唔使湊仔,周家蔚約朋友行街買護膚品。 

同你吟一吟

老婆去鳩嗚 洪天明替工湊 TJ

Ads by Google

有過一次生仔經驗,再次佗 B嘅周家蔚,唔單只努力鑽研大肚婆餐單,放上網同各位媽咪分享,仲經常做運動,又瑜伽又打拳,佗 B忙過以前做幕前。

 


佗第二胎要做到長胎不長肉嘅周家蔚,對護膚同樣重視。早排佢約埋朋友去中環置地買護膚品,全程捉住店員問長問短,唔會隨便買。
老婆日日有節目,準備再做老豆嘅洪天明,要留喺香港拍大台新劇《拆局專家》,唔使返大陸,可以有多啲時間幫手湊吓囝囝 TJ。兩仔爺去又一城行街街, TJ周圍走,外傭姐姐叫極唔聽,反而離遠見到老豆曬完相行返嚟, TJ即刻乖晒,仲要天明抱抱同錫錫。其實 TJ咪同老豆一樣!天明喺香港對住老婆周家蔚,同自己一個喺大陸對住啲佳麗,都係兩個唔同款。

擔心產品成份唔適合大肚婆,周家蔚捉住店員,問長又問短。

著兩吋 boots嘅周家蔚坐電梯戙起隻腳,舉動豪邁。

大肚周家蔚做瑜伽又打拳,不過就俾朋友話佢太危險。

原本玩緊欄杆嘅 TJ,見到爸爸行返嚟,即刻乖晒。

洪天明有仔萬事足,抱住個仔係咁錫。

撰文:八珍
nextb@nextmedia.com

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()