑜伽,多數做 Pilates,因為我自小運動量多,有肌肉底,加埋肩膊橫,好易大隻。」她最滿意自己頸部同鎖骨,稱穿上露肩裝時最好看,仲話希望變成一個又圓又翹的「優質股」,坦白得可愛。

後記

訪問當日,四哥謝賢拎住一打紅玫瑰突擊探班,婷婷當場攬住爸爸喊爆。
「佢好 sweet!」場面感人。
「我對爹哋仲嗲過另一半,我揀男友都希望佢有爹哋嘅風度、唔小器、開朗、睇得開,對朋友好、唔呃人、心地又好。」好多人話女兒是爸爸的前世情人,不得不信。
望住二人十指緊扣的身影離開,諗落,自己都唔知幾耐冇拖住阿爸隻手,你呢?




Jennifer Tse鮮綠色絲絹垂褶連身裙$7,499 Acne Studios白色綴黃色花卉刺繡 Slip On$329 Arnold Palmer金色耳環 Jennifer's own


謝賢唔單止對女友,連對住個女都咁 sweet,首次出招,突擊成功,婷婷當眾喊爆。 Shop List

Acne Studios中環雪廠街 10號地下 9號鋪 2801 5332
Arnold Palmer銅鑼灣希慎廣場 712-714號鋪 C.P.U. 2481 7777
EDIT中環荷李活道 67號地下 2549 4999
Harvey Nichols金鐘太古廣場 2樓 3968 2668
I.T銅鑼灣希慎道 1號 2890 7329

撰文:劉慰思
形象:黃健華
攝影: Kenji Leung
化妝: Ling Chan@ZING The Makeup School
髮型: Heibie Mok@Hair Culture
鳴謝: Arnold Palmer Footwear HK

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()