丹丹 12年離開大台過檔港視,除咗拍《來生》仲做埋經理人,天堂鳥就係佢捧出嚟。不過今年 8月就以私人理由離職,不過她說:「我轉咗另一間公司,下年會再捧一班新人。」《蘋果日報》圖片 

真面目

嫁得快 做過天堂鳥經理人 港視《來生》大陸妹 陳丹丹嫁金融才俊港仔

Ads by Google

繼《選戰》、《警界線》後,港視第三套劇《來生不做香港人》上週首播,劇中玩中港矛盾超有共鳴。尤其上週第 6集飾演大陸高層張總嘅陳丹丹,用廣東話同普通話爆 seed鬧張可頤,被網友 like爆。
其實陳丹丹喺大台捱咗十幾年,過咗港視除咗拍《來》劇,仲原來做過天堂鳥經理人,以為劇中丹丹普通話標準係新移民,但原來佢係 100%香港人,仲嫁咗金融才俊老公仔,唔使爆 seed鬧人。

 

《來生》上週開始首播,張可頤、劉美君搶鏡就意料中事。最驚喜反而係飾演 Isabella張總嘅陳丹丹,劇中除咗做港女公敵北姑,仲成日姣男主角潘燦良(即係蘇玉華真實男友)。其中第 6集用廣東話加埋國語鬧爆張可頤,更加係上週焦點。

第 11集床戰


網上圖片 

陳丹丹話同潘燦良有唔少親熱戲,她說:「好多時我都要做主動㗎,次次拍親都好多人在場。」

車震好激


網上圖片 

除咗床戲仲會有車震戲,丹丹話:「個場都好激㗎,張可頤仲會見到。」

 


網上圖片 

第 6集陳丹丹用廣東話加普通話鬧爆張可頤,陳丹丹話:「背對白都好辛苦,尾段我仲會打張可頤添!」

床戲好主動

丹丹今次喺《來生》有發揮,但以前喺大台做咗 10年都係 2, 3綫。突然咁多戲,連佢自己都覺得驚,她說:「我初時以為幾場戲咋,點知最後出嚟成 90幾、 100場戲。仲有好多好大膽戲。事前都已經同老公講咗,佢都好放心我,仲同我對稿。」
現實生活中,丹丹老公係金融才俊,仲有個好 cute嘅 3歲寶貝女添!而劇中丹丹要經常誘惑下屬潘燦良,原來之後仲激,「我都係第一次拍呢類戲,都唔係好熟手。都有 NG過,鍚了好多次先 ok。套劇入面我做主動,佢(潘燦良)就係被動,佢要俾我擒,唔知點解每次拍床戲特別多人在場,第一場 kiss戲就喺車入面,嗰場好激烈。」陳丹丹劇中講普通話相當標準,但實情丹丹喺香港出世,除咗係演員,原來做過天堂鳥經埋人。
不過到今年 8月,丹丹就以私人理由辭職。她說:「嚟緊都係想做幕後居多,下年會捧另外一班新人。」咁天堂鳥都有勁敵喎!

3歲乖女鄭裕彤


網上圖片 

陳丹丹表示鍾意做經理人多過拍戲, 09年下嫁金融才俊, 11年仲生咗個女叫鄭裕彤,估唔到彤叔兩父子都同人撞名。

 


《壹週刊》圖片 

陳丹丹 01年入無綫,但多年來發揮機會唔多, 06年喺森美主持節目《 15/16》做獎品小姐。

齊蔭女神丁樂鍶:食麥記都冇問題!

除《來生》張總陳丹丹又惡又姣,另一位在劇中飾演港女秘書 Lana的丁樂鍶, pure外型加港女性格亦跑出。 09年喺《美女廚房》做美味天使入行, 12年轉投港視,她說:「我係想拍劇先離開 TVB,其實人工係其次,但最令我想走係因為有機會拍劇集。可頤係一個好前輩,佢好樂意教我做戲。有時仲叫我做搶鏡啲,要做得搶過佢。」
劇中丁樂鍶又追星又買名牌袋,但現實她絕非港女,仲話唔介意同男友食麥記,「手袋我自己攞,我都會請男友食飯。食麥記都冇問題,你鍾意嗰個人食咩都好食啦。」又加分囉!


丁樂鍶樣子 pure,身材亦勻稱,有女神潛質。 

丁樂鍶 20歲入行,當年喺《美女廚房》飾演美味天使之一的腸粉。 

丁樂鍶喺《來生》飾演張可頤秘書 Lana,同可頤有唔少對手戲,劇中仲被 2位男同事輪住追。網上圖片

採訪、撰文、攝影:娛樂組

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()