宣布佗混血 B女,巨肚 GiGi出席活動時,大會專登安排外籍小妹妹陪大肚婆出場。 

同你吟一吟

梁詠琪佗女好胃口

Ads by Google

上個禮拜四(六日),佗住五個月肚嘅 GiGi梁詠琪,出席由佢親自設計嘅鞋履活動,仲同現場傳媒宣布,肚裡面嘅 BB係女,預產期明年三月。

 

聽講 GiGi佗 B頭三個月,乜胃口都冇,尤其係肉類,聞到就嘔,搞到體重不升反跌,老公 Sergio不知幾擔心,好在踏入第四個月開始,大肚婆食量大幅度提升,一日到黑嗌肚餓,早排有朋友開車仔麵店, GiGi落去試,仲食咗兩碗四餸車先走。
一個人食兩人分量, GiGi到而家已經重咗二十磅,醫生話屬於正常孕婦體重範圍,更何況小千金條腿,比起同週數嘅 BB長一截,佗得長腿 B,食多兩碗麵,啱數喎!



胃口愈來愈好, GiGi唔單只成日同老公拍拖出街搵好嘢食,早排仲去朋友間車仔麵店開餐,食到豎晒手指公。 

撰文:八珍

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()