跟天后老婆楊千嬅同樣是搏殺型的丁子高,不靠父蔭,寧願自己創業。 

探熱針

捉到路 丁子高賣 BB家品

Ads by Google

雖然有個富貴老豆,但丁子高未有繼承父業,寧願自組市場策劃公關公司,自己江山自己打。 RM Workshop成立三年,生意已上軌道,近日丁子高再有新大計,睇準天下父母肯為兒女大灑金錢的心態,決定開採這個金礦,更成功攞到一個德國品牌的大中華區代理權,年中將推出一系列 BB家品搶灘。

 


陳慧琳老公帶挈
丁子高自立門戶已經三年,做公關公司做得有聲有色,客源穩定的他,依然滿腦生意大計。
「阿 Real(丁子高)細細個睇住爹哋白手興家,所以佢都要憑自己對手打拼未來,就算入行做公關,但好早佢就明白, PR公司只係踏台。」丁子高身邊人說。
幾經考慮,丁子高終於搵到商機,決定進軍 BB市場。
「 Torres出世之後,因為個仔,阿 Real開始留意 BB家品,為人父母,無論幾唔捨得買嘢俾自己,一定捨得花錢喺小朋友身上,一張高級 BB床可以賣過萬蚊,依然大把人買,阿 Real將心比己,開始構思搞 BB用品生意,後來佢識咗 Kelly老公 Alex,一個搞開 BB用品生意嘅朋友,大家一拍即合,決定一齊合作。」

兩公婆各有各忙,更加珍惜一家三口享受家庭樂。

兩歲多的 Torres,已經識得和爸爸鬥 chok。
受囝囝啟發
籌備兩年,近日丁子高成功攞到德國一個 BB家品的大中華代理權,會將品牌推到亞洲不同地區。
「為咗攞呢個代理權,過去一年阿 Real飛咗幾次德國,終於俾佢傾掂同品牌簽合約,應該年中就會陸續推出市場。除咗香港,仲會推埋去中國、台灣同日本,嚟緊會去海外做展銷。」
對於搞 BB家品生意,丁子高說一切正在籌備階段。
「係攞咗個德國 BB家品嘅大中華區代理權,應該會先重點推出一個產品,其他慢慢嚟! Torres啟發到我, BB家品的確係個好大嘅市場,我希望產品唔單只入大陸,仲會去其他國家。今年會更加忙,因為要不停飛!」丁子高說。

在千嬅尾場演唱會,丁子高突擊上台俾驚喜老婆。

丁子高說,千嬅很捨得花錢買嘢俾囝囝,一買隨時過萬元。

吳尊與丁子高常有合作,早前便出席丁子高做搞手的愉景灣活動。

Torres出世時, Kelly專登訂了過萬元的 BB床送給千嬅,亦令丁子高對 BB家品更加留意。
寧願捱世界
現年 35歲的丁子高,曾以 VRF組合加入樂壇,當時已傳他是富二代,直至與楊千嬅秘婚,才被踢爆父親丁永方是上海大業主,在上海南區開設三間製衣廠及一間紙箱廠,廠房面積達過百畝,身家以億計,丁父亦一直希望丁子高能繼承衣鉢。
○三年,丁子高加入 IPS公關公司工作,並火速成為老闆 Peter Wong得力助手,一一年他離巢自組 RM Workshop,至今手上有唔少大客。

丁子高父親長居上海,經常安排家庭敍會。

丁子高父親以製衣起家,上海有地有廠,十分富貴。

撰文、攝影:娛樂組
nextb@nextmedia.com

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()