中大酒店及旅遊管理 Yr.3李靖筠( Gladys)除咗影相擺 pose難唔到 165cm嘅 Gladys,原來佢仲係唱得之人,佢贏過中大同大專歌唱比賽,行行吓都會唱歌自娛! 

U花 U草

迪士尼夢醒 中大 Gladys 李靖筠 轉戰娛樂圈

Ads by Google

臨近聖誕,有人去鳩嗚買禮物,亦有人會去主題樂園玩餐飽,同經典卡通人物歡度佳節,為咗影張相就算排成粒鐘隊都無所謂。

 

讀緊中大酒店及旅遊管理 Yr.3嘅李靖筠( Gladys),自細就好鍾意迪士尼卡通人物,今年暑假仲去咗全球最大嘅美國奧蘭多迪士尼樂園做三個月實習生,負責做 character attendant(樂園服務款待專員),即係企喺卡通人物隔離,代啲卡通人物同賓客打招呼同溝通。
雖然好多人都恨在迪士尼返工,夢想日日活喺個童話世界入面,不過早前有份拍許志安〈流淚行勝利道〉 MV,𠵱家 21歲嘅 Gladys就話自己唔適合做迪士尼,入娛樂圈做藝人才是她的夢想實踐地,「我 Yr.2開始做 part-time model,慢慢發現自己真係好有表演慾,自己又好鍾意唱歌做戲,所以我最想都係入娛樂圈實現夢想!」


自認大頭蝦嘅 Gladys除咗迪士尼實習之外,仲試過喺香港酒店做前檯服務,「試過同客 check-in完唔記得畀返本護照人,又試過唔記得收按金,我咁大頭蝦都係唔啱做呢行!」 

三個月入面, Gladys同卡通人物 Tinker Bell合作得最多,「其實喺迪士尼做嘢出名人工唔高(實習只有 7.5美金時薪),但見好多員工都好賣力,就算美國生活指數高,為咗夢想好多員工都堅持喺迪士尼返工!」 

做咗兼職模特兒未夠兩年, Gladys已經有好多工作機會,「最開心係拍許志安嘅 MV做其中一個女角,雖然拍咗好多個鐘,不過見到成品嗰刻真係好滿足!」

撰文:葉浩婷
攝影:范仲良
化妝及形象: Kiki Wong

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()