上週五( 7日) Alan喺薄扶林伯大尼修院與富家女 Sally簽紙結婚,講完一句我願意, Alan二話不說就同老婆咀嘴。

Ads by Google

真面目
識揀 獨家 凸肚老婆趕嫁  Alan@Mr.入贅億半獨立屋
嫁個有錢人,有誰不想?
上週五( 7日), Mr.主音布志綸( Alan)結婚,就嫁(講錯添,係娶!)着香港玩具廠商會會長陳明耀個女 Sally Chan喇!早上去九龍塘渭州道億半獨立屋外家接新娘, Alan緊張到差點甩褲,好在成班 Mr.好兄弟傍住, Alan接新娘入贅成功。
事後 Alan接受訪問,話生仔都要隨緣,但旁邊的鼓手杜志烜( Tom)卻爆響口話「快喇快喇」,而穿上貼身婚紗的 Sally亦全程肚凸凸,拍拖 4年即入贅兼留後, Mr.嘅 Alan係有計喎!

09年以〈如果我是陳奕迅〉響朵的 Mr.,去年轉戰台灣,香港甚少蒲頭。不過一返港,即傳出喜訊。上週五( 7日)主音布志綸( Alan)迎娶富家女陳雪瑩( Sally),早上 Alan先在女家九龍塘億半獨立屋接新娘後,即往薄扶林伯大尼修院行禮兼註冊,晚上再移師中環四季酒店擺 32圍酒,香港玩具廠商會會長陳明耀嫁女,梗搞得好好睇睇。

簽紙前一直膠面唔笑嘅 Alan,簽埋名終於露出微笑,梗係啦,升呢喎!

雙方交換戒指, Sally手上鑽戒就咁睇都至少三卡,但 Alan就話,「唔好咁現實啦!」唔肯講卡數,只話婚禮用咗近百萬。
婚禮女家話事

Alan迎娶富家女 Sally,點少得同十億玩具富豪外父陳明耀(左一)影番張合照啦!

10年 10月, Alan因到 Sally家借充電器而與其前男友發生衝突,再被拉上差館而爆出戀情,當年 Alan曾說:「我純粹搵個朋友借啲嘢,我係盡番一個好朋友同正常人嘅責任。」而 Sally亦說:「當時佢(前男友)好激動,情緒有少少失控,我自己都好驚,就行咗去 Alan身邊」,雖然只認識二個月,但呢招英雄救美果然湊效。
事隔四年 Alan打鐵趁熱,據知去年底已向 Sally求婚成功,今年專注在台灣發展的 Alan亦將婚事全程交女方話事。上週五( 7日) Alan初時表現緊張,但簽紙作實後即鬆一口氣,面上更露出勝利笑容。「今日塊面有少少膠咗,因為緊張,但係𠵱家好放鬆(簽紙後)。 4年經歷好多,我同太太已經去到心靈交替。」
探 Alan轉貴酒店
去年大部分時間留在台灣的 Mr.,五子入面只有 Tom已結婚兼仔都有埋,但有個黐身女友的 Alan,因 Sally錢多時間多,一有時間即做跟得女友飛台灣探 Alan班,期間更多次嫌棄 Alan的唱片公司提供宿舍差,酒店未夠高級,私自同 Alan轉酒店住好啲,由於 Mr.五子分開住,集合時間和練習時間都受影響,其餘四子都有微言,但為免影響感情只敢怒不敢言。
據知 Alan已向公司請了一個月大假,與老婆飛歐洲渡蜜月,而已錄好一半的廣東大碟亦只好放埋一邊,等主音 Alan返港後至能繼續。據知婚後 Alan會入住 Sally九龍塘億半獨立屋,與外父外母同住。男方入贅女家?今時今日好平常啫!

晚上二人移師四季擺 32圍酒,抱得美人歸嘅 Alan笑到見牙唔見眼。

朝早九點未夠, Alan新娘都未接到,真係唧都唔識笑。

接完新娘 Alan同 Sally笑晒坐開篷老爺古董車往教堂。

10年 10月 Alan與 Sally相識 2個月,即與 Sally前度男友發生衝突,仲上埋港聞,間接踢爆戀情。

未識 Sally之前, Alan都係夜蒲爛玩之人,喺夜店左擁右抱?濕濕碎。
黎諾懿都做
5億女婿啦
布志綸( Alan)成功娶到陳雪瑩( Sally),做到十億女婿,嚟緊都結婚嘅 34歲黎諾懿都唔睇得少,本週二光棍節( 11日)就喺陽明山莊迎娶 31歲落選港姐,家擁 5億美容院生意的李潔瑩,不再光棍。
黎諾懿同李潔瑩拍拖 2年,二人一直相親相愛,雖然早前曾傳出李父係「被通知」及無份參與婚禮,不過亦無阻二人拉埋天窗,李潔瑩更公開撐黎諾懿「經濟獨立,有肩有腰」。的確,黎諾懿早前已在元朗買下獨立屋同老婆相宿相棲,上月又在微博大晒買俾老婆的 4卡巨鑽戒,所謂小財唔出,大財唔入啫!

結婚照又騷肌,連褲頭都解埋,黎諾懿娶得好老婆,自信都返晒嚟!

採訪、撰文:娛樂組
攝影:娛樂突發組

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()