莫竣名( Louis) 中大數學系 Yr.3雖然 Louis會考成績好,一向對數字好有興趣,但入到中大先發現一山還有一山高,「𠵱家 GPA唔過 2.5,仲難追過女神,惟有拉吓琴減壓!」 

U花 U草

中大男神 瘋狂拉小提琴減壓

Ads by Google

Super Junior嘅 Henry拉小提琴叻就係人都知,靚仔加弦樂,兩個字:冇得輸!
同樣拉得一手好琴嘅莫竣名( Louis)中五已經考到八級小提琴資格,細個被媽媽迫,迫吓迫吓真係愛上,仲主動要求繼續學。

 

𠵱家好多小朋友都學好多樣嘢,當作多個開學籌碼,不過𠵱家讀緊中大數學系 Yr.3嘅 Louis就冇當小提琴係自己優勢,「我係真心鍾意音樂,唔係吹水,真係可以陶治性情!」
雖然 Louis勁愛小提琴,一年前仲日拉夜拉,成日凌晨 12點幾喺新亞宿舍瘋狂拉小提琴,一拉就個幾兩個鐘,「升咗上中大之後,讀書勁嘅人真係好多,我讀數學呢科 10個同學有 4個係 nds(內地生),個個開 sem第一個星期就去圖書館溫書,明明書都未教過佢哋已經溫緊,有時壓力大拉吓小提琴放鬆吓囉!」


身為潮牌 Initial Fashion嘅御用模特兒,咪以為身高 172cm嘅 Louis一定成日行街,「我好毒㗎!就算拍拖都係女朋友留喺宿舍睇我打機,好少出街㗎!」 

除咗小提琴, Louis仲係游泳健將,擅長 50米自由式同蛙式,音樂又得,運動又得! 

Louis係中大活躍分子,上唔少莊,做過數學系莊主席、新亞 O Camp大組長,又搞過新亞夜,為莊務仆心仆命,難怪喺中大 Louis打招呼打唔停!個個都識!

撰文:葉浩婷
攝影:何榮亮
化妝及形象: Kika Wong

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()