探熱針

古天樂出錢出力 捧林峯余文樂做鴨

Ads by Google

去年賀歲,吳君如得古天樂人到錢到拍《金雞 sss》,食過翻尋味,今年古仔出錢出力再撐,投資開賀歲片《金鴨》本土電影,放棄內地市場!雞變鴨,電影動員超過十位男星,有老有嫩有壯有瘦任擇。
再做監製的吳君如與老細古仔四處物色鴨角,林峯、余文樂主打,再配彭于晏、古仔、黃秋生、謝賢等,目前尚餘幾隻嫩鴨空缺,據知周柏豪、陳偉霆等都聞鴨踴躍,不計酬勞自薦。

碌爆人情咭

《金雞》系列終於收檔,由《金鴨》補上,主角由雞變鴨,吳君如繼續坐鎮。
「吳君如除咗主演,都會同《金雞 sss》一樣做埋監製,古仔今次除咗落場做鴨,亦係投資者,因為要搵十幾隻鴨助陣,好多都係古仔碌人情咭。」有知情者說。
鴨角人選已密鑼緊鼓進行中,據知古仔與吳君如早前曾約林峯飯敍,傾談合作。
「落實開《金鴨》後,古仔已表態,第一個佢最想搵嘅係林峯,早排佢哋見過面,傾好晒條件同角色。古仔同林峯以前喺 TVB已經識,拍《尋秦記》嗰陣仲話佢兩個好似樣,林峯亦想喺影圈有進一步發展,古仔拍咗咁多年戲,而家仲做埋投資者,佢都想影圈多啲人接到棒,佢搵林峯做戲中隻『鴨王』,一定爆紅喎!」


潮鴨余文樂夠型仔,一身潮人打扮做潮鴨! 

Chok鴨林峯演而優則唱,加上 chok爆眼神兼動作,古仔要捧他為鴨王,冧死女! 

火鴨黃秋生以火爆見稱,雖然言論而被內地封殺,幸好有君如力撐,找他做其中一隻鴨!

肌鴨彭于晏身形健碩,腹肌胸肌乜都有,做肌鴨最好不過! 

笑鴨鄭中基夠風趣夠爛 gag,笑住做鴨對佢冇難度。 

吳君如的金雞深入民心,為了有突破,與古仔合作搞《金鴨》,繼續發放笑彈娛樂大家。 

百寶鴨謝賢、胡楓與 Joe Junior三隻加埋過二百歲的老鴨各有特色,吳君如搵他們做金鴨,有晒噱頭。 

周柏豪自薦

除林峯外,已落實會做鴨的還有余文樂、鄭中基、彭于晏、古仔、黃秋生、謝賢、胡楓、 Joe Junior等。
「仲有幾隻嫩鴨未定實,不過都唔擔心,因為有唔少歌手藝人都自薦演出,好似周柏豪,都周圍搵人搭口,話唔計較酬勞都想做,陳偉霆都有問過,而家未知揀咩人,要睇吓個角色啱邊個再定。
「其實套戲本來冇預黃秋生,但吳君如聽到傳佢被內地列入黑名單,即刻主動搵佢,反正套戲都返唔到內地,唔怕喎!」知情者說。


周柏豪、陳偉霆聞鴨踴躍,兩人都恨做鴨,不計酬勞自薦演出。 

鴨仔熱

九十年代,港產片曾經掀起過以做鴨為主題的電影,當中最為經典可算是林德祿執導,任達華、萬梓良及鄭浩南合演的《舞男》,收過千萬票房,跟風鴨片包括《舞男情未了》、《與鴨共舞》、《雞鴨戀》及《星期五之舞男》等。


撰文、攝影:娛樂組
mailto:nextb@nextmedia.com

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()