next1.jpg


完場後馬國明剝衫剝褲,下體呈現超級激凸情況,「小馬明」幾乎活現眼前。 

娛頭

男神公園半裸 馬國明激凸招搖

Ads by Google

被封為「高登頭號男神」、「無綫第一筍盤」的馬國明,歷年吸引無數「餓女」虎視眈眈,能夠激起群雌春心,除了樣好、孝順、無不良嗜好,原來還有鮮為人知的個人長——處。
唔使開工,馬國明到石硤尾大坑東球場踢波,球技了得唔在講,性格豪邁到就地剝衫剝褲換衫;踢完波成身大汗,赤裸上身的他除剩條加細碼超窄拉筋褲,令「小馬明」雄赳赳的「身形」,表露無遺。

球技了得

早前在上海拍完新劇《梟雄》外景的馬國明,暫時不用開工,有時間約人踢波,做吓運動。下午四點,去到石硤尾大坑東球場,會合波友,落場打友誼波。懶得行出行入去廁所換衫,馬國明跟其他隊友一樣,在球場邊換球衣,一啲都冇尷尬。
做完一輪拉筋熱身運動,正式落場。現場所見,馬國明腳法唔錯,不時有機會帶波同起腳射波,唔夠半個鐘,便憑黃金右腳成功入球;跑勻全場面不紅、氣不喘,踢足九十分鐘,持久力同耐力都相當驚人。
踢完波成身汗,馬國明即刻除去波衫同波褲,剝剩白色窄身加細碼拉筋褲。半裸示眾,沒有紮實四十二吋胸肌,胸部和胃腩鬆弛,唧出兩嚿士啤肉腰間,莫講話人魚線,男神的 body,被脂肪包圍。


上半身身形麻麻,勝在下半身有料到,前凸後趷,一樣殺食。 

坦蕩蕩的馬國明同隊友飲水兼吹水,相當奔放。 

就算附近有女人,馬國明一樣好少理,毫不尷尬。

由球場行去更衣室整段路程長達三分鐘,馬國明都著住條激凸拉筋褲,就算途人眼望望都冇所謂。 

在更衣室抹完身就迅速離開,揸車返回太古城寓所。 

完成《梟雄》上海外景返港,馬國明暫時未有新劇開拍。

春光「窄」洩

身材無睇頭,但馬國明還有引以為傲的一面。下半身的白色拉筋褲,貼身半透料,令藍色三角底褲盡現眼前外,下半身被箍到無所遁形,就算處於冷靜狀態,都可以毫無保留地立體展現「小馬明」的茁壯風采。
有料唔怕晒,馬國明在場邊休息飲水,跟隊友吹水,就算附近有女人經過一樣好少理,最後更以激凸狀態,行三分鐘路到更衣室沖涼換衫,相當招搖。
能夠被封為男神同筍盤,除了孝順、形象乖仔,原來暗藏個人長處,難怪與他傳過緋聞的大台姐仔如胡定欣、朱晨麗同朱千雪,均對他讚不絕口。


馬國明唔蒲唔煙,嗜好只有踢波同上鹹網,所以操得一腳好球技。 

開場前,馬國明做足熱身運動。 

林敏驄當日都有份落場踢波,但球技就一般。

去到球場搵唔到隊友,馬國明又露出他天然呆招牌樣。 

之前馬國明拍《戀愛季節》同《回到三國》都有半裸場面,但當時他身形明顯較瘦。 

專業馬評

在公眾地方展現豪邁一面,本刊將馬國明激凸相交俾幾位「馬評家」過目,當中曾與他合作過多次的胡杏兒,看到照片後當堂 O晒嘴,逐張睇完再睇。
「你(指記者)想我講乜先?哈哈……佢(馬國明)應該條褲太窄啫!(會唔會覺得不雅?)唔會呀,啲男仔都係咁㗎喇! OK吖!下次叫佢唔好著咁緊囉,哈哈……好似勒住好辛苦咁……買番條大碼啲嘅褲。(係咪太激凸?)冇乜嘢吖!都依然係男神吖,好多女仔見到都……哈哈……」
至於會否建議馬國明下次著番條面褲,胡杏兒表示:「呢啲嘢留番佢女朋友同佢講啦。(佢有女朋友咩?)我唔知佢有冇,我意思係,呢啲嘢應該係同佢好 close嘅人講囉。」
至於擁有六嚿腹肌身材 fit到爆、同馬國明合作過的王浩信,就有另類建議:「佢(馬國明)身形都算 fit吖,唔一定有六嚿腹肌先係嘅。(激凸到現晒形會唔會覺得不雅?)著番件衫可能好啲,不過可能踢完波熱啫!」
問到早前被影到同男神遊車河而傳出緋聞的上海佳麗徐佳琦,見到馬國明足球雄風,更加失晒魂。
「男仔踢波覺得熱除衫,著少啲褲其實都好正常,冇乜問題。(之前有冇見過馬國明冇著衫?)之前冇見過佢著緊身衫褲,男仔有少少肚腩都正常嘅。(睇到佢激凸會唔會覺得吸引?)佢高高大大,又好好人,同埋都幾 gentlemen囉!」徐佳琦說。


胡杏兒一見到馬國明的肉照,忍唔住笑到要遮面。 


本週一,馬國明拍攝廣告,大會提供條褲似乎太窄,搞到「小馬明」唔多舒服。

鍾嘉欣睇完馬國明張相後,表示擸眼睇冇事,專注睇先覺得嘩……乜嘢事呀! 

本身 fit到有六嚿腹肌的王浩信,建議馬國明不如著番件衫。 


馬國明最新的緋聞女友徐佳琦力撐他激凸好正常。 

緋聞女友

被封為筍盤的馬國明,入行 15年,與不少圈中女星傳過緋聞,但當中他只承認與胡定欣有過一段情。

 

曾華倩
05年被拍到在酒店密會談心,其後馬國明返女方九龍塘寓所過夜,有傳女方因兒子反對戀情,而同男友分手。

 

胡定欣
08年二人合作《舞動奇蹟 2》撻着,男方亦公開承認女友身份。 12年,有傳二人赴英國拍《衝上雲霄 2》一度翻撻。

 

朱晨麗
12年合作《名媛望族》,朱晨麗將熒幕初吻獻給馬國明,有指兩人一錫即着,之後更被影到男方管接管送,出雙入對。

 

朱千雪
今年 4月,馬國明被發現半夜車一齊拍《流氓皇帝》的朱千雪返屋企,其後男方自爆曾車過朱母,關係曖昧。

 

徐佳琦
在朋友聚會上認識,馬國明繼續使出柴可夫司機冧女招數,被傳媒發現凌晨時分遊車河,但戀情見光後,馬國明即表示已同女方斷絕來往。

激現雄風

要激活男人味,除了六嚿腹肌配人魚線,還有令女人們尖叫的茁壯雄風。

許志安
02年與 Sammi分手後,許志安與老友張衞健到布吉度假散心,在酒店泳池曬太陽時,被拍到穿上白色緊身三角泳褲,雄風畢露。

 

郭富城
09年,郭富城於台北小巨蛋開演唱會,濕身勁舞掀起高潮外,城城更透出「巨鵰」,被台灣傳媒形容為「士林大肉腸」。

 

鄭伊健
06年,鄭伊健到泰國拍攝電影《鹹蛋超人》期間到酒店泳池游水,露出激凸三角泳褲,還摺起褲邊自製 T-back曬太陽。

中佬危機

近年大台小生後繼無人,加上一線阿哥個個步入中年,要 keep住實力,又要 keep住身形,唔係個個都做得到。

走晒樣
吳卓羲
35歲的吳卓羲,一向放縱唔願 keep,加上零衣著品味,經常自暴其短,粗腰、肥臀、凸腩樣樣齊。

 

陳豪
43歲中佬陳豪,做埋老豆之後更加心廣體胖,暴脹了一個碼,早前出席活動時,就算穿上黑色恤衫,巨腩照現逼爆鈕。

 

Keep得好

羅仲謙
入行前做救生員的羅仲謙,操到渾身肌肉,經常剝衫晒 42吋胸肌,被封為「大隻謙」。

 

馬德鐘
46歲的馬德鐘, G4身形保持最佳狀態, 6呎 2吋身高加一身古銅色健碩肌肉,網民 like爆。


撰文、攝影:娛樂組
mailto:nextb@nextmedia.com

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()