伍嘉慧( Bethanie)
香港婚宴管理及形象設計學院
婚禮宴會統籌及新娘化妝高級文憑
Bethanie性格外向坐唔定,「呢科唔只坐課室齋聽書,有好多訓練化妝、 set頭課程,又可以出去睇吓唔同酒店場地,好多元化,一啲都唔悶!」

Ads by Google

U花 U草
搞婚宴嚇怕 準婚禮統籌師 伍嘉慧( Bethanie):最好旅行結婚!
到咗年尾,又係收紅色炸彈嘅旺季,想婚禮搞得好好睇睇,但又怕麻煩嘅通常會搵個婚禮統籌師( Wedding Planner)幫手!
讀緊婚禮宴會統籌文憑課程嘅伍嘉慧( Bethanie),放棄修讀主流課程,揀咗本地著名培訓婚禮統籌師嘅香港婚宴管理及形象設計學院嚟讀,希望下年再升讀 top-up degree嘅市場學, 19歲已認定自己目標!


19歲 Bethanie睇好婚禮統籌呢一行,「愈來愈多人嫌麻煩又唔想失禮,所以搵 wedding planner係近年大趨勢,平均一單生意都有一萬蚊人工,待遇唔錯!」

咪以為呢份工好易做,諗吓菜單、訂吓酒席就搞掂, Bethanie話讀咗先知呢科大把嘢讀,婚禮習俗、公關策略、市場學咩都要識,「我要成日上網睇呢排興啲咩,例如顏色、布料、回禮禮物、菜式,每季都有新嘢,仲要成日睇潮流雜誌同啲婚禮網,追住個潮流,例如以前多數人會用罐裝蜜糖或者筷子做回禮禮物,但𠵱家已經唔興,多咗人轉用杯裝蛋糕( cup cake)或者精美朱古力,潮流呢啲嘢唔識就 out,好易畀客人藐!」
一心喺呢行發展嘅 Bethanie睇落滿空熱誠,但對於自己的婚禮,她竟話一切從簡,「最好旅行結婚,咩繁文縟節都唔使理,加上自己做呢行,要求一定更加高,亦都會雞蛋挑骨頭,所以旅行結婚方便自己又唔使煩到人!」

Bethanie鍾意整甜品, Final Year Project就會將自己整嘅 cup cake融入功課入面,作為回禮禮物,「因為要預二百個,所以𠵱家同出面嘅餅鋪傾緊合作!」

Bethanie同男友都係愛狗之人,「我哋有一隻貴婦同史納莎,平時出街一見到狗就會同佢哋玩!就算功課幾忙,同佢哋玩吓就開心放鬆晒!」

撰文:校園組
攝影:何榮亮
形象及化妝: Kika Wong

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()