你有冇陰謀? 鄭子誠

「其實,你要唔要我笑?」

在天台拍攝這幅開版相時,鄭子誠以他低沉磁性的聲線問我。

Ads by Google

都怪他十九年來,所演的奸角太多,令他的奸人形象太深入民心,奸到一二年,高登討論區甚至無啦啦興起一股「鄭子誠現象」,巴打絲打稱他做「完美奸人」、「陰謀誠」、「陰謀情人」狂發帖,全以陰謀論深入研究他:

鄭子誠係咪有加泰隆尼亞血統/DNA?

鄭子誠當初拍《天與地》的動機係乜?

鄭子誠點解要做《音樂情人》(他的電台節目)?

鄭子誠o依家喺高登咁hit,係咪陰謀嚟?

如果鄭子誠問你借AV,他的目的係咩?

網民更認為只要有鄭子誠出現的地方,就一定有陰謀存在。就算到了最近播出的《四個女仔三個BAR》,子誠在劇中不過飾演一名有婚外情,會取灰色地帶打官司的大狀,無所謂忠定奸,但網民始終還是覺得他樣貌陰陰濕濕,一面倒認為他遲早仍會變壞人……

「喂,喂,其實你要唔要我笑呢?」他再次問我。

明明氣溫廿一度,望望佢個樣,再聽埋佢咁問,點解我會覺得寒嘅喂?

 

一點奸意

查實,鄭子誠從來冇諗過要做奸人。要不是當年《真情》監製獨具慧眼,大概他今天也不會被網民認為他有陰謀。

「《真情》『子浩』個角色,最初只係戇直大陸青年,做做吓,監製話:『喂,你做好人,做極都唔夠阿Ben(演大好人『阿海』的黃智賢)嚟,但係我發覺你,眉宇間帶點奸意!』佢咁講,我好詫異,喂,我從來都唔認為自己係奸囉大佬!跟住佢哋將角色性格一扭,由嚟到香港力爭上游,變為不擇手段,成件事即係唔同咗,呢個『子浩』集所有衰嘢於一身!再加埋個馬蹄露,即刻係全宇宙最乞人憎嘅人!」

《真情》李子浩

《烈火雄心》劉海逸

《衝吧!瘦薪兵團》Bosco

這是他拍劇的第一個角色,加上《真情》太入屋,「子浩」一夜變奸,即令師奶阿嬸姨媽姑姐都憎到佢死。「嘩!嗰陣我連去街市買餸都唔敢!嗰啲阿嬸憎到我呢,佢哋唔係開口鬧你喎,係畀啲睥嘅眼神你喎,仲唔死呀?」

即使親如他的母親,亦冇眼睇。「我爹哋媽咪嗰陣喺加拿大,啲auntie都有同我媽咪講:『你個仔喺香港拍戲,做衰人喎!』佢聽完都唔睇。我後尾先知,佢根本唔鍾意我做呢行,覺得我做電台好好地,點解無啦啦走去做演員,係有少少嬲我。」

《巨輪》王鑑豪

《金石良緣》董家祥

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()