上周三( 5日),素顏謝安琪同老公一齊去買珍珠奶茶,全程繞到老公實一實,順便騷埋部金色 iPhone 6+!

Ads by Google

真面目
大紅人 兩公婆玩晒 謝安琪扮殭屍拍嘉穎 張繼聰男一攀楊怡
冇錯!又係《老表》,雖然收視得嗰 25點,不過無可否認,多得班忠實師奶捧場,唔少好戲又靚聲之人因此鹹魚翻生,除咗蔣志光,仲有識得用對波猜枚嘅張繼聰。
冇錯!一樣係大台,林峯走完輪到杏兒走,不過小生花旦走夾唔唞,亦造就有「志」之士攝位上!繼謝安琪落實處女拍劇擔正《殭》後,最新消息係張繼聰連接兩套新劇,為做男主角連唱片都放棄唔再出!明年夫妻檔齊齊入「主」大台,仲有邊個敢話張繼聰係廢柴? 


唔到你唔認,電視劇入屋威力的確無窮!歌星出身的蔣志光要靠套《老表》話俾人知佢其實識唱歌,而演藝學院畢業嘅張繼聰亦都係靠《老表》提醒全港市民,其實佢好叻做戲!難怪一早在樂壇晉升天后之列、亦已成功打入內地市場的張太謝安琪明年都要回歸,向大台獻出寶貴第一次:夥拍鄭嘉穎主演新劇《殭》。

有份合照
《老表》熱播、「 Mario」人氣急升,張繼聰再唔係「謝安琪老公」,兩公婆被奶茶職員捉住影合照。

當日張繼聰接受完電台訪問回到比華利山豪宅,專程用價值 40萬 Benz A250接載老婆往大埔市中心買珍珠奶茶。
大茄翻身
自從搞大 Kay肚、 07年奉子成婚,張繼聰一直因為事業發展不如太太惹人話柄。全靠兩年前得祖藍招攬有份演出《老表,你好嘢!》,戲劇功底和搞笑天份再受注目,劇接劇成為大台監製新歡。
雖然套套唔係擔正,不過《食為奴》、《忠奸人》、以及出緊街的《老表,你好 Hea!》套套搶眼,總算捱出頭來,下個月開鏡的《收規華的良心》更升呢做男一,高攀花旦楊怡做對手,而另一套明年初開拍、由《使徒行者》監製文偉鴻操刀的《大情大性》亦被 mark做男主角。據悉,無心插柳拍劇入屋加上唱片業難撈,張繼聰索性放棄歌手事業全力拍劇。今次總算發圍振夫綱!

去年主力拍劇的張繼聰表現一套出過一套,《老表》震波猜枚更讓他成為全城熱話。電視畫面

現正於武當和錢小豪拍劇的楊怡,下月回港後便會即刻跟張繼聰開工拍《收規華的良心》。網上圖片

之後會跟沈震軒拍《大情大性》,有心打造新小生接棒。網上圖片

客串《老表》都係小試牛刀,天后 Kay明年同鄭嘉穎合拍《殭》,好多巴打恨睇處女下海。

張繼聰放棄出碟全力拍劇,謝安琪就兩邊兼顧,新碟《 Kontinue》上月出版即賣斷市,最近更有份演出騰訊的《 Hi歌》唱歌選秀節目,反應勁好!《蘋果日報》圖片

多得王祖藍慧眼識英雄邀拍《老表》,張繼聰劇接劇成為大台新歡,《老表》後等出街的還有《四個女仔三個 Bar》。網上圖片
唱匠收容所
香港唱片最輝煌年代早成過去,早在張繼聰之前,出碟難撈歌星改行拍劇的大有人在。視帝鄭嘉穎、靚聲王蔣志光以外,電視台還有好多收容例子,總之鬥長命有朝一日靠劇力反攻入樂壇。


王浩信
05年出道做歌手卻發展不如意。 08年改做大台親生仔,雖然一直在二線尾三線頭徘徊,不過勝在演出不斷不愁機會。


蕭正楠
02年與余文樂、麥浚龍是同期樂壇新人,發展卻被兩人遠遠拋離, 08年入電視台後撞正鬧小生荒成功上位。


馬浚偉
93年參加歌唱比賽,自比黎明、張學友出事成為唱片公司棄將, 95年加入電視台反而成為師奶殺手,離開無綫後今年中自組工作室再出專輯。

採訪、撰文、攝影:娛樂組

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()