上週六早上九點,陳倩揚送仔到九龍塘返 play group,落車後,肥了十多磅的她依然身手敏捷,拖住囝囝沿路跑。 

探熱針

被迫冚旗 陳倩揚頻撲搵生意

Ads by Google

得到大台「特別體恤」,佗住第二胎的陳倩揚收公司 order,提早放產假,至於《東張西望》主播之位,無綫亦早有預謀,準備安插今年出爐港姐冠軍邵珮詩上位。
無端端多一個月假期,陳倩揚如常湊仔,又撲來撲去搵生意,一日走幾場。

送仔返學拉埋客

無綫為騰出位置,安排有後台的港姐冠軍邵珮詩做主持,要本來十二月才開始放產假的陳倩揚提早冚旗,公司有令,陳倩揚唯有配合。
上週六(十一月八日)早上,陳倩揚朝早九點便孖住老公由沙田住所出發,送囝囝羲廷到九龍塘返 playgroup,兩公婆在學校等了一粒鐘,再帶兒子到隔條街另一間學校學跳舞。
在跳舞學校碰到胡諾言老婆陳琪,要等放學的陳倩揚跟對方大講湊仔經外,甚至做埋 promoter,跟學校管理層推介她老公做顧問的新科技冷氣清潔公司。
「其實好多朋友都有幫襯佢老公間公司洗冷氣,好似胡諾言、宋熙年同麥雅緻都係佢客仔,因為呢套技術好新又環保,比一般洗冷氣方法快同衞生,好啱有小朋友嘅家庭;學校亦係推介對象,倩揚計劃接學校啲冷氣嚟做,傾到係大生意。」知情者說。


陳倩揚跟學校管理層講解新科技冷氣清潔。 

在學校遇見老友陳琪,陳倩揚又跟對方吹水一輪。 

送仔返屋企後,陳倩揚趕下場到新蒲崗傾生意。

生 B前開檔搞美容

上完跳舞堂,已經接近中午十二點,陳倩揚兩公婆送兒子返屋企後,換過另一套衫再出動到新蒲崗再傾生意。
「倩揚一向路數多,佢諗住生完再着手搞美容生意,但早咗成個月放假,咪索性同人傾埋個 project,佢話趕到 BB出世前搞掂就最理想。雖然七個幾月,但佢坐唔定,有時一日走幾場,連慈善騷主持都撈埋。」身邊朋友說。
「體恤」陳倩揚要她提早放產假事件被踢爆後,無綫日前急煞停邵珮詩做《東張西望》主持計劃,寧願改由其他主持踩多更硬頂,扮無事發生,以免落人口實。


老公陳浩然從事科學研究,等仔放學,他便趁機拿出儀器,測試學校的冷氣機。 


做主播外,陳倩揚亦有拍劇,早前她便大住肚出席《使徒行者》慶功宴。

在冷氣清潔公司擔任市場推廣的陳倩揚,近期四出派卡片。 

邵珮詩有高層力撐,隨時又再有機會攝位做主持。 

生完第一胎重返主播位的她,無論身形,反應依然好弗。

穿煲縮一縮

按照過往,《東張西望》的主持人如麥雅緻和張慧慈懷孕,都是產前一個月才放產假,即使陳倩揚, 11年佗第一胎時,一樣是大着肚開工,到產前一個月才開始放假,今次無綫對陳倩揚作出特別安排,無非為空出主持位,讓邵珮詩加入《東張西望》,被剝去羊皮西裝,大台奸計,暫不得逞。


張慧慈 

麥雅緻 

撰文、攝影:娛樂組
mailto:nextb@nextmedia.com

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()