全知言

瞓着都識唱 洗腦歌無限 loop

Ads by Google

不停 loop、不停 loop,洗腦歌之所以叫洗腦歌,就係你聽一、兩次就會喺腦海無限 loop,好似病毒入侵大腦一樣。
就算廿幾三十年前嘅舊歌都可以重新洗腦,好似〈相逢何必曾相識〉、〈獅子山下〉咁。
呀!唔好再講喇!我又不停 loop喇!
無謂令你令你令你令你…… 


何超儀 順便自 sell

何超儀首 MV好大膽,仲有同男模咀嘴場面,而歌詞又真係幾洗腦。

最洗腦歌梗係我自己 plug緊嘅歌叫〈好女孩〉啦,因為我日又聽夜又聽準備要演出。呢幾年我做嘅歌全部都鍾意,有新鮮感嘛!呢隻歌係講做好女孩,「嗲哋叫我唔好做怪,媽咪要我學會煮菜,好女孩不能亂來,乖乖乖!」歌詞係范曉萱填嘅,啱我㗎!
黃美棋 支持大台

暫時對我嚟講最深刻嘅洗腦歌係〈越難越愛〉,因為套劇沈震軒一見到陳敏之嘅時候,呢首音樂一定會播,同埋啲情節好浪漫,所以最近一見到佢哋一定諗起呢首歌。喺屋企有時都會哼吓,因為個 melody成日都會播,起碼我𠵱家都仲記得首歌。

吳若希〈越難越愛〉
吳若希嘅〈越難越愛〉本身唔算洗腦,但放喺電視劇入面不停 loop就好洗腦,連港視嘅美棋都搣唔甩。
扮咕咕雞
要強烈推薦王蓉嘅〈小雞小雞〉,佢有咩特別之處呢?成首歌得幾句歌詞啫,就係「公雞、母雞、小雞同埋咕咕 day」,我覺得點解啲歌詞咁得意呢?咩叫「咕咕 day」就唔係咁清楚,首歌嘅旋律異常洗腦,個 MV又拍得幾靚!因為我睇 MV都鍾意留意吓啲時裝嘅!我起碼睇咗 3次。

王蓉〈小雞小雞〉
內地歌手王蓉曾經因唱〈我不是黃蓉〉而走紅,音樂路線一向怪雞,但又好過癮。
泰臣 香港精神
係〈獅子山下〉。因為呢隻歌細細個就聽,呢排又聽好多喎!又好鍾意啲歌詞,又有貼身關係啦!係香港人嘅歌啦,唱嘅亦係我好欣賞嘅羅文!間唔中自己都會哼起。又因為我由屋企返工都會經過獅子山,雖然 miss咗有條 banner嗰個 moment,不過對我嚟講係一個好有印象嘅地標嚟嘅!

民選最 loop 〈話你戇×〉好抵死
成日喺 facebook聽到,幾得意吖,啲歌詞又有粗口,好抵死!唱到又要咁認真。

Barry
專上學院學生

David
〈話你戇×怕你嬲〉
電視播得多嘛!啲朋友喺 facebook又係咁洗版,聽咗好多次,出街都成日諗住,廿幾年前都有聽過,都識唱㗎,周星馳《家有囍事》都唱過啦!

阿輝
運輸

蔣志光、韋綺珊
〈相逢何必曾相識〉
深入民心同埋好聽,啲歌詞幾好,呢排經常喺旺角佔領區聽到,我有拎過物資去,喺旺角都唱過吓㗎!

Ai
平面設計師

Beyond
〈海闊天空〉

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()