Peter仔(中)、阿羊(右)同阿龍(左)扮政改三人組的行為舉止維肖維妙,全賴上 YouTube狂煲嗰 2個政改官方廣告。

Main Camp

「政改奸人組」爆 seed 預告下一波 行騙月娥:圍立會搞大佢!

Ads by Google

近來由林鄭月娥、譚志源、袁國強組成嘅政改三人組俾市民圍插到飛街,網上改圖更加多到數唔晒,其中以「政改奸人組」最出位,扮林鄭嘅「行騙月娥」盧俊文( Peter仔),明抽政務司司長水,除咗拍惡搞片擺上 YouTube等指定動作,前週六( 16日)三位「奸人組」成員踩入立法會政改諮詢,當主席譚耀宗透明,自讀潮文令人笑到肚痛,雖然最後 Peter仔因不慎爆粗而被逐,但呃 like目標已達!

Peter仔表示「政改奸人組」唔同一般 YouTuber:「我哋 3個月之前完全冇拍片經驗,不過我同陳曉陽(殘廁源)喺學校都係搞笑開,所以唔會點度 gag,諗到咩就講,反而劉逸龍(強國猿)比較靜,對白要靠我哋幫佢諗,佢都係揮吓手就算!」
Peter仔及陳曉陽其實係來自大專政關成員,劉逸龍則來自青年重奪未來,兩個組織約共 40多人,除咗大部分學生,當中亦有在職成員,包括替奸人組化妝的兩位化妝師都是組織成員之一。本月 16日三人組在立法會爆 seed言論,就係成班人一齊度出嚟!講起點解要惡搞政改三人組, Peter仔話:「一來我哋專注政改,二來正經講冇人理,所以咪索性拍片惡搞,笑吓先會多啲人關注!」




爆粗冇手尾對於在記者會爆粗被逐, Peter仔淡淡然說:「一生人有一次搗亂立會機會,第一次只會收警告信,第二次先要負法律責任!」


笑巴士落區上月政府為宣傳政改安排巴士巡遊, 3子喺立法會門口撞正,即醒目走上前大大聲宣傳佢哋口號:「 2017,一定死得!」成功抽水。


似足𡃁模除咗扮司長,三子仲玩埋𡃁模, Peter(中)變咗 Cammi進化前個樣,笑死!


惡搞司長除咗造型十足,對白夠抵死,一句「飛黃騰達,賣港求榮!」成為金句! 「公聽會幾咁 hea!」

在公聽會爆粗而被逐, Peter仔就話實屬口快快,佢為此解畫:「我哋唔係亂爆粗,但當日講起 7警嗰單嘢,真係忍唔住衝口而出。況且𠵱家所謂嘅公聽會已經名存實亡,話就話公開諮詢大眾意見,到最後政府咪又係意見接受,態度照舊。與其係咁,不如入去寸吓政府抽吓水,等其他市民留意到政改公聽會幾咁 hea幾咁荒謬都好,雖然政改仲有兩星期就拍板,但係我哋會繼續落區,當日一定要圍立法會搞大佢!」




堅落區派傳單唔只造型抄到足,「政改奸人組」連落區派傳單都玩埋, Peter仔抵死話:「如果嚟緊林鄭落區派傳單肯定係抄我,不過我諗機會甚微,佢哋淨係識得坐巴士揮手。」


兩粒鐘變身不得不佩服化妝師厲害,本刊由同 Peter仔接觸嗰一刻開始都唔知原來佢就係「行騙月娥」。 Peter仔變身足足用咗兩個鐘,惡搞都好認真!


戴埋 bra化妝師 set頭真係望住林鄭幅大頭相嚟參考, Peter仔連 bra都戴埋,務求有「谷胸」效果,好專業㗎!


𡃁仔金句王上身

立法會 2017年行政長官產生辦法方案小組委員會舉行多場會議,邀請不同團體發表意見,唔少學生自創抽政府水嘅團體名稱登記出席,不過一一被主席譚耀宗以唔莊重為由拒絕,要以個人名義登記,結果班𡃁仔入到議會就照讀一次自己個團體名兼狂爆金句,擺明玩嘢!




學生瞓醒左腳抽筋變左膠症候群關注青年總會暨一招收你皮帶扣工業聯會代表麥俊傑

「東江水要知道感恩,正如食橙多謝美國、飲酒多謝法國、睇 AV要多謝日本!」、「你老母湊大你咁辛苦你走去做宦官!」




政改奸人組 2017一定死得大聯盟茶水部助理韓健琳

「我哋組織個名,柒唔係粗口,柒乃漢字七字嘅繁寫!」




2017錄音機宣傳政改大聯盟鄭沛倫

「如果你不舉,係咪都要同中央幫你揀嘅老婆,行房到 X為止?」

撰文:彭家駿
攝影:楊學

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()