因為肯剝,蔣家旻有機會在電影孭重飛做女一,不過大膽程度嚇親珍姐,更因此入雪櫃半年。 

探熱針

拍剝衫戲 蔣家旻守行為半年 特赦「回家」

Ads by Google

大台長命電視劇《愛•回家》早前肅清瘀血,將唔聽話工作態度差的朱慧敏、湯洛雯以及蔣家旻踢走。犯眾憎朱慧敏被終極放棄,湯洛雯亦的起心肝跟老豆返內地搵食;至於瞞住公司拍剝衫戲的蔣家旻就有一線生機,守行為半年冇再行差踏錯,終於得高層曾勵珍特赦,獲准回歸馬家做乖乖女。

私鐘妹出事

《愛•回家》宣布由六百集加碼到七百集後,無綫安排寵將高海寧入組,頂替朱慧敏做黎諾懿女朋友。多事三女被叮走,不過曾經是高登女神的蔣家旻,近日就被安排「回家」。
「蔣家旻舊年接咗套電影做私鐘妹,戲入面差唔多全裸,佢同公司講話接咗部愛情片做女主角,但就冇講到要剝衫,直至套戲年初上畫,公司先知佢咁大膽。珍姐當時好嬲,因為佢擺明講大話呃公司,加上開工又成日遊魂唔專心,所以即時踢走佢。過去半年見佢冇乜嘢,亦冇啲古靈精怪新聞,所以俾佢入返組,但都要睇吓之後表現點,先決定加唔加重戲份。」知情者說。


因為肯剝,蔣家旻有機會在電影孭重飛做女一,不過大膽程度嚇親珍姐,更因此入雪櫃半年。 

蔣家旻扮私鐘妹兼有大量床戲,去年更獲提名「最佳新人」。 

蔣家旻在《愛•回家》扮演羅天宇細妹,二人不時傳出緋聞,但男方近日承認跟湯洛雯正在拍拖。

收視下跌

月底再埋位開工,劇情安排蔣家旻由英國讀完法律返港,戲份集中在馬家,暫時劇情依然集中在高海寧跟黎諾懿的愛情線。
「高 Ling孭好重戲,不過自從同發哥拍咗部大片之後,佢同人講覺得自己唔適合拍電視劇,仲話想以後只係集中火力拍電影,只係公司叫佢拍,佢冇得 say no。」
拍極唔完,加碼再加碼的《愛•回家》高峰已過,收視跌到新低二十一點,據了解,若繼續有跌無升,分分鐘要賠錢給贊助商。
「套劇同贊助商簽咗協議,保證收視會喺二十點以上,近排收視差唔多去到邊緣,上個月平均得廿一點,高層都諗緊方法救亡,亦會搵多啲人入組,唔使啲古仔來來去去都係圍繞喺幾個人身上。」知情者說。


高 Ling之前有份拍發哥孭飛的賀歲片,在片中大賣身材同白滑皮膚。 

朱慧敏被放逐後,經常落手落腳孖住男友籌備新餐廳開幕。 

放生後心情大好,蔣家旻日前將慶祝生日相放微博。

湯洛雯近日孖住老豆在內地做騷,早前又買蛋糕替他慶祝生日。 

高 Ling早已入組《愛•回家》,又有張嘉兒新血,不過無助收視。 

何去何從

朱慧敏
打定輸數,在無綫冇運行的朱慧敏,已經計劃好約滿後外闖,幫男友 Eddie打理餐廳外,更放風可以無底線拍戲,開口𢱑撈。

 

湯洛雯
被指開工唔投入的湯洛雯,有老豆湯鎮宗撐住,父女檔在《我不是明星》內地騷亮相。

 

莊思明
本來是律師樓一分子的莊思明,自從被踢出局後一直坐冷板,唯一新 job是跟一班女仔在台慶夜跳舞贈興。

 

李霖恩
夠安分!李霖恩不似其他律師樓同事被判無期徒刑,可以拍住歐陽震華在新劇《東坡家事》做對手戲,在另一個家出現。


撰文、攝影:娛樂組

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()