好多人以為健美比賽一定係成身搽晒油,小 B就話:「其實唔一定,好似我今年參加大專健美比賽,都係着 sport bra同短褲。」

Ads by Google

Main Camp
大專健美比賽 女都爭住玩
除咗街頭極限健身,其實近年好多 U仔都有玩健身運動,務求六嚿腹肌,難怪大專 gym room爆過 canteen!
𠵱家 U仔要人魚線、鯊魚線搵食,就連 U女都要有番對馬甲線傍身至夠潮,操得咁靚吸到睛,更可以比賽騷吓 quali。現讀浸大體育及康樂管理 Yr.1嘅小 B(李穎霖),上年開始參加大專嘅女子健美比賽,仲攞埋冠軍。問佢着三點式比賽尷唔尷尬,佢自信咁話:「靚嘅怕咩人睇!」


由細玩開跆拳道嘅小 B, 2年前為了着小背心靚啲,而跟朋友去做 gym,點知一做就愛上,去年第一次參加大專健體小姐已攞到亞軍,今年在大專 sports model比賽仲勇奪冠軍,小 B話:「其實我好男仔頭,上年比賽先係我人生第一次着三點式,開頭都尷尬,但難得教練鼓勵我參加,之後上 YouTube學外國嘅健美小姐擺甫士,我就覺得成件事好 pro,靚嘅怕咩俾人睇!」
為參加比賽,戒油鹽糖是常識!小 B仲會一星期做四次 gym:「其實愈嚟愈多大專生會參加健美比賽,特別係男仔,始終大隻會多啲女仔鍾意,女仔就少啲,怕太大隻嚇親,或者着高踭鞋唔靚。不過其實健美比賽都好好多,唔一定要爆肌,線條靚仲緊要。」

隔日就做 gym嘅小 B,平時生果當零食好健康。

其實差唔多每一間大專院校都有健身室,設施齊又唔使錢,係 U仔強身嘅妙品、妙品。
浸大妹愛晒肌


上年參加健體小姐比賽,係小 B第一次着三點式,仲要着埋高踭鞋,「我平時好少着高踭鞋,惟有喺屋企着住嚟行當練習。」
唔使着三角褲


參加健美比賽始終係男仔多,就讀柴灣 IVE嘅 Begor都有參加開健美比賽,佢話:「愈嚟愈多比賽會開埋大專組,差唔多三分一都係大專生,除咗年紀,主要會用高度分比賽組別。不過大專組唔使着三角褲同搽油,着沙灘褲就得。」

撰文:彭家駿
攝影:何榮亮

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()